Baby Bag

გაკვეთილის ყოველი აქტივობის შესრულება გაწერილი უნდა იყოს დროში - როგორ უნდა დაიწეროს გაკვეთილის გეგმა

გაკვეთილის ყოველი აქტივობის შესრულება გაწერილი უნდა იყოს დროში - როგორ უნდა დაიწეროს გაკვეთილის გეგმა
მასწავლებლები

გაკვეთილის გეგმას, რომელიც განსაზღვრავს გაკვეთილის სტრუქტურას, მასწავლებელი ადგენს. გაკვეთილის გეგმას გაკვეთილის სცენარსაც უწოდებენ. 

გაკვეთილის გეგმა მოიცავს გაკვეთილის მიზანს, შესაბამის აქტივობებს, მოსწავლეთა ორგანიზების ფორმას, დროის განაწილებას, რესურსების ჩამონათვალს და შეფასებას. გაკვეთილის ყოველი აქტივობის შესრულება (როგორც მასწავლებლის, ისე მოსწავლისა) გაწერილი უნდა იყოს დროში. 

სასურველია, რომ მასწავლებელმა წერილობით შეადგინოს გაკვეთილის გეგმა ანუ სცენარი, სადაც ზუსტად იქნება გაწერილი ის, თუ რა მოხდება გაკვეთილზე: მასწავლებლის აქტივობები და მოსწავლეების მოსალოდნელი პასუხები. მაგალითად, მასწავლებელმა წინასწარ უნდა ჩამოწეროს, თუ რა შეკითხვების დასმას აპირებს, რათა მოსწავლეები აქტიურად ჩართოს დისკუსიაში. თუმცა, სიტუაციიდან გამომდინარე, მასწავლებელს წინასწარ დაწერილი გაკვეთილის სცენარის შეცვლაც (ანუ იმპროვიზაცია) უნდა შეეძლოს; 

გაკვეთილის გეგმის შედგენისას მასწავლებელმა უნდა გაითვალისწინოს მოსწავლეების წინასწარი ცოდნა, რომელიც, შესაძლოა, არ იყოს ერთგვაროვანი. ასევე, ის, თუ როგორ შეიძლება ამ ცოდნის ამოქმედება გაკვეთილის დაწყებისთანავე, მოსწავლეების მოტივაცია, საჭირო რესურსების არსებობა და ა.შ. 

მოსწავლეთა შესაფასებლად, მასწავლებელმა უნდა გამოყოს მიზნის მიღწევის კრიტერიუმები, ანუ მოკლედ აღწეროს, რა შემთხვევაში შეიძლება ჩაითვალოს გაკვეთილის მიზანი განხორციელებულად, შესაძლებელია მიზნის მიღწევის დონეების გამოყოფაც - ანუ შეფასების სქემის - რუბრიკის შედგენა. 

ასევე, საჭიროა მასწავლებელმა მოახდინოს მის მიერ ჩატარებული გაკვეთილის ანალიზი: რა შესრულდა მის მიერ შედგენილი გეგმიდან კარგად, რამ შეუშალა ხელი გაკვეთილის მიზნის მიღწევაში და რა უნდა გამოსწორდეს მომავალში; 

არსებობს გაკვეთილის დაგეგმვის სხვადასხვა სტრატეგია. ყველაზე ეფექტურია, როდესაც მასწავლებელი ჯერ გეგმავს გაკვეთილის სასწავლო მიზანს, შემდეგ ამ მიზნის მიღწევის შემოწმების ფორმებს და მხოლოდ ამის შემდეგ აქტივობებსა და საჭირო რესურსებს.

იხილეთ ასევე:

შიდა დაკვირვების გაკვეთილის გეგმის ნიმუში, რომელიც დადებითად შეფასდა

როგორ შევქმნათ პრობლემაზე ორიენტირებული გაკვეთილის გეგმა - იხილეთ მაგალითი

რას გულისხმობს „ახალი სკოლის მოდელი“ - დეტალები

გაუქმდება თუ არა უფასო ფაკულტეტები - მიხეილ ბატიაშვილის პასუხი

გასულ წლებში სკოლის გამოცდებში ჩაჭრილ მოსწავლეებს, 2019 წლის ერთიან ეროვნულ გამოცდებზე რეგისტრაცია შეეძლებათ

განათლების სამინისტრო მორიგ კონკურსს აცხადებს

რა შედეგებს უნდა ველოდოთ განათლების სფეროს დაფინანსების გაზრდის შემდეგ და რა სახის რეფორმები გატარდება გაზრდილი ბიუჯეტით?

მარტიდან სკოლებში „ახალი სკოლის მოდელი“ ამუშავდება

სასკოლო ექსკურსიებთან დაკავშირებით ახალი რეგულაციები 2020 წლიდან დაწესდება

განათლება #მასწავლებელი #მოსწავლე #სკოლა

შეიძლება დაინტერესდეთ

განათლება

ნიუ-იორკის სკოლებში მოსწავლეთა უსაფრთხოების მიზნით Zoom-ის გამოყენება აკრძალეს

ნიუ-იორკის სკოლებში მოსწავლეთა უსაფრთხოების მიზნით Zoom-ის გამოყენება აკრძალეს
კორონავირუსის მასშტაბურად გავრცელების გამო სკოლები თითქმის ყველა ქვეყანაში დაცარიელდა, თუმცა მოსწავლეები განათლების მიღებას დისტანციურად მაინც ახერხებენ. ნიუ-იორკის სკოლებში დისტანციური სწავლების ერთ-ერთი ყველაზე პოპულარული სერვისის Zoom-ის გამოყენება აკრძალეს. აღნიშნული გადაწყვეტილების მიზეზად კი ვიდეო კონფერენციების სერვისთან დაკავშირებული უსაფრთხოების საკითხები დასახელდა.

„სკოლების უმთავრეს პრიორიტეტს ბავშვებისთვის უსაფრთხო დისტანციური სწავლების სერვისების მიწოდებაა. უსაფრთხოების საკითხების სათანადოდ შესწავლის შემდეგ გადაწყდა, რომ სკოლებმა Zoom-ის სერვისის გამოყენება დაუყოვნებლივ უნდა შეწყვიტონ. დისტანციური სწავლების შესახებ ცნობებს ყოველდღიურ რეჟიმში ვიღებთ. მაქსიმალურად ვცდილობთ, რომ ჩვენი მოსწავლეებისა და მასწავლებლებისთვის სასარგებლო გადაწყვეტილებები მივიღოთ.“ - ნათქვამია ნიუ-იორკის განათლების დეპარტამენტის ოფიციალური წარმომადგენლის დანიელე ფილსონის განცხადებაში.

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

ნიუ-იორკის განათლების დეპარტამენტის გადაწყვეტილებით, სკოლები დისტანციური სწავლებისთვის Zoom-ის ნაცვლად Microsoft Teams-ის სერვისს გამოიყენებენ, რომელსაც Zoom-ის მსგავსი შესაძლებლობები აქვს, თუმცა უსაფრთხოების თვალსაზრისით მას ბევრად აღემატება. აღნიშნული აკრძალვა ნიუ-იორკის 1800 სკოლასა და 1,1 მილიონ მოსწავლეს შეეხება. სკოლებში Zoom-ის გამოყენების აკრძალვის შესახებ გადაწყვეტილება კიბერ უსაფრთხოების ექსპერტებმა მიიღეს, რომლებიც მოსახლეობის უსაფრთხოებაზე ყოველდღიურად ზრუნავენ. აღნიშნულ გადაწყვეტილებასთან დაკავშირებით Zoom-ს ოფიციალური განცხადება არ გაუკეთებია.

კომპანიას ბოლო დროს საკმაოდ ხშირად აკრიტიკებენ. მას შემდეგ, რაც მილიონობით ადამიანი იძულებული გახდა საკუთარი სამუშაო სახლიდან შეესრულებინა, Zoom-ს ბევრი კრიტიკოსი გამოუჩნდა. კომპანიის აღმასრულებელმა დირექტორმა საჯაროდ მოიხადა ბოდიში ჩინეთის გავლით განხორციელებული ვიდეოზარების გამო, რადგან კიბერ უსაფრთხოების ექსპერტთა ცნობით, მსგავსი ტიპის ზარების განხორციელება ჩინეთის ხელისუფლებას ინფორმაციის არალეგალურად მოძიების შესაძლებლობას აძლევს. Zoom-ის წარმომადგენლები აღნიშნავდნენ, რომ ჩინეთის გავლით განხორციელებული ზარები დაცულ ფორმატში განხორციელდა, რაც სიცრუე აღმოჩნდა. კომპანიის აღმასრულებელმა დირექტორმა აღნიშნული სიცრუის გამოც მოიხადა ბოდიში.

Zoom-ის სერვისის გამოყენებით განხორციელებულ ვიდეოზარებში უცხო ადამიანები თვითნებურად ხშირად ერთვებოდნენ, რაც სისტემის დაუცველობაზე მიანიშნებდა. კომპანიამ ვიდეოზარების პარამეტრები შეცვალა და კონფერენციების მონაწილეთა უსაფრთხოების დაცვის მიზნით ზარებს ავტომატური პაროლები დაადო.

ნიუ-იორკის განათლების დეპარტამენტის გადაწყვეტილებას ყველა სკოლა არ იზიარებს. ზოგიერთი საგანმანათლებლო დაწესებულების წარმომადგენლები აცხადებენ, რომ ერთი სერვისიდან მეორეზე გადანაცვლება მარტივი არ იქნება. ამერიკის შეერთებულ შტატებში სკოლები 16 მარტს დაიხურა. მას შემდეგ Zoom-ის სერვისი ყველაზე მეტი პოპულარობით სარგებლობდა. ბრუკლინში მდებარე ერთ-ერთი სკოლის დირექტორმა აღნიშნა, რომ Zoom-ის ნაცვლად Microsoft Teams-ის გამოყენება დისტანციური სწავლების პროცესს მნიშვნელოვნად შეაფერხებს.

ნიუ-იორკის ხელისუფლების ოფიციალური წარმომადგენლები აცხადებენ, რომ სკოლები Microsoft Teams-ის გამოყენებისთვის რამდენიმე კვირის მანძილზე ემზადებოდნენ. ნიუ-იორკში არ გამორიცხავენ, რომ Zoom-ის წარმომადგენლებთან მოლაპარაკებები კვლავ განაახლონ. ნიუ-იორკის განათლების დეპარტამენტში აცხადებენ, რომ სკოლებს ნებისმიერი სიახლის შესახებ ინფორმაციას დროულად მიაწვდიან. 

მომზადებულია​ ​t​echcrunch.com-ის მიხედვით
თარგმნა ია ნაროუშვილმა 
წაიკითხეთ სრულად
გასათიშად დააჭირეთ ESC.