„გარე დაკვირვების წესის დამტკიცების შესახებ“ ბრძანებაში ცვლილებაა. შესაბამისი დოკუმენტი, რომელსაც განათლების, მეცნიერების, კულტურისა და სპორტის მინისტრი მიხეილ ჩხენკელი აწერს ხელს, საკანონმდებლო მაცნეში დღეს, 13 მაისს გამოქვეყნდა.
ბრძანების თანახმად, იმ მასწავლებლებს, რომლებმაც 2020 წლის 2 მარტიდან ზოგადსაგანმანათლებლო დაწესებულებებში სასწავლო პროცესის შეჩერების გამო ვერ შეძლეს გარე დაკვირვების გავლა, უფლება აქვთ გარე დაკვირვებაზე რეგისტრაცია გაიარონ 2020-2021 სასწავლო წლის განმავლობაში.
ამასთან, როგორც ბრძანებაშია აღნიშნული, მასწავლებლებისთვის გარე დაკვირვებაზე რეგისტრაციის გავლის ვადები და შესაბამისად, გარე დაკვირვების გავლის ვადები განისაზღვრება მასწავლებელთა პროფესიული განვითარების ეროვნული ცენტრის დირექტორის ინდივიდუალური-ადმინისტრაციული სამართლებრივი აქტით.
როდის გამოქვეყნდება მასწავლებელთა გამოცდის აპელაციის შედეგები
შეფასებისა და გამოცდების ეროვნული ცენტრის ინფორმაციით, მასწავლებელთა გამოცდის აპელაციის შედეგები მიმდინარე კვირაში გამოქვეყნდება. მათივე ცნობით, ამ ეტაპზე სააპელაციო განაცხადების განხილვის პროცესი მიმდინარეობს.
შეგახსენებთ, რომ მასწავლებლებსა და მასწავლებლობის მსურველებს თავიანთი ნამუშევრის გასაჩივრებისთვის 3 დღე ჰქონდათ. სააპელაციო განაცხადების მიღება 9 დეკემბრიდან 11 დეკემბრის ჩათვლით მიმდინარეობდა.
