Baby Bag

,,ტრენინგების ჩატარება აუცილებლად მოგვიწევს ყოველწლიურად, რადგან უფროსმა, წამყვანმა და მენტორმა მასწავლებლებმა სტატუსი შეინარჩუნონ''

,,ტრენინგების ჩატარება აუცილებლად მოგვიწევს ყოველწლიურად, რადგან უფროსმა, წამყვანმა და მენტორმა მასწავლებლებმა სტატუსი შეინარჩუნონ''

,,ტრენინგების ჩატარება აუცილებლად მოგვიწევს ყოველწლიურად, რადგან უფროსმა, წამყვანმა და მენტორმა მასწავლებლებმა სტატუსი შეინარჩუნონ,''- აღნიშნულის შესახებ მასწავლებლის სახლის დირექტორმა ბერიკა შუკაკიძემ განაცხადა. 

მისი თქმით, მასწავლებელმა უნდა უთხრას ხარისხის ჯგუფს, რა საჭიროება აქვს, რა მიმართულებით სჭირდება დახმარება და განვითარება, მასწავლებლის სახლი კი უზრუნველყოფს მის პროფესიულ განვითარებას:

,,აქცენტი დეცენტრალიზაციაზე გაკეთდა და ჩვენ ერთმნიშვნელოვნად ვთქვით, რომ თუ X მასწავლებელი ზემო ფლავის საჯარო სკოლაში ასწავლის, მასწავლებლის სახლი მის საჭიროებას ვერ დაადგენს და ვერ დაეხმარება, რომ გახდეს უკეთესი მასწავლებელი. ამიტომ, ზემო ფლავის სკოლამ, დირექციამ, ხარისხის მართვისა და თანამშრომლობის ჯგუფმა უნდა დაადგინონ კონკრეტული მასწავლებლის საჭიროება მისივე დახმარებით. სწორედ მასწავლებელმა უნდა უთხრას ხარისხის ჯგუფს, რა საჭიროება აქვს, რა მიმართულებით სჭირდება დახმარება და განვითარება. ჩვენ კი, ამ შემთხვევაში, უზრუნველვყოფთ მის პროფესიულ განვითარებას. კიდევ ერთხელ გავიმეორებ, რომ მასწავლებელს ამისთვის არავინ დასჯის, პირიქით, დაეხმარება და მხარს დაუჭერს, რომ განვითარდეს. მასწავლებლის სახლი უზრუნველყოფს მის მხარდაჭერას, თუმცა, ვფიქრობთ, რომ ჩვენ არ ვიქნებით ერთადერთი პროვაიდერი ტრენინგების ჩატარების ან სხვა აქტივობების განხორციელებაში. აუცილებლად ჩაერთვებიან სხვა პროვაიდერებიც, უბრალოდ, ისინი ჩვენთან გაივლიან რეგისტრაციას. ტრენინგების ჩატარება კი, აუცილებლად მოგვიწევს ყოველწლიურად, რადგან სტატუსის შენარჩუნებისთვის უფროსმა მასწავლებელმა პროფესიულ განვითარებაში, წელიწადში ერთხელ, 20-საათიანი ტრენინგი უნდა გაიაროს, წამყვანმა – 12-საათიანი, ხოლო მენტორმა – 8-საათიანი ტრენინგი,'' - განაცხადა მასწავლებლის სახლის დირექტორმა. 

როგორც ბერიკა შუკაკიძემ აღნიშნა, როცა მასწავლებელს სტატუსი აქვს, ეს უკვე ნიშნავს, რომ სქემაში ჩართულია, მაგრამ მისი კონსტიტუციური უფლებაა, იყოს უფროსი მასწავლებელი, აწ და მარადის! ან პირიქით, აიმაღლოს სტატუსი და გახდეს წამყვანი ან მენტორი.

წყარო: ,,ახალი გ​ანათლება''

Momsedu.ge-მ თქვენთვის, მასწავლებლებისთვის შექმნა ახალი სივრცე - „მასწავლებლების სანდო წყარო“, სადაც ყოველდღიურად ქვეყნდება საგანმანათლებლო სფეროს სიახლეები. გადმოდით ბმულზე და მოიწონეთ - „მასწავლ​ებლების სანდო წყარო“.

რას ნიშნავს განათლების ელექტრონული სახლი და რა ფუნქცია ეკისრება? - ბერიკა შუკაკიძე დეტალებ...
რას ნიშნავს განათლების ელექტრონული სახლი და რა ფუნქცია ეკისრება? - აღნიშულ კითხვას მასწავლებლის სახლის დირექტორმა ბერიკა შუკაკიძემ უპასუხა. მისი თქმით, მასწავლებლებმა თანამედროვე გამოწვევებს...

შეიძლება დაინტერესდეთ

​პრეტესტებზე რეგისტრაცია 15 ივნისამდე მიმდინარეობს! - ინფორმაცია მასწავლებლებისა და მასწავლებლობის მსურველთათვის

​პრეტესტებზე რეგისტრაცია 15 ივნისამდე მიმდინარეობს! - ინფორმაცია მასწავლებლებისა და მასწავლებლობის მსურველთათვის

პედაგოგთა პროფესიული ზრდის ცენტრი დაწყებითი საფეხურის (I-IV კომბინირებული) მასწავლებლებს სთავაზობს გამოცდის პრეტესტს. 

ცენტრის ინფორმაციით, პრეტესტის საშუალებით მოხდება მასწავლებლის ცოდნის დიაგნოსტირება, რის შემდეგაც გაიმართება 10-საათიანი კონსულტაციები მასწავლების სახლის ტრენერებთან. კონსულტაციის დროს პედაგოგებს გადაეცემათ გამოცდისათვის მოსამზადებელი მასალების ელექტრონული ვერსია.

პრეტესტზე რეგისტრაცია 15 ივნისის ჩათვლით არის შესაძლებელი.

პრეტესტი+10-საათიანი კონსულტაცია+მოსამზადებელი სახელმძღვანელოები - 60 ლარი

რეგისტრაციისთვის ეწვიეთ ​ბმულს

დამატებითი ინფორმაციისთვის ეწვიეთ პედაგოგთა პროფესიული ზრდის ცენტრის ფეისბუ​ქგვერდს ან დარეკეთ ნომერზე 592 47 72 77.

R

წაიკითხეთ სრულად