Baby Bag

ტრენინგებზე, რომლებიც 10 კრედიტის მოპოვებაში დაგეხმარებათ, რეგისტრაცია დაიწყო

ტრენინგებზე, რომლებიც 10 კრედიტის მოპოვებაში დაგეხმარებათ, რეგისტრაცია დაიწყო
მასწავლებლებს, რომლებიც გამოცდაზე შემოდგომაზე გადიან, შესაძლებლობა ეძლევათ გაიარონ ტრენინგები, რომლებიც 10 კრედიტის მოპოვებაში დაეხმარებათ. 

„მასწავლებლებს, რომლებიც შემოდგომაზე გადიან გამოცდაზე, შესაძლებლობა ეძლევათ პედაგოგთა პროფესიული ზრდის ცენტრის ტრენინგები გაიარონ. სწორედ ეს ტრენინგი დაეხმარებათ მასწავლებლებს, გამოცდა 10 კრედიტზე ჩააბარონ. ტრენინგს ატარებენ მასწავლებლის სახლის ტრენერები, რომელთა ნაწილიც თავად ასწორებს ამ გამოცდას. კურსის გავლის შემდეგ, მასწავლებლებს სერტიფიკატები გადაეცემათ,“ - აღნიშნავენ პედაგოგთა პროფესიული ზრდის ცენტრში.

პედაგოგებს კურსის დასაწყისში ელექტრონული კრებული და ტესტური დავალებები მიეწოდებათ. 


რეგისტრაცია მიმდინარეობს შემდეგ საგნებზე:

  • დაწყებითი კომბინირებული კურსი - ქართული, მათემატიკა, ბუნება, აკადემიური უნარები

კურსის ხანგრძლივობაა 48 საათი (2 თვე), მეცადინეობები ტარდება კვირაში 3-ჯერ, თითო სესიის ხანგრძლივობაა 3 საათი - სრული კურსის ღირებულებაა დასწრებით - 200 ლარი, ონლაინ - 150 ლარი;

  • მათემატიკა I-VI - მათემატიკა, აკადემიური უნარები

კურსის ხანგრძლივობაა 30 საათი (1,5 თვე), მეცადინეობები ტარდება კვირაში 2-ჯერ, თითო მეცადინეობის ხანგრძლივობაა 3 საათი - სრული კურსის ღირებულებაა დასწრებით - 200 ლარი, ონლაინ -150 ლარი

  • მათემატიკა VII-XII: მათემატიკა, უმაღლესი მათემატიკა - კალკულუსი, ანალიზური გეომეტრია, კომპლექსური ცვლადები, წრფივი დაპროგრამების ამოცანა და ა.შ.

კურსის ხანგრძლივობაა 30 საათი (1,5 თვე), მეცადინეობები ტარდება კვირაში 2-ჯერ, თითო მეცადინეობის ხანგრძლივობაა 3 საათი - სრული კურსის ღირებულებაა დასწრებით - 200 ლარი, ონლაინ -150 ლარი;

  • აკადემიური უნარები - ანალიტიკური წერა, ტექსტის გააზრება

კურსის ხანგრძლივობაა 18 საათი (1 თვე), მეცადინეობები ტარდება კვირაში 2-ჯერ, თითო მეცადინეობის ხანგრძლივობაა 2 საათი - სრული კურსის ღირებულებაა დასწრებით - 150 ლარი, ონლაინ - 120 ლარი.

რეგისტრაცია სრულდება 25 აგვისტოს. ტრენინგები დაიწყება 27 აგვისტოდან.

რეგისტრაციისთვის ეწვიეთ ბმუ​ლს

დამატებითი ინფორმაციისთვის ეწვიეთ პედაგო​გთა პროფესიული ზრდის ცენტრის ფეისბუქგვერდს ან დარეკეთ ნომერზე 592 47 72 77.


R.

შეიძლება დაინტერესდეთ

„ჩვენი პრიორიტეტია შეიქმნას ქართული სკოლის მოდელი...“ - რას გულისხმობს განათლების რეფორმა

„ჩვენი პრიორიტეტია შეიქმნას ქართული სკოლის მოდელი...“ - რას გულისხმობს განათლების რეფორმა

განათლების მინისტრმა მიხეილ ბატიაშვილმა ტელეკომპანია „იმედის“ პირდაპირ ეთერში კიდევ ერთხელ ისაუბრა განათლების რეფორმის შესახებ. 

რეფორმის ფარგლებში 2022-23 წლისთვის საქართველოს სკოლებში ინფრასტრუქტურის კუთხით პრობლემა აღარ უნდა არსებობდეს:

„ყოველ წელს დაფინანსება 500 მილიონით გაიზრდება და სკოლებში ინფრასტრუქტურის პრობლემა აღარ უნდა არსებობდეს,“ - აღნიშნა მიხეილ ბაიტიაშვილმა. 

„რა თქმა უნდა, მნიშვნელოვანია საერთაშორისო გამოცდილება, იქნება ეს ფინეთი, სინგაპური, კორეა და ა.შ. მაგრამ ჩვენ უნდა შევქმნათ ჩვენი მოდელი, ჩვენ ეროვნულ ღირებულებებზე, კულტურულ მემკვიდრეობაზე მორგებული. უნდა შევქმნათ ისეთი მოდელი, რომელშიც გათვალისწინებულია ქართული რეალობა და სპეციფიკა", - დასძინა მინისტრმა.

კიდევ რას გულისხმობს განათლების რეფორმა? - დეტალები ნახეთ ვიდეოში. 

წაიკითხეთ სრულად