Baby Bag

მასწავლებელთა პროფესიული განვითარებისა და კარიერული წინსვლის სქემაში ცვლილებებია

მასწავლებელთა პროფესიული განვითარებისა და კარიერული წინსვლის სქემაში ცვლილებებია

„მასწავლებლის პროფესიული განვითარებისა და კარიერული წინსვლის სქემის დამტკიცების შესახებ“ დადგენილებაში ცვლილებები შევიდა. შესაბამისი ​დოკუმენტი, რომელსაც პრემიერ-მინისტრის გიორგი გახარია აწერს ხელს, საკანონმდებლო მაცნეში დღეს გამოქვეყნდა.

დადგენილების თანხმად, ეს სქემა ვრცელდება მასწავლებლებზე (გარდა მოწვეული და შემცვლელი მასწავლებლებისა).

2. მე-3 მუხლის „მ“ ქვეპუნქტი ჩამოყალიბდეს შემდეგი რედაქციით:

მ) გარე დაკვირვება – კომპლექსური შეფასების პრაქტიკული ნაწილის ერთ-ერთი კომპონენტი, რომლის დროსაც გაკვეთილის შეფასების რუბრიკის გამოყენებით ფასდება მასწავლებლის მიერ წარმართული გაკვეთილი, რომელიც ხორციელდება საქართველოს განათლების, მეცნიერების, კულტურისა და სპორტის მინისტრის მიერ დამტკიცებული გარე დაკვირვების წესის შესაბამისად.“.

3. მე-7 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. უფროსი მასწავლებლის სტატუსი შეიძლება მიენიჭოს პირს, რომელიც წარმატებით ჩააბარებს საგნის გამოცდას, გადალახავს გამოცდის წარმატებით ჩაბარებისათვის საქართველოს განათლების, მეცნიერების, კულტურისა და სპორტის მინისტრის მიერ დადგენილ ზღვარს, აკმაყოფილებს მასწავლებლის პროფესიული სტანდარტით დადგენილ მოთხოვნებსა და ერთ-ერთ შემდეგ მოთხოვნას:

ა) უნდა ჰქონდეს განათლების მიმართულებით მაგისტრის აკადემიური ხარისხი (ზოგადი განათლების შესაბამისი საფეხურის საგნის/საგნების სწავლების უფლების მითითებით);

ბ) უნდა ჰქონდეს ეროვნული სასწავლო გეგმით გათვალისწინებული საგნის/საგნობრივი ჯგუფის შესაბამისი ბაკალავრის/მაგისტრის ან მასთან გათანაბრებული აკადემიური ხარისხი და მასწავლებლად მუშაობის დაწყებიდან 2 წლის ვადაში უნდა გაიაროს მასწავლებლის მომზადების საგანმანათლებლო პროგრამა ან მასწავლებლის მომზადების საგანმანათლებლო პროგრამის დისტანციური კურსი;

გ) უნდა ჰქონდეს ეროვნული სასწავლო გეგმით გათვალისწინებული საგნის/საგნობრივი ჯგუფის შესაბამისი ბაკალავრის ან მასთან გათანაბრებული აკადემიური ხარისხი, ბაკალავრიატის საგანმანათლებლო პროგრამის ფარგლებში გავლილი უნდა ჰქონდეს მასწავლებლის მომზადების საგანმანათლებლო პროგრამა;

დ) უნდა ჰქონდეს მასწავლებლობის უფლება, უმაღლესი განათლების დამადასტურებელი დოკუმენტის მიხედვით;

ე) წარმატებით უნდა ჰქონდეს გავლილი მასწავლებლობის მაძიებლობის პროგრამა.“;

ბ) პირველი პუნქტის შემდგომ დაემატოს შემდეგი შინაარსის 11 პუნქტი:

„11. უფროსი მასწავლებლის სტატუსის შეიძლება მიენიჭოს პირს, რომელიც აკმაყოფილებს მასწავლებლის პროფესიული სტანდარტით დადგენილ მოთხოვნებს და აქვს:

ა) მასწავლებლის მომზადების ინტეგრირებული საბაკალავრო-სამაგისტრო საგანმანათლებლო პროგრამის დასრულების შედეგად მინიჭებული განათლების მაგისტრის აკადემიური ხარისხი (ზოგადი განათლების შესაბამისი საფეხურის საგნის/საგნების სწავლების უფლების მითითებით);

ბ) ეროვნული სასწავლო გეგმის შესაბამისი საგნის ან განათლების მიმართულებაში შემავალი დოქტორის ან მასთან გათანაბრებული აკადემიური ხარისხი.“.

4. მე-8 მუხლის:

ა) მე-2 პუნქტი ჩამოყალიბდეს შემდეგი რედაქციით:

„2. წამყვანი მასწავლებლის სტატუსის მისაღებად უფროსი მასწავლებელი ვალდებულია, გაიაროს კომპლექსური შეფასება, რაც მოიცავს:

ა) პროფესიული უნარების გამოცდის წარმატებით ჩაბარებას;

ბ) მასწავლებლის პრაქტიკული საქმიანობის შეფასებას, რომელიც მოიცავს:

ბ.ა) გარე დაკვირვებასა და მასწავლებლის მიერ თემატური ერთეულის ფარგლებში განხორციელებულ გაკვეთილის შემდგომ რეფლექსიას (თვითშეფასებას);

ბ.ბ) სასკოლო საზოგადოების წევრებთან გასაუბრებას (ინტერვიუირებას) და პორტფოლიოს შეფასებას.“;

ბ) მე-5 პუნქტი ჩამოყალიბდეს შემდეგი რედაქციით:

„5. ამ მუხლის მე-2 პუნქტის „ა“ ქვეპუნქტით განსაზღვრული პროფესიული უნარების გამოცდა წარმატებით ჩაბარებულად ითვლება, თუ პირი გადალახავს მოქმედი კანონმდებლობის საფუძველზე საქართველოს განათლების, მეცნიერების, კულტურისა და სპორტის მინისტრის მიერ წამყვანი მასწავლებლის სტატუსისათვის დაწესებულ ზღვარს.“.

5. მე-9 მუხლის:

ა) მე-2 პუნქტი ჩამოყალიბდეს შემდეგი რედაქციით:

„2. მენტორი მასწავლებლის სტატუსის მოსაპოვებლად წამყვანი მასწავლებელი ვალდებულია, გაიაროს კომპლექსური შეფასება, რომელიც მოიცავს:

ა) პროფესიული უნარების გამოცდის ჩაბარებას;

ბ) მასწავლებლის პრაქტიკული საქმიანობის შეფასებას, რომელიც მოიცავს;

ბ.ა) გარე დაკვირვებასა და მასწავლებლის მიერ თემატური ერთეულის ფარგლებში განხორციელებულ გაკვეთილის შემდგომ რეფლექსიას (თვითშეფასებას);

ბ.ბ) სასკოლო საზოგადოების წევრებთან გასაუბრებას (ინტერვიუირებას) და პორტფოლიოს შეფასებას.“;

ბ) მე-6 პუნქტი ჩამოყალიბდეს შემდეგი რედაქციით:

„6. ამ მუხლის მე-2 პუნქტის „ა“ ქვეპუნქტით განსაზღვრული პროფესიული უნარების გამოცდა წარმატებით ჩაბარებულად ითვლება, თუ პირი გადალახავს მოქმედი კანონმდებლობის საფუძველზე საქართველოს განათლების, მეცნიერების, კულტურისა და სპორტის მინისტრის მიერ მენტორი მასწავლებლის სტატუსისათვის დაწესებულ ზღვარს.“;

გ) მე-8 პუნქტის შემდგომ დაემატოს შემდეგი შინაარსის მე-9 პუნქტი:

„9. იმ შემთხვევაში, თუ უფროსი მასწავლებელი, მე-8 მუხლის მე-5 პუნქტის შესაბამისად, პროფესიული უნარების გამოცდის ჩაბარებისას გადალახავს მე-9 მუხლის მე-6 პუნქტით მენტორი მასწავლებლის სტატუსისათვის მოქმედი კანონმდებლობის საფუძველზე საქართველოს განათლების, მეცნიერების, კულტურისა და სპორტის მინისტრის მიერ დადგენილ ზღვარს, მას უფლება აქვს, მიღებული შედეგი გამოიყენოს მენტორი მასწავლებლის სტატუსის მოპოვების პროცესში.“.

6. მე-13 მუხლის პირველ პუნქტს დაემატოს შემდეგი შინაარსის „გ“ ქვეპუნქტი:

„გ) საპრეტენზიო განაცხადის ნაწილობრივ დაკმაყოფილების შესახებ;“.

7. მე-18 მუხლი ჩამოყალიბდეს შემდეგი რედაქციით:

მუხლი 18. სპეციალური მასწავლებლის სტატუსის მოქმედების ვადა

ამ სქემის მე-17 მუხლის პირველი პუნქტის „ბ“-„გ“ ქვეპუნქტებით სპეციალური მასწავლებლისთვის განსაზღვრული სტატუსის მინიჭება ხდება უვადოდ, გარდა იმ შემთხვევისა, როდესაც ხდება იმავე პუნქტის „ა“ და „ბ“ ქვეპუნქტებით განსაზღვრული სტატუსის მქონე პირისათვის მომდევნო, მაღალი სტატუსის მინიჭება.“.

8. მე-19 მუხლი ჩამოყალიბდეს შემდეგი რედაქციით:

მუხლი 19. პრაქტიკოსი სპეციალური მასწავლებლის სტატუსი

პრაქტიკოსი სპეციალური მასწავლებლის სტატუსი აქვს პირს, რომელიც აკმაყოფილებს „ზოგადი განათლების შესახებ“ საქართველოს კანონის 213 მუხლის მე-3 პუნქტის „გ“ ქვეპუნქტით დადგენილ მოთხოვნებს ან არის „ზოგადი განათლების შესახებ“ საქართველოს კანონის 613 მუხლის მე-2 პუნქტით გათვალისწინებული პირი.“.

9. 38-ე მუხლის:

ა) პირველი პუნქტი ჩამოყალიბდეს შემდეგი რედაქციით:

„1. პრაქტიკოს მასწავლებელს (გარდა არაქართულენოვანი ზოგადსაგანმანათლებლო დაწესებულებების/სექტორების პრაქტიკოსი მასწავლებლისა), რომელიც 2020 წლის 31 იანვრისთვის ასწავლიდა ზოგადსაგანმანათლებლო დაწესებულებაში და 2020 წლის 1 თებერვლიდან 2020 წლის 30 აპრილის ჩათვლით დარეგისტრირდა მასწავლებლის გამოცდაზე, უფლება აქვს, 2021-2022 სასწავლო წლის დაწყებამდე აიმაღლოს მასწავლებლის სტატუსი.“;

ბ) მე-2 პუნქტის შემდგომ დაემატოს შემდეგი შინაარსის 21 პუნქტი:

„21. სქემაში განაწილებულ იმ პრაქტიკოს მასწავლებლებს, რომლებსაც 2020 წლის 31 იანვრის მდგომარეობით დაგროვებული ჰქონდათ 15 კრედიტქულა (მათ შორის, საგნობრივი ან/და პროფესიული კომპეტენციები ნაწილობრივ ჰქონდათ დადასტურებული) და 2020 წლის 30 აპრილის ჩათვლით არ/ვერ დარეგისტრირდნენ მასწავლებლის გამოცდაზე, უფლება აქვთ, დარეგისტრირდენ 2021-2022 სასწავლო წლის დაწყებამდე ჩასატარებელ მასწავლებლის გამოცდაზე და ნაწილობრივ დაადასტურონ საგნობრივი ან/და პროფესიული კომპეტენცია (ის საგანი ან/და პროფესიული კომპეტენცია, რომელიც დაგროვებული არ აქვთ 15 კრედიტქულის ფარგლებში), დაგროვილი კრედიტქულების 19 კრედიტქულამდე შევსების მიზნით. თუ პრაქტიკოსი მასწავლებელი მოცემული გამოცდის ნაწილობრივ დადასტურების შემთხვევაში დააგროვებს 19 კრედიტქულას, მას უფლება აქვს, მონაწილეობა მიიღოს ზოგადსაგანმანათლებლო დაწესებულების მიერ უფროსი მასწავლებლის ვაკანსიის შესავსებად გამოცხადებულ კონკურსში და კონკურსის წარმატებით გავლის შემთხვევაში, ზოგადსაგანმანათლებლო დაწესებულებაში დასაქმდეს როგორც უფროსი მასწავლებელი.“;

გ) მე-3 და მე-4 პუნქტები ჩამოყალიბდეს შემდეგი რედაქციით:

„3. იმ პრაქტიკოს მასწავლებლებს, რომლებიც 2020 წლის 30 აპრილის ჩათვლით დარეგისტრირდნენ მასწავლებლის გამოცდაზე, უფლება აქვთ, გავიდნენ 2021-2022 სასწავლო წლის დაწყებამდე ორგანიზებულ საგნობრივი ან/და პროფესიული კომპეტენციების დადასტურების ტესტირებაზე.

4. იმ პრაქტიკოსი მასწავლებლების სამუშაო ადგილას, რომლებიც 2021-2022 სასწავლო წლის დაწყებამდე გავლენ საგნის ან/და პროფესიული უნარების გამოცდაზე და ვერ აიმაღლებენ სტატუსს (ამ მუხლის მე-7 და მე-8 პუნქტებით გათვალისწინებული პირობების შესაბამისად, ვერ შეივსებენ/დააგროვებენ სტატუსის ამაღლებისთვის საჭირო 19 კრედიტქულას), სკოლის ადმინისტრაცია 2021-2022 სასწავლო წლის დაწყებამდე არაუგვიანეს 1 თვისა აცხადებს კონკურსს.“;

დ) მე-7 და მე-8 პუნქტები ჩამოყალიბდეს შემდეგი რედაქციით:

„7. სქემაში განაწილებულ იმ პრაქტიკოს მასწავლებლებს, რომლებსაც 2020-2021 სასწავლო წლის ბოლომდე პერიოდში მოპოვებული ექნებათ გარკვეული რაოდენობის კრედიტქულა ან/და ნაწილობრივ (1, 4, 7 კრედიტქულაზე) ან სრულად (10 კრედიტქულაზე) დადასტურებული ექნებათ საგნობრივი ან/და პროფესიული კომპეტენციები, უფლება აქვთ, არსებული საჭიროებიდან (უფროსი მასწავლებლის სტატუსის მოსაპოვებლად საჭირო/დარჩენილი კრედიტქულების შესავსებად) გამომდინარე:

ა) გაიარონ ტრენინგმოდული საგნობრივი ან/და პროფესიული უნარების მიმართულებით და დააგროვონ 1-5 კრედიტქულა;

ბ) დაადასტურონ საგნობრივი ან/და პროფესიული კომპეტენცია (მათ შორის, განმეორებით), დაგროვილი კრედიტქულების 19 კრედიტქულამდე შევსების მიზნით.

8. პრაქტიკოს მასწავლებელს უფლება აქვს, 2021-2022 სასწავლო წლის დაწყებამდე ხელმეორედ დაადასტუროს საგნობრივი ან პროფესიული კომპეტენცია, რის შემდეგაც eschool.emis.ge-ის ბაზაში აესახება უკეთესი შედეგი (თუ მას წინა გამოცდაზე მიღებული აქვს უფრო მაღალი შედეგი, მას უნარჩუნდება წინა გამოცდის შედეგები).“.

10. 39-ე მუხლის:

ა) პირველი პუნქტი ჩამოყალიბდეს შემდეგი რედაქციით:

„1. სქემაში განაწილებულ უფროს მასწავლებლებს, რომლებსაც 2020 წლის 31 იანვრისთვის მიღებული აქვთ 15 კრედიტქულა, მათ შორის, ორი სავალდებულო აქტივობით (გარდა გარე დაკვირვებისა) ან „გარე დაკვირვების წესის დამტკიცების შესახებ“ საქართველოს განათლების, მეცნიერების, კულტურისა და სპორტის მინისტრის 2019 წლის 30 სექტემბრის №205/ნ ბრძანებით დამტკიცებული წესის შესაბამისად წარდგენილი პედაგოგიური პრაქტიკის კვლევა ჩაეთვალათ ხარვეზის მქონედ, აღნიშნულ პირებს მოცემული ხარვეზის გამოსწორების ვადად განესაზღვროთ 2019-2020 სასწავლო წლის პერიოდი და ხარვეზის გამოსწორების შემთხვევაში, რაც დადგინდება მონიტორინგის საფუძველზე, 2020-2021 სასწავლო წლის განმავლობაში მიეცემათ უფლება, გაიარონ მხოლოდ გარე დაკვირვება (როგორც პირისპირ, ასევე დისტანციური ფორმით) და 2020 წლის 31 დეკემბრამდე წარმატებით გავლის შემთხვევაში, 2021 წლის იანვრიდან მიენიჭებათ წამყვანი მასწავლებლის სტატუსი, ხოლო 2021 წლის 15 ივნისამდე წარმატებით გავლის შემთხვევაში, მიენიჭებათ წამყვანი მასწავლებლის სტატუსი 2021 წლის 30 სექტემბრამდე. ამ პუნქტით განსაზღვრული ქმედების განხორციელების შემთხვევაში, აღნიშნულ პირებზე არ გავრცელდება ამ სქემის მე-8 მუხლით განსაზღვრული მოთხოვნები.“;

ბ) პირველ პუნქტის შემდგომ დაემატოს შემდეგი შინაარსის 12 პუნქტი:

„12. ამ მუხლის პირველი პუნქტით გათვალისწინებულ შემთხვევაში, თუ უფროსი მასწავლებელი, ობიექტური გარემოებების საფუძველზე, უარს განაცხადებს დისტანციური ფორმით გარე დაკვირვების გავლაზე, მას უფლება აქვს, გარე დაკვირვება გაიაროს 2021 წლის 15 ივნისამდე პერიოდში პირისპირ, ხოლო ობიექტური გარემოებების არსებობის შემთხვევაში, დისტანციური ფორმით.“;

გ) მე-3 პუნქტის შემდგომ დაემატოს შემდეგი შინაარის მე-4 პუნქტი:

„4. 2020-2021 სასწავლო წლის II სემესტრის დაწყებამდე სქემაში განაწილებული უფროსი მასწავლებელი, დოქტორის აკადემიური ხარისხის მოპოვების შემთხვევაში, მასწავლებელთა პროფესიული განვითარების ეროვნული ცენტრის დირექტორის ინდივიდუალური ადმინისტრაციულ-სამართლებრივი აქტის საფუძველზე, მოიპოვებს წამყვანი მასწავლებლის სტატუსს.“.

11. 41-ე მუხლს დაემატოს შემდეგი შინაარსის მე-4 პუნქტი:

„4. შეფასებისა და გამოცდების ეროვნული ცენტრი არაქართულენოვანი ზოგადსაგანმანათლებლო დაწესებულებების/სექტორების მასწავლებლებისთვის მშობლიურ ენაში საგნობრივი კომპეტენციის დადასტურების მიზნით, შეფასების განხორციელებას უზრუნველყოფს 2022 წლიდან.“.

12. 43-ე მუხლი ჩამოყალიბდეს შემდეგი რედაქციით:

მუხლი 43. პროფესიული უნარების გამოცდის ჩატარება

შეფასებისა და გამოცდების ეროვნული ცენტრი ამ სქემის მე-8 და მე-9 მუხლებით გათვალისწინებული პროფესიული უნარების გამოცდის ჩატარებას უზრუნველყოფს 2022 წლიდან.“

თუ გინდათ, რო განათლების სფეროში მიმდინარე სიახლეების შესახებ ინფორმირებულები იყოთ, მოიწონეთ გვერდი „მასწავლებლების სანდო წყ​არო“

შეიძლება დაინტერესდეთ

საზაფხულო სკოლა მასწავლებლებისათვის

საზაფხულო სკოლა მასწავლებლებისათვის

აქტიური და საინტერესო სესიები, თანამედროვე სწავლების მეთოდები, განათლების სფეროში მოღვაწე კვალიფიციური ქართველი და უცხოელი ტრენერები, თეორიული ცოდნასთან ერთად პრაქტიკული გამოცდილების მიღება - ესაა ის მცირე ჩამონათვალი, რასაც English Book Education-ის მიერ ორგანიზებული საზაფხულო სკოლა მასწავლებლებს სთავაზობს.

English Book Education ყოველთვის ზრუნავს მასწავლებელთა პროფესიულ ზრდასა და კვალიფიკაციის ამაღლებაზე. მასწავლებლების მხარდასაჭერად, 5-15 და 19-30 ივლისს English Book Education ინგლისური ენის პედაგოგებისთვის მართავს საზაფხულო სკოლას.

საზაფხულო სკოლის მიზანია მასწავლებლებს ინოვაციური, კრეატიული და თანამედროვე სწავლების შესაბამისი მეთოდები გააცნოს, შექმნან მათ საგაკვეთილო ჩარჩოზე მორგებული მასალები, რომლებსაც გამოიყენებენ ახალ აკადემიურ წელს.

საზაფხულო სკოლა მასწავლებლებისთვის მოიცავს პროფესიული განვითარების 5 კურსს:

Teaching Young Learners Course წარმოადგენს 2-კვირიან პროფესიული განვითარების კურსს, რომელიც მოიცავს სწავლების თანამედროვე მეთოდებს, სიმღერების, ვიდეოების, თამაშებისა და ონლაინ პლატფორმების ეფექტურ გამოყენებას დაწყებითი საფეხურის მოსწავლეების ინგლისური ენის დონის გასაუმჯობესებლად და საგაკვეთილო პროცესში ჩართულობის გასაზრდელად.

Teaching Teenagers Course მოიცავს მასწავლებელთა კვალიფიკაციის ასამაღლებელ 2-კვირიან კურსს, რომელიც პედაგოგებს გააცნობს სწავლების უახლეს ტენდენციებს, პროექტზე დაფუძნებულ სწავლებას, თინეიჯერებისთვის კრიტიკული აზროვნების განვითარებისა და მოტივაციის ამაღლების ხერხებს.

Teaching Adults Course უზრუნველყოფსპედაგოგის კომპეტენციის გასაუმჯობესებელ 2-კვირიან ინტენსიურ კურსს, რომელიც კითხვის, წერის, მოსმენისა და ლაპარაკის განვითარების მეთოდებს აერთიანებს. მასწავლებლები, ასევე, შეისწავლიან ზრდასრული მოსწავლეებისთვის საინტერესო და მარტივად ასათვისებელი გაკვეთილების ჩატარების გზებსა და კომპლექსური უკუკავშირის მიწოდებას.

Practice of English Language Teaching სთავაზობს ინგლისური ენის პედაგოგებს 2-კვირიან პროფესიული განვითარების კურსს, რომელიცმათ გაუზიარებს მნიშვნელოვან მეთოდებსა და მიდგომებს მოსწავლეთა თავდაჯერებულობის, მოტივაციისა და ავტონომიურობის გასაზრდელად. ასევე, კურსის ფარგლებში მასწავლებლები გაეცნობიან შებრუნებული საკლასო ოთახისა და დიფერენცირებული სწავლების მოდელებს, შეისწავლიან კომპლექსური უკუკავშირის ჩამოყალიბებასა და შეცდომების გასწორების ეფექტურ ტექნიკებს.

Preparation Course for the TOEFL IBT® Test შექმნილია იმისათვის, რომ 12 გაკვეთილის განმავლობაში გამოცდის ჩაბარების მსურველებს განუვითაროს ყველა საჭირო უნარი, რომლებიც TOEFL IBT® ტესტის წარმატებით ჩაბარებისთვის არის საჭირო. მონაწილეები სპეციალურად ამ ტესტისთვის მოსამზადებელი სახელმძღვანელოს -Testbuilder for TOEFL IBT® Test-ის საშუალებით პრაქტიკაში გამოცდიან თავიანთ ცოდნას და აიმაღლებენ ინგლისური ენის კომპეტენციას, რაც მათი ტესტის შედეგს მნიშვნელოვნად გააუმჯობესებს.

საზაფხულო სკოლის კურსებს წარუძღვებიან English Book Education-ის როგორც ქართველი, ასევე უცხოელი პროფესიონალი ტრენერები, რომლებსაც განათლების სფეროში მოღვაწეობის, ინგლისური ენის სწავლებისა და ტრენერობის მრავალწლიანი გამოცდილება აქვთ.

ნიკოლ არაგონა -აქვს 10 წლიანი გამოცდილება იგლისური ენის სწავლებაში. აქტიურად არის ჩართული განათლების სისტემის ორგანიზებაში. ნიკოლიასწავლიდა დაწყებითი საფეხურის მოსწავლეებს ფლორიდაში, 2012-19 წლებში მუშაობდა ქუვეითში, ხოლო ბოლო წლებია, რაც English Book Education-თან თანამშრობლობს და ასწავლის Unique Learning-ში. ნიკოლი მონაწილეობას იღებდა ტელესკოლის I სეზონის ინგლისური ენის გაკვეთილების დაგეგმვასა და შედგენაში. Summers School for Teachers ფარგლებში ნიკოლი გაუძღვება Teaching Young Learners კურსს და გაგიზიარებთ დაწყებითი საფეხურის მოსწავლეთა სწავლების თანამედროვე მეთოდებს.

ანი დემეტრაშვილი - 12 წლიანი სწავლების გამოცდილება როგორც საერთაშორისო, ასევე ქართველ სტუდენტებთან. აქვს CELTA-ს კვალიფიკაცია.ანი English Book Education იკავებს საერთაშორისიო გამოცდების (TOEFL, Pearson International Test და Language Cert) დეპარტამენტის ხელმძღვანელის პოზიციას.

Summer School for Teachers ფარგლებში ანი გაუძღვება Teaching Teenagers კურსს, გაგიზიარებთ თავის ცოდნასა და გამოცდილებას, თქვენთან ერთად განიხილავს საგაკვეთილო პროცესის სწორად დაგეგმვასა და თინეიჯერებთან ურთიერთობის თავისებურებებს.

თეონა ხაჩიძე - აქვს 10 წლიანი სწავლების გამოცდილება და 7 წელზე მეტია ჩართულია საერთაშორისო კონფერენციების, ტრენინგების და კურსების შექმნაში. მისი გამოცდილება მოიცავს საერთაშორისო გამომცემლობებთან, სახელძღვანელობის ავტორებთან და ექსპერტებთან ურთიერთობას და მასწავლებელზე მორგებული კურსების შექმნას. მისი ერთ-ერთი წარმატებული პროექტია ტელესკოლა - ინგლისურის დრო. აქვს CELTA-ს კვალიფიკაცია. თეონა English Book Education - ში ხელმძღვანელობსუწყვეტი პროფესიული განვითარების დეპარტამენტს.Summer School for Teachersფარგლებში თეონა გაუძღვება Teaching Adults კურსს, გაგაცნობთ თანამედროვე სწავლების პრაქტიკულ სტრატეგიებს და ერთად დაგეგმავთ თქვენი გაკვეთილისთვის საჭირო აქტივობებს.

ლიკა გაბაძე - აქვს საერთაშორისო გამოცდებისთვის მომზადების მრავალწლიანი პრაქტიკა. იგი არის ETS Global-ის მიერ აკრედიტირებული TOEFL Test Centre Administrator. ამავე დროს, ლიკა ხელმძღვანელობს საერთაშორისო Scholarship პროგრამებს სკოლის მოსწავლეებისთვის, რომელიც მოიცავს მათ მომზადებასაც. უკვე 40-ზე მოსწავლე გააგზავნა დიდ ბრიტანეთსა და ამერიკაში სრული ან ნაწილობრივი დაფინანსებით. Summer School for Teachers ფარგლებში ლიკა გაუძღვება TOEFL IBT® ტესტისთვის მოსამზადებელ კურსს.შემოგვიერთდით, თუ გსურთ გაეცნოთ ტესტის ჩაბარების სტრატეგიებს დაიყოთ უფრო თავდაჯერებული.

ნინო ღვინიაშვილი - შვიდ წელზე მეტია იკავებს აკადემიური ხელძღვანელის პოზიციას, Unique Learning-ში. იგი ქმნის და ანხორციელებს უამრავ სასწავლო პროგრამას სხვადასხვა ასაკობრივი კატეგორიისთვის. აქვს სწავლების 12-წლიანიგამოცდილება და ფლობს CELTA-ს კვალიფიკაციას. ორგანიზებას უწევს მასწავლებელთა პროფესიული განვითარების სხვადასხვა ტრეინინგს როგორც საერთაშორისო, ასევე ქართველი მასწავლებლებისთვის. Summer School for Teachers ფარგლებში ნინო გაუძღვება Practice of English Language Teaching კურსს, სადაც განიხილავს სწავლა-სწავლებისთვის საჭირო თანამედროვე უნარებსა და მათ პრაქტიკაში გამოყენების ხერხებს.

იხილეთ საზაფხულო სკოლის კურსების ღირებულება და სპეციალური ფასდაკლება Teachers’ Union-ის წევრებისათვის.

1. Teaching Young Learners course450 ლარი

20%-იანი ფასდაკლება Teachers’ Union-ის წევრებისათვის

2. Teaching Teenagers course - 450 ლარი

20%-იანი ფასდაკლება Teachers’ Union-ის წევრებისათვის

3. Teaching Adults course450 ფლარი

20%-იანი ფასდაკლება Teachers’ Union-ის წევრებისათვის

4. Course: Practice of English Language Teaching450 ლარი

20%-იანი ფასდაკლება Teachers’ Union-ის წევრებისათვის

5. Preparation Course for the TOEFL IBT® test550 ლარი

20%-იანი ფასდაკლება Teachers’ Union-ის წევრებისათვის

საზაფხულო სკოლის ორივე სესია ინგლისურ ენაზე დისტანციურ რეჟიმში, Zoom პლატფორმის საშუალებით ჩატარდება. თითოეული კურსის დასრულების შემდეგ მონაწილეებს გადაეცემათ კურსის დამადასტურებელი სერტიფიკატები.

დეტალური ინფორმაციისთვის და კურსებზე რეგისტრაციის გასავლელად ეწვიეთ ბმულს - სარეგისტრაციო ბმული

ბლოგი - Summer school for teachers

საკონტაქტო ინფორმაცია

Email: [email protected] |

[email protected]

Tel: 599313289

R.
წაიკითხეთ სრულად