ცივმა წვიმამ, გაყინულმა გზისპირებმა და ნაცრისფერმა ცამ, შესაძლოა, თქვენი მოგზაურობა ნამდვილ განსაცდელად გადააქციოს. მაგრამ ცხელი სასმელები, თოვლიანი ფერდობები, გაყინული, ულამაზესი ტბები, ხასხასა, ლურჯი ცა და სუფთა ჰაერი? ეს ზუსტად ისეთი ზამთარია, როცა შეგვიძლია კაშნეები მჭიდროდ შემოვიხვიოთ და ცხვირიც კი გავითბოთ.
ზამთარი ზოგიერთ ქალაქში ნამდვილად საუკეთესო სეზონია. წარმოგიდგენთ მსოფლიოს 10 ქალაქს, სადაც ცივი ზამთრის სასიამოვნოდ გატარებას შეძლებთ.
1. პრაღა, ჩეხეთი
თოვლისგან დაფარული მოკირწყლული ქუჩებით პრაღა ნამდვილად ზღაპრული ქალაქია, რომელიც ზამთარშიც არ კარგავს ტურისტების ყურადღებას.
განსაცვიფრებელი არქიტექტურა კი თოვლიანი საბნის ქვეშ გაცილებით მშენიერია, მით უმეტეს, თუ გავითვალისწინებთ იმასაც, რომ ქალაქის დიდ ნაწილს ძველი არქიტექტურული სტილი აქვს შენარჩუნებული.
ლამპის შუქით განათებული უძველესი ქუჩები თქვენს ყოველ საღამოს რომანტიკულს გახდის. კაფეები კი შესანიშნავი ადგილია სიცივისგან თავის დასაღწევად.
თუ საშობაო ბაზრობასაც მოივლით (რომელიც ადრეული დეკემბრიდან იანვრის ბოლომდე გრძელდება), შეგიძლიათ ესტუმროთ პრაღის ოპერის სახლს (ჩეხ: Stavovské Divadlo), სწორედ აქ ჩაატარა მოცარტმა „დონ ჯოვანი“-ს მსოფლიო პრემიერა 1787 წელს
2. ზალცბურგი, ავსტრია
ზალცბურგი შესანიშნავი ქალაქია ზამთრის არდადაგების გასატარებლად. ცნობილი სიმღერა „Silent Night“ პირველად ზალცბურგის გარეუბანში, ობერნორფის პატარა ტაძარში1818 წელს შობის ღამეს შესრულდა.
ქალაქის მთავარი საშობაო ბაზარი ყოველ წელს ზალცბურგის ციხესიმაგრე ჰოჰენზალცბურგთან ტარდება, თუმცა გაცილებით უფრო პოპულარულია, მირაბელის მოედანზე გამართული ბაზრობა. აქ შეგიძლიათ დააგემოვნოთ ადგილობრივი ტრადიციული კერძები, როგორიცაა ჰალუსკი - ცომისა და ბეკონის ნაჭრებით შემდგარი კერძი.
არასოდეს ინანებთ, თუ ზალცბურგში ყოფნისას მის კათედრალს ეწვევით, რომელიც 1628 წელს აკურთხეს. კათედრალის საძირკველში კი აღმოჩენილია მისი წინამორბედი ტაძრის ნაშთები
3. ტრომსო, ნორვეგია
ნორვეგიის ქალაქი ტრომსო რიგი მიზეზების გამო „არქტიკის დედაქალაქად“ მიიჩნევა. იგი ხშირად მოიხსენება ნორვეგიის ულამაზეს ქალაქად, გარდა ამისა, ტრომსოდან ყველაზე კარგად შეძლებთ ჩრდილოეთის ციალის დანახვას!
აქვეა რამდენიმე მუზეუმი, მათ შორის, პოლარული მუზეუმი, რომელიც არქტიკული ექსპედიციების უამრავ საინტერესო ისტორიას გთვაზობთ. პოლარული მუზეუმის გარდა, არსებობს ტრომსოს მუზეუმიც, რომელიც მისი საოცარი და მრავალფეროვანი გამოფენებით დამთვალიერებლის ყურადღებას ყოველთვის იქცევს.
4. ამსტერდამი, ნიდერლანდები
ზამთარში ამსტერდამის მუზეუმები ხალხმრავალობით არ გამოირჩევა, რაც ყველაფრის უფრო ყურადღებით და მშვიდად დათვალიერების საშუალებას მოგცემთ. შეგიძლიათ ეწვიოთ „Rijksmuseum" - ს ან ანა ფრანკის სახლ-მუზეუმს.
საცირკო სახლისთვის აშენებული შენობა კი დღეს სამეფო კარის თეატრს წარმოადგენს, რომელიც 130 წელზე მეტია ფუნქციონირებს. პირობას გაძლევთ, აქ ნანახი წარმოდგენები ბავშვებს სამუდამოდ დაამახსოვრდებათ!
ამსტერდამში მდებარეობს დიდი სავაჭრო ცენტრების, ასე რომ ყველაფერთან ერთად შოპინგიც თუ გიყვართ, ეს ადგილი სწორედ თქვენთვისაა.
5. ნაგანო, იაპონია
როგორც ზამთრის ოლიმპიადის ყოფილი მასპინძელი ქალაქი, ნაგანო შესანიშნავი ადგილია მიმდებარე სათხილამურო კურორტების აღმოსაჩენად. ლამაზი, თოვლით დაფარული ბუდისტური ტაძრები კი თქვენზე წარუშლელ შთაბეჭდილებას დატოვებს.
ასეთივე შესანიშნავია ტოგაკუშის მინსოკუ-კან ფოლკლორის მუზეუმიც, სადაც ნინძების ექსპოზიციას შეხვდებით. ძალიან საინტერესო და შთამბეჭდავია Zenkō-ji მონასტერი, მით უმეტეს თუ გავითვალისწინებთ იმასაც, რომ ის მეშვიდე საუკუნეში აიგო და იაპონიაში უდიდესი ხის მონასტრების რიგში მესამე ადგილს იკავებს.
6. რეიკიავიკი, ისლანდია
მიუხედავად იმისა, რომ ისლანდიის დედაქალაქი, რეიკიავიკი ევროპაში ერთ-ერთი ყველაზე ცივი წერტილია, მას უამრავი ბუნებრივი ცხელი წყარო აქვს. სტუმრებს შეუძლიათ, საკუთარი თავი გამოსცადონ თბილი წყლების აუზებსა და ზამთრის სპორტში. აქვეა უამრავი მყუდრო, ყავის სახლი, სადაც ადგილობრივი, ტრადიციულად გამომცხვარი პური იყიდება.
ყოველწლიური ზამთრის ნათების ფესტივალი („Winter Lights Festival“), რომელიც თებერვალში იმართება, ნამდვილად სანახაობრივი ზეიმია.
რეიკიავიკშია ჰარპაც, ქალაქის საკონცერტო დარბაზი, რომელიც დაარსდა დანიელ-ისლანდიელი მხატვრის ოლაფურ ელიასონის მიერ ისლანდიის გეოლოგიის უკეთ გამისაკვეთად და ასასახად აშენდა. ჰარპა მთლიანად მინის შენობაა, რაც საკონცერტო დარბაზს საკუთარ ხიბლს სძენს.
7. ბერლინი, გერმანია
თუ ყინულის მოედნით, გარე კონცერტებითა და საშობაო ბაზრებით ვიმსჯელებთ, ბერლინი ზამთარში ნამდვილად აქტიური ქალაქია.
ბერლინში ცნობილია ბოტანიკური ბაღი, რომელიც საშობაოდ განსაკუთრებით მიმზიდველია. აქ სადღესასწაულო დეკორაციები ნოემბრის ბოლოდან იანვრამდე გრძელდება.
ზამთრის ცივი საღამოების გატარება ტიერგარდენში, ბერლინის საზოგადოებრივ პარკში შეგიძლიათ, რომელიც უამრავი ღირსშესანიშნაობით გამოირჩევა. სიცივით გადაღლილებმა, აქ შეგიძლიათ ცხელი შოკოლადი ან გლინტვეინი დააგემოვმოთ.
8. ოტავა, კანადა
ოტავას ზამთრის ფესტივალი მსოფლიოში ერთ-ერთი უდიდესი ფესტივალია და ყინულის ქანდაკებებითაა განთქმული. აქ გადააწყდებით გარე კონცერტებსა და ტობოგანის კურსებსაც.
კანადაში საშობაო შუქებითაა მორთული ქალაქის კულტურული ძეგლები თუ შენობები.
იანვრიდან თებერვლის ჩათვლით კი ვიზიტორებს შეუძლიათ, მსოფლიოში უდიდეს ყინულის მოედანზე - „Rideau Canal“-ზე ისრიალონ.
9. ვაშინგტონი, აშშ
თუ სადღესასწაულო სეზონზის ვაშინგტონში გატარება გადაწყვიტეთ არ უნდა გამოტოვოთ ყოველწლიურად დადგმული ნორვეგიული ნაძვის ხე და გიგანტური გვირგვინები, რომელიც Union Station- ში მდებარეობს.
თეთრი სახლი და ლინკოლნის მემორიალი განსაკუთრებით შთამბეჭდავია თოვლში.
ეროვნული ზოოპარკში საშობაო განათება 29 ნოემბერს იწყება და 1 იანვრამდე გრძელდება. ნახევარი მილიონი ინდივიდუალური საშობაო ნათურა, პარკს ნამდვილად პოპულარულს ხდის, ზამთრის საოცრებათა ქვეყანად აქცევს და ტურისტებსაც იზიდავს.
10. ედინბურგი, შოტლანდია
ქვაფენილიანი ქუჩები, ულამაზესი ციხე და ნამდვილად მშვენიერი საზოგადოებრივი ბაღები ედინბურგს უფრო მეტად მიმზიდველ ქალაქს ხდის წლის ნებისმიერ დროს, თუმცა ზამთარში ის გაცილებით თვალწარმტაცია.
პრინცის ქუჩები, ყინულის მოედანი და საშობაო ნაძვის ხე, ეს ყველაფერი ყოველ შობას ციხესიმაგრესთან ეწყობა.
„Arthur's Seat“ - ეს კი ზამთრის გასეირნებისთვის ნამდვილად შესანიშნავი ადგილია, რომლის მსგავსსაც, ვერსად ნახავთ.
ტური ედინბურგის მიწისქვეშა სარდაფებში შესანიშნავი გზაა, რომ ქალაქის მომხიბვლელ ისტორიას გაეცნოთ.
მომზადებულია cnn.com-ის მიხედვით
თარგმნა მარიამ მახარაძემ
