Baby Bag

,,ხელფასის ზრდა არ იყოს მიბმული სტატუსზე, რამდენი პროცენტი აიმაღლებდა სტატუსს?''

,,ხელფასის ზრდა არ იყოს მიბმული სტატუსზე, რამდენი პროცენტი აიმაღლებდა სტატუსს?''

,,მასწავლებელი ან არის კარგი ან ცუდი. ეს ის სპეციალობაა, ,,საშუალო" რომ არ გამოდგება შასაფასებლად. მასწავლებელი მოსწავლეებს ან უყვართ/პატივს სცემენ ან არ უყვართ (ცუდ შემთხვევაში სძულთ), შესაძლოა არანაირი გრძნობა არ ჰქონდეთ, ესაც ძალიან ცუდია. 

მასწავლებლის სტატუსი (პრაქტიკოსი, უფროსი, წამყვანი, მენტორი) არანაირ კავშირში არ არის - კარგია მასწავლებელი თუ ცუდი, როგორ გაკვეთილს ატარებს საინტერესოს თუ უინტერესოს ან საერთოდ არ ატარებს. 

რას ნიშნავს მასწავლებლის წინსვლა? - აბა, ვცადოთ და ხელფასის ზრდა არ იყოს მიბმული სტატუსზე, რამდენი პროცენტი აიმაღლებდა სტატუსს?

წინსვლა, ჩემი აზრით, უნდა იყოს სხვა სახის და ის პიროვნულ თვისებებზე უნდა იყოს მიბმული. მაგ. მივედი სკოლაში პრაქტიკოს მასწავლებლად, გავხდი მასწავლებელი, შემდეგ უფროსი მასწავლებელი, ამის მერე კათედრის ხელმძღვანელი, შემდეგ დირექტორის მოადგილე, შემდეგ დირექტორი. 

ესაა წინსვლა სკოლის დონეზე. როგორია მასწავლებელი, ამის შეფასებას მოსწავლე გააკეთებს ყველაზე კარგად. ხოლო თუ რა შედეგებს დებს, ესაც მისი მოსწავლეების ცოდნისა და უნარ-ჩვევების შედეგების მიხედვით განისაზღვრება. 

მოდით ჩავატაროთ ექსპერიმენტი - შევიდეთ ნებისმიერ სკოლაში და დავესწროთ სხვადასხვა სტატუსის მასწავლებლებს გაკვეთილზე, წინასწარი გაფრთხილების გარეშე. დავინახავთ, რომ ჩვეულებრივი მიმდინარე გაკვეთილია (დაუდგმელი), არაფრით განსხვავდება ერთმანეთისგან. (არ შეიძლება არ ავღნიშნოთ მასწავლებლების მცირე ჯგუფი, მათი აქტივობები სოციალურ ქსელშიც ჩანს). მაგალითად, მოვიყვან - ჩემი სკოლის მასწავლებლებს, როგორ გაკვეთილსაც ატარებდნენ პრაქტიკოსის სტატუსით - ისეთივეს ატარებენ უფროსის სტატუსითაც. მაშინ ამიხსენით, რა საჭიროა ამდენი წვალება (გამოცდები, ტრენინგები..) თუ საკლასო ოთახში არ გადმოვიდა მასწავლებლების ახალშეძენილი ცოდნა და უნარ-ჩვევები?''

ავტორი: ელზა ბადაშვილი

თუ გინდათ, რომ განათლების სფეროში მიმდინარე სიახლეების შესახებ ინფორმირებულები იყოთ, მოიწონეთ გვერდი „მასწავ​ლებლების სანდო წყარო“

,,გავშიფროთ, რას თხოვენ მასწავლებლებს...''
ავტორი: თბილისის 136-ე სკოლის დირექტორი ელზა ბადაშვილი მოიწონეთ გვერდი „მას​წავლებლების სანდო წყარო“

შეიძლება დაინტერესდეთ

ორი სიახლე, რომელიც მიხეილ ჩხენკელის გამოსვლიდან გავიგეთ

ორი სიახლე, რომელიც მიხეილ ჩხენკელის გამოსვლიდან გავიგეთ

უწყებათაშორისი საბჭოს გადაწყვეტილებით, 4 ოქტომბრიდან საქართველოს მასშტაბით ყველა საჯარო და კერძო სკოლაში, სასწავლო პროცესი საკლასო ოთახებში გაგრძელდება.

ასევე, 4 ოქტომბრიდან თავიანთ საქმიანობას სრულად აღადგენენ საჯარო და კერძო ბაღები საქართველოს მასშტაბით.

განათლებისა და მეცნიერების სამინისტრო მშობლებს კვლავ აძლევს შესაძლებლობას, აირჩიონ დისტანციური სწავლების ფორმა, ასევე რისკჯგუფში მყოფ მასწავლებლებს, სურვილის შემთხვევაში შეეძლებათ, გაკვეთილები დისტანციურად ჩაატარონ.

აღსანიშნავია, რომ დასწრებული სწავლების შემთხვევაში, მოსწავლეები I-XII კლასების ჩათვლით, ვალდებული იქნებიან ატარონ პირბადე.

სახელმწიფო კვლავ უზრუნველყოფს მასწავლებელთა სავალდებულო ტესტირებას, სასწავლო პროცესი კი ჯანდაცვის სფეროს რეკომენდაციების სრული დაცვით წარიმართება.

რაც შეეხება უმაღლეს სასწავლო დაწესებულებებსა და პროფესიულ სასწავლებლებს, მათ უფლებამოსილება ეძლევათ, 4 ოქტომბრიდან სასწავლო პროცესი მთლიანად არადისტანციურ ფორმატში წარმართონ. პროცესი ნებაყოფლობითია და სასწავლებლები კონკრეტულ გადაწყვეტილებებს ინდივიდუალურად მიიღებენ.

მიხეილ ჩხენკელი: „კარგი და სასიხარულო ამბავი გვაქვს საზოგადოებისთვის, კერძოდ, 4 ოქტომბერს საბავშვო ბაღების მუშაობა აღდგება სრულად, ეს, რასაკვირველია, ეხება როგორც სახელმწიფო, ასევე, კერძო ბაღებს.

ყველა საჯარო და კერძო სკოლაში, მთელი ქვეყნის მასშტაბით, 4 ოქტომბერს სწავლა გაგრძელდება საკლასო ოთახებში, ანუ დასწრებულ ფორმატში. ეს ძალიან დიდი მიღწევაა და ყველას გილოცავთ!

რაც შეეხება უმაღლეს საგანმანათლებლო დაწესებულებებსა და პროფესიულ სასწავლებლებს, მთელი ქვეყნის მასშტაბით, უფლება ექნებათ, 4 ოქტომბერს პროცესი განაახლონ დასწრებულ ფორმატში, ანუ აუდიტორიაში. გადაწყვეტილებებს კოლეჯები და უნივერსიტეტები თავად იღებენ საკუთარი უფლებამოსილების ფარგლებში, რა თქმა უნდა, სამინისტროსთან შეთანხმებით.

განსაკუთრებით მინდა ხაზი გავუსვა, რომ ჯანდაცვის სფეროს რეკომენდაციები და სამედიცინო პროტოკოლი იქნება ზედმიწევნით დაცული. სიახლე გახლავთ ის, რომ სკოლებში ყველა მოსწავლისთვის აუცილებელი იქნება პირბადის ტარება.

მსურს, თხოვნით მივმართო საზოგადოებას, რომ ეს დიდი მიღწევა ჩვენ უნდა შევინარჩუნოთ. ამისთვის აუცილებელია, რომ ინტენსიურად გაგრძელდეს აცრის პროცესი. რაც შეიძლება მეტი ადამიანი უნდა ჩაერთოს ამ პროცესში.

შეგახსენებთ, რომ აცრილ მასწავლებელთა რაოდენობა 65% უახლოვდება. UNICEF-თან ერთად ჩვენი სამინისტრო აგრძელებს აქტიურ კამპანიას იმისთვის, რომ სკოლის პერსონალი იყოს სრულად ვაქცინირებული. განსაკუთრებული ყურადღება მინდა გავამახვილო ბავშვების მშობლებზე – იმისათვის, რომ ჩვენს ბავშვებს ჰქონდეთ საშუალება, უსაფრთხოდ გააგრძელონ სწავლა ბუნებრივ გარემოში, ანუ საკლასო ოთახებში, ჯანსაღი გარემო უნდა იყოს არა მხოლოდ სკოლაში, არამედ ოჯახებში, მათ სახლებში. შესაბამისად, კიდევ ერთხელ უმორჩილესად ვთხოვ ჩვენი შვილების, ჩვენი ბავშვების მშობლებს, რომ აიცრან.

კიდევ ერთი მნიშვნელოვანი ფაქტორი მინდა შევახსენო საზოგადოებას, რომ ჩვენ მშობლებს ვთავაზობთ მაქსიმალურად მოქნილ სისტემას. თუ რომელიმე მშობელს სურს, რომ მისმა შვილმა ონლაინ სივრცეში გააგრძელოს მეცადინეობები, ჩვენ მას ამის შესაძლებლობას ვაძლევთ. ეს არჩევანი აქვს ყველა მშობელს. აღნიშნული პრაქტიკა უკვე დანერგილი გვქონდა გასულ სასწავლო წელს. გვაქვს პორტალი და სკოლის ადმინისტრაცია გაუწევს ამ პროცესს ორგანიზებას“.

წაიკითხეთ სრულად