Baby Bag

როგორ ავიღოთ ანალიტიკურ წერასა და ტექსტის გააზრებაში მაქსიმალური, 18 ქულა? - მასწავლებელთა გამოცდები 2020

როგორ ავიღოთ ანალიტიკურ წერასა და ტექსტის გააზრებაში მაქსიმალური, 18 ქულა? - მასწავლებელთა გამოცდები 2020
მასწავლებლობის მსურველებს გამოცდის დაწყებამდე თვეზე ნაკლები რჩებათ. პედაგოგთა პროფესიული ზრდის ცენტრი მასწავლებლებს სთავაზობს ტრენინგებს, რომლებიც გამოცდაზე მაღალი ქულის აღებაში დაეხმარებათ.

ცენტრის ცნობით, გამოცდამდე ორი ტრენინგი ჩატარდება:

„გამოცდაზე მაღალი ქულის მოპოვება საგნის ცოდნის გარდა, მოითხოვს დამატებით უნარებს. მაგალითად, უნდა ვიცოდეთ, როგორ დავწეროთ სრულფასოვანი ანალიტიკური ნაშრომი (რომელიც ფასდება 11 ქულით) და ტექსტის გააზრების სავარჯიშო (რომელიც ფასდება 7 ქულით) შევასრულოთ მაღალ დონეზე. ამ ორ საკითხს ეწოდება აკადემიური უნარები. ის ფასდება 18 ქულით. სტატისტიკურად აპლიკანტების 80%-ს სწორედ ამ ორი საკითხის შესრულება უჭირს. ჩვენ მასწავლებლობის მსურველებს ვთავაზობთ ტრენინგებს, რომელიც მორგებულია გამოცდაზე და მათ დაეხმარებათ 18 ქულის მოპოვებაში,“ - აღნიშნავენ პედაგოგთა პროფესიული ზრდის ცენტრში.

პროფესიული ზრდის ცენტრის ინფორმაციით, ტრენინგებს მასწავლებლის სახლის გამოცდილი და მაღვალკვალიფიციური ტრენერები ატარებენ:

„მხოლოდ მასწავლებლის სახლის გამოცდილ და მაღვალკვალიფიციურ ტრენერებს შეუძლიათ ასწავლონ პედაგოგებს მეთოდები, რომლის საშუალებითაც შეძლებენ 11-ქულიანი ესეს დაწერას და ტექსტის გააზრების კითხვებში 7 ქულის აღებას,“ - აღნიშნავენ ცენტრში.

ტრენინგებზე რეგისტრაცია 2 ივლისს დასრულდება (ადგილები შეზღუდულია), ტრენინგები კი 3 ივლისიდან დაიწყება და ხანგრძლივობაა 3 კვირა.

ტრენინგების ღირებულებაა: ანალიტიკური წერა - 60 ლარი, ტექსტის გააზრება - 60 ლარი.

რეგისტრაციისთვის ეწვიეთ ბმულს


​დამატებითი ინფორმაციისთვის ეწვიეთ პედაგოგთა პროფესიული ზრდის ცენტრის ფეისბუქგვერდს ან დარეკეთ ნომერზე 592 47 72 77.

R.

შეიძლება დაინტერესდეთ

„დღეს, როდესაც ქვეყნაში გაჭირვებაა და მშობლები ლუკმა-პურის საშოვნელად სახლიდან არიან გასულნი, ბავშვების აღზრდის ფუნქცია ძირითადად სკოლას დაეკისრა. ამდენად, მასწავლებლის ფუნქციამ სხვა დატვირთვა შეიძინა“

„დღეს, როდესაც ქვეყნაში გაჭირვებაა და მშობლები ლუკმა-პურის საშოვნელად სახლიდან არიან გასულნი, ბავშვების აღზრდის ფუნქცია ძირითადად სკოლას დაეკისრა. ამდენად, მასწავლებლის ფუნქციამ სხვა დატვირთვა შეიძინა“

სრულიად საქართველოს კათოლიკოს-პატრიარქმა ილია მეორემ მასწავლებლებს პროფესიული დღე ​მიულოცა. გთავაზობთ პატრიარქის მილოცვას:

„მასწავლებლის დღე მინდა მივულოცო პედაგოგებს, ამ უმნიშვნელოვანესი და ფრიად საპატიო პროფესიის წარმომადგენლებს.

იყო კარგი ამღზრდელი, ნიშნავს მყარი საფუძველი შექმნა ქვეყნის ხვალინდელი დღისთვის, ნიშნავს მტკიცე ხიდი გასდო წარსულსა და მომავალს შორის და ერის მეობის შენარჩუნებაში დიდი წვლილი შეიტანო.

დღეს, როდესაც ქვეყნაში გაჭირვებაა და მშობლები ლუკმა-პურის საშოვნელად სახლიდან არიან გასულნი, ბავშვების აღზრდის ფუნქცია ძირითადად სკოლას დაეკისრა. ამდენად, მასწავლებლის ფუნქციამ სხვა დატვირთვა შეიძინა.

დღეს თქვენ, - ზოგიერთი პედაგოგი და ბევრი სხვაც, - შეიძლება ვერც აცნობიერებთ, რამდენად მნიშვნელოვან როლს ასრულებთ ქვეყნის ცხოვრებაში. თქვენი სახელი და ღირსება ამიტომაც უნდა იყოს სათანადოდ დაცული და დაფასებული. თუმცა, აუცილებელია ისიც, რომ ამ საქმიანობას თავის პროფესიაზე შეყვარებული, ღირსეული ადამიანები ემსახურებოდნენ.

მინდა ეს დღე განსაკუთრებულად მივულოცო უცხოეთში, ჩვენს დიასპორებში, მოღვაწე პედაგოგებს, რომლებიც საქართველოს სიყვარულს უნერგავენ საზღვარგარეთ მცხოვრებ ჩვენს პატარებს. ისინი, ფაქტიურად, თავის თავში საქართველოს მოიცავენ და, საგანთან ერთად, ბუნებრივად, სამშობლოსმცოდნეობასაც ასწავლიან აღსაზრდელებს.

მე ვიცი, რომ სხვადასხვა ქვეყანაში მყოფი ქართველი პედაგოგები გაერთიანდით და შექმენით მასწავლებელთა საერთაშორისო ასოციაცია, რაც მეტად მნიშვნელოვანი ფაქტია. თქვენ ყველანი ჩვენი დიდი იმედი ხართ. ერთობით ხომ გაცილებით ბევრი რამის გაკეთებაა შესაძლებელი.

კიდევ ერთხელ ყველას გულითადად გილოცავთ მასწავლებლის დღეს და გლოცავთ!

ღმერთმა გაგაძლიეროთ, განგამტკიცოთ, მოგცეთ უშრეტი ენერგია და სიყვარული, რათა თქვენი მოვალეობის ღირსეული აღმსრულებელნი იყოთ.

ღმერთმა დალოცოს საქართველო და მისი მომავალი,“ - აღნიშნულია პატრიარქის მილოცვაში.

წაიკითხეთ სრულად