შეუქმენით მოსწავლეებს საზეიმო განწყობა და დაახვედრეთ სწავლის დაწყების დღეს მოხატული დაფა

სიახლეები

„შეზღუდვებზე არ არის საუბარი ნამდვილად, ამას გიდასტურებთ,“ - ამირან გამყრელიძის განცხადება

3 წლის წინ

​დაავადებათა კონტროლის ცენტრის დირექტორის ამირან გამყრელიძის განცხადებით ქვეყანაში ახალი შეზღუდვების დაწესებაზე საუბარი არ არის:

„შეზღუდვებზე არ არის საუბარი. პანდემიის მართვის მოდელი შეცვლილია მთელს მსოფლიოში და მათ შორის საქართველოშიც. არის ნაკლები შეზღუდვა, რომელიც ეკონომიკაზე ახდენს ზეწოლას. ე.წ. ლოკდაუნი,​ ე.წ. ჩაკეტვები, ტრანსპორტის შეჩერება არ განიხილება ნამდვილად, ამას გიდასტურებთ.“

ამირან გამყრელიძის თქმით, განიხილება ქვეყანაში მწვანე პასპორტების შემოტანა:

„განიხილება არაპირდაპირი დისკომფორტის, ე.წ. მწვანე პასპორტების შემოტანა. წამახალისებელი ღონისძიებები და ყველაზე მარტივი რეგულაციების დაცვა, რომელსაც ხშირად ვიმეორებთ. ყველას ეკეთოს პირბადე, ყველამ დაიცვას დისტანცია, ყველამ აარიდოს თავი ნებისმიერი მიზეზით დიდ შეკრებას. ხშირად დავიბანოთ ხელები, წავიდეთ და ავიცრათ.“

„12-დან 15 წლამდე ბავშვებში ადრე თუ გვქონდა სამედიცინო ჩვენებით აცრა, დღეს საუბარია, რომ მშობლების სურვილით და თანხმობით გაიხსნას ყველა ბავშვისთვის. ​დღეისთვის საქართველოში 12-დან 15 წლამდე სრულად აცრილია 106 ბავშვი,“ - აღნიშნულ საკითხებზე ამირან გამყრელიძემ უწყებათაშორისი საკოორდინაციო საბჭოს წევრების ბრიფინგზე ისაუბრა.

წყარო: ​ტელეკომპანია პირველი

წაიკითხეთ სრულად