Baby Bag

ინფორმაცია იმ მასწავლებლებისთვის, რომლებსაც გარე დაკვირვება განაწილებული აქვთ 2-6 მარტის პერიოდში

ინფორმაცია იმ მასწავლებლებისთვის, რომლებსაც გარე დაკვირვება განაწილებული აქვთ 2-6 მარტის პერიოდში

მასწავლებლის პროფესიული რეგულირების პროგრამის გარე დაკვირვების მიმართულების მენეჯერი, ქრისტინე ინგოროყვა ინფორმაციას აქვეყნებს იმ მასწავლებლებისთვის, რომლებსაც გარე დაკვირვების თარიღები გადანაწილებული აქვთ 2-6 მარტის პერიოდში.

„ბუნებრივია, არდადეგების გახანგძლივების გამო, თითოეულ თქვენგანს შეგეცვლევათ პერიოდი და ვადა გაგიგრძელდებათ არდადეგების დასრულების შემდგომ.

რაც შეეხება იმ მასწავლებლებს, რომლებსაც 2-16 მარტის ჩათვლით გიწევთ გაკვეთილის გეგმების/რეფლექსიის ატვირთვა, თქვენს შემთხვევაში არაფერი იცვლება, ჩვეულებრვად ატვირთეთ ამ პერიოდში.

პ.ს. რადგან მესინჯერში ერთი და იგივე შინაარსის უამრავი კითხვა მომივიდა, აქვე დავაზუსტებ.
2-6 მარტის პერიოდში, ერთი გაკვეთილი მაინც თუ გიწევდათ, პერიოდი აუცილებლად შეგეცვლებათ.
გაკვეთილებს ისევ თანმიმდევრულად ჩაატარებთ, მაგ. 6-ში პირველი გაკვეთილი თუ გქონდათ, მოგიწევთ 16 მისი ჩატარება.
ვისაც უკვე დაგირეკეთ და გაგაფრთხილეთ, რომ 2-ში მოვდივართ, რა თქმა უნდა, ეგ გაკვეთილიც გადაიწევს.
ვისაც უკვე გაკვეთილის გეგმები ატვირთული გაქვთ, არ მოგიწევთ სხვა გეგმების ატვირთვა, ჩვეულებრივად, იმავე გეგმით ჩაატარებთ გაკვეთილებს არდადეგების შემდგომ.

ჯანმრთელობას და წარმატებას გისურვებთ ყველას!“ - წერს ქრისტინე ინგოროყვა.

შეიძლება დაინტერესდეთ

როგორ მოხდება მოსწავლეების შეფასება? - განათლების მინისტრის პასუხი

როგორ მოხდება მოსწავლეების შეფასება? - განათლების მინისტრის პასუხი
საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა, ​განათლების ანტიკრიზისული გეგმის წარდგენისას ყურადღება გაამახვილა წლის ბოლოს მოსწავლეთა შეფასების საკითხებზე. როგორც მან აღნიშნა, სამინისტრომ ახალი მოდელი შეიმუშავა. მინისტრის განმარტებით, ახალი მოდელით მოსწავლეთა შეფასება და წლიური ქულის განსაზღვრა გულისხმობს თითოეული მოსწავლისთვის ინდივიდუალურ მიდგომას, ამავე დროს, აკადემიური სტანდარტის შენარჩუნებასა და დაცვას.
2019-2020 სასწავლო წელს, მოსწავლეთა შესაფასებლად, განისაზღვრა შეფასების ორი სავალდებულო ფორმა - განმავითარებელი და განმსაზღვრელი შეფასება.
„დისტანციური სწავლებისთვის წამყვან ექსპერტებთან ერთად შევიმუშავეთ შეფასების საინტერესო მოდელი, რომელიც საერთაშორისო გამოცდილებას ეფუძნება. ამ მოდელის მთავარი ფილოსოფია გახლავთ ის, რომ იგი ორიენტირებულია თითოეულ მოსწავლეზე და, ამავდროულად, შენარჩუნებულია აკადემიური სტანდარტი.
განმავითარებელი შეფასება არის მსოფლიოში აპრობირებული, რომელიც გამოიყენება ისეთ წამყვან ქვეყნებში, როგორებიცაა ფინეთი და ესტონეთი. იგი მასწავლებელს აძლევს საშუალებას, სიღრმისეულად შეაფასოს მოსწავლის აკადემიური დინამიკა, მისი ძლიერი და სუსტი მხარეები. 
ჩვენ შევიმუშავეთ შეფასების ალტერნატიული გზებიც: იმისთვის, რომ წავახალისოთ სკოლების ავტონომია და მათი დამოუკიდებლობის ხარისხი, შევთავაზებთ, თავად შეაფასონ მოსწავლის მოსწრება,“ - განაცხადა მიხეილ ჩხენკელმა.
განმავითარებელი შეფასებისას, მასწავლებელი სასწავლო წლის განმავლობაში აღწერს თითოეული მოსწავლის განვითარების დინამიკას, რაც ხელს უწყობს სწავლის ხარისხის გაუმჯობესებასა და მომდევნო სასწავლო წელს ეფექტიანი საგაკვეთილო პროცესის დაგეგმვის შესაძლებლობას.
განმსაზღვრელი შეფასება აკონტროლებს სწავლების ხარისხს ეროვნული სასწავლო გეგმით განსაზღვრულ მიზნებთან მიმართებაში და მოსწავლის ცოდნის დონეს აფასებს შესაბამისი ქულებით.
მოსწავლის შესაფასებლად, სამინისტრომ შეიმუშავა შეფასების ალტერნატიული გზებიც. კერძოდ;
✔ მოსწავლის 2019-2020 სასწავლო წლის წლიურ ქულად განისაზღვრება მოსწავლის მიერ I სემესტრში მიღებული ქულა.
✔ მოსწავლის 2019-2020 სასწავლო წლის წლიურ ქულად განისაზღვრება მოსწავლის მიერ I სემესტრში მიღებული ქულის მეორე სემესტრის 6 კვირის განმავლობაში გავლილი პროგრამისა და დისტანციური სწავლების პროცესში მიღებული ცოდნის შეფასების საფუძველზე მიღებული შემაჯამებელი ქულის საშუალო არითმეტიკული.
✔ იქიდან გამომდინარე, რომ მეხუთე კლასის მოსწავლეებისთვის განმსაზღვრელი შეფასება იწყება II სემესტრიდან, 2019-2020 სასწავლო წლის II სემესტრის 6 კვირის განმავლობაში გავლილი პროგრამისა და დისტანციური სწავლების პროცესში მიღებული ცოდნის შეფასების საფუძველზე გამოითვლება მეხუთეკლასელების წლიური ქულა.
✔ იმ შემთხვევაში, თუ მოსწავლეს 2019-2020 სასწავლო წლის I სემესტრის შეფასება არა აქვს, მოსწავლის წლიური ქულა განისაზღვრება 2019-2020 სასწავლო წლის II სემესტრის 6 კვირის განმავლობაში გავლილი პროგრამისა და დისტანციური სწავლების პროცესში მიღებული ცოდნის შეფასების საფუძველზე.
მიხეილ ჩხენკელმა ხაზგასმით აღნიშნა, რომ სამინისტრო დისტანციურ სწავლებას განიხილავს, როგორც სწავლების შეუფერხებლად გაგრძელების შესაძლებლობას. სწორედ ამიტომ, სამინისტროს მიერ შემუშავებული შეფასების ახალი მოდელი, პანდემიის პირობებში არსებულ რეალობასთან სრულ შესაბამისობაშია.

ნახეთ მოსწავლეების შეფასების დეტალური ინსტრუქცია - მოსწავლეთა წლიური შეფასება ​2019-2020 სასწავლო წელს - დეტალები სამინისტროსგან

იმისთვის, რომ პირველებმა გაიგოთ განათლების სისტემაში მიმდინარე სიახლეების შესახებ არ დაგავიწყდეთ!!!


წაიკითხეთ სრულად