მასწავლებლებისთვის სტატუსის მოპოვება უმნიშვნელოვანესი საკითხია. სწორედ ეს არის მათი კარიერული წინსვლის დასტური.
ნახეთ პედაგოგების ფეისბუქსტატუსები, სადაც ისინი თავიანთ სიხარულს კოლეგებს უზიარებენ. კომენტარებში გაგვიზიარეთ თქვენი რეაქცია, როდესაც მსგავსი სიახლე შეიტყვეთ.
შეძლებენ თუ არა შემოდგომის გამოცდაზე გასვლას ის აპლიკანტები, რომლებიც ზაფხულის გამოცდაზე დარეგისტრირდნენ, თუმცა არ გასულან
მას შემდეგ, რაც მასწავლებელთა კომპეტენციის დადასტურების გამოცდები დასრულდა, განსაკუთრებით აქტუალური გახდა კითხვა - ვინ შეძლებს განმეორებით გამოცდაზე გასვლას.
როგორც Moms.ge-ს მასწავლებელთა პროფესიული განვითარების ეროვნულ ცენტრში განუცხადეს, ჯერჯერობით ოფიციალური ბრძანება ამ საკითხზე არ გამოცემულა.
„მასწავლებელთა გამოცდაზე, რომელიც ნოემბერში განმეორებით ჩატარდება, გასვლას შეძლებენ ის აპლიკანტები, რომლებსაც თავიანთი შედეგების გაუმჯობესება სურთ. სწორედ ეს არის განმეორებითი გამოცდის დანიშვნის მიზანი. რაც შეეხება იმ აპლიკანტებს, რომლებიც ზაფხულის გამოცდაზე დარეგისტრირდნენ, თუმცა არ გასულან, მათ შესახებ ჯერ ოფიციალური ბრძანება არ გამოსულა,“ - აღნიშნეს მასწავლებელთა პროფესიული განვითარების ეროვნულ ცენტრში.
მათივე ცნობით, შემოდგომის გამოცდასთან დაკავშირებული დეტალური ინფორმაცია შესაბამის ბრძანებაში გაიწერება.