Baby Bag

​გაციებისა და ვირუსული ინფექციების სეზონი იწყება - ის, რაც ყველა დედამ უნდა იცოდეს

​გაციებისა და ვირუსული ინფექციების სეზონი იწყება - ის, რაც ყველა დედამ უნდა იცოდეს

ბაღები და სკოლები დაიწყო, სოციალური ურთიერთობები დახურულ სივრცეში ინაცვლებს. გარეთაც აგვიგრილდა, ტემპერატურის კლებასთან ერთად კი ვირუსები აქტიურდებიან და მშობლებიც გაფაციცებით ვიწყებთ შვილების ჯანმრთელობაზე ზრუნვას.

როგორ გავუწიოთ ეფექტური და უსაფრთხო დახმარება პატარებს სიმპტომების დროს - ​MOMSEDU.GE 4 სამაგიდო პრეპარატს გაგაცნობთ, რომელიც ყველა დედას უნდა ჰქონდეს სახლში.

არაერთხელ გვისაუბრია და ახლაც ვთანხმდებით, რომ სხვების რჩევით, ექიმის დანიშნულების გარეშე, ანტიბიოტიკებისა და ჰორმონალური მედიკამენტების თვითნებური გამოყენება დაუშვებელია. ამ პრეპარატების გაცემა განვითარებულ ქვეყნებში მკაცრად რეგულირდება.

ვირუსულ ინფექციებთან ბრძოლაში ამერიკა, კანადა და ევროპის წამყვანი ქვეყნები უპირატესობას ჰომეოპათიურ მედიკამენტებს ანიჭებენ. წლებია, წამყვანი ქვეყნების პედიატრები მკურნალობის 60%-80%-ში ჰომეოპათიურ პრეპარატებს იყენებენ.

ჰომეოპათიური მედიკამენტი აბსოლუტურად ბუნებრივ კომპონენტებზეა დამზადებული და მცენარეულ, ცხოველურ და მინერალურ კომპონენტებს შეიცავს. ამასთან, აღსანიშნავია მათი ფარმაკოეკონომიკურობა - პრეპარატებს საშუალოდ გახსნიდან 5 წლის განმავლობაში აქვს ვარგისიანობის ვადა და შეგიძლიათ, სიტუაციურად, საჭიროებისამებრ გამოიყენოთ.

განვიხილოთ კანადისა და ამერიკის ბაზარზე ლიდერი მწარმოებლის მაგალითი - „ჰომეოკანი“ მსხვილი კანადური კომპანიაა, რომელიც 200-ზე მეტ მედიკამენტს აწარმოებს.

მნიშვნელოვანია, რომ GMP სტანდარტს აკმაყოფილებს და როგორც კანადის ჯანდაცვის ორგანიზაციის, ასევე FDI-ს მიერ ყოველწლიურად კონტროლდება. მედიკამენტებში შემავალ თითოეული კომპონენტს კი ამერიკის ჰომეოპათიური ფარმაკოპეა ამოწმებს და არეგულირებს. შესაბამისად, პედიატრიულ ხაზ Kids 0-9-ს მაღალი ხარისხისა და უსაფრთხოების დიდი პროფილი აქვს.

KIDS 0-9 0-დან 9 წლამდე ბავშვებისთვისაა - გამოიყენება ნებისმიერი ტიპის ვირუსული ინფექციის დროს, სიმპტომების გამოვლენისთანავე. Kids 0-9 ჰომეოპათიური მედიკამენტები არ შეიცავს საღებავებს, გლუტენს, შაქარსა და თაფლს. აქვს ხილის არომატები და ტკბილია მასში არსებული დამხმარე ნივთიერება სორბიტოლის ხარჯზე. აქვს ადვილად მისაღები თხევადი ფორმულა (გადაცდენის რისკი არ არის), გარანტირებული დოზირება და უკეთ შეწოვის უნარი.

გაციებისა და ვირუსების სეზონზე განსაკუთრებით ეფექტურია Kids 0-9-ს 4 პრეპარატი: ჰომეოკოქსინუმი, ხველა-გაციება , სინუსი და ტკივილი - ცხელება.

სანამ დეტალურად გაგაცნობთ თითოეულს, გვინდა აღვნიშნოთ, რომ მათი ეფექტურობა დამოკიდებულია პრეპარატის ზუსტ და სწორ გამოყენებაზე, პირველივე სიმპტომების გამოვლენისთანავე.

Kids 0-9-ს ჰომეოკოქსინუმი გამოიყენება გრიპის მსგავსი სიმპტომების დაწყებისას: ცხელება, შემცივნება, სურდო, ტკივილი, სისუსტე.

მისი მიღება იმუნურ სისტემას უჯრედის დონეზე აძლიერებს და გამა-ინტერფერონის დონეს 30%-40%-ით ზრდის. ის ხელს უშლის ვირუსის გამრავლებას, შესაბამისად, ინფექცია მიმდინარეობს ნაკლები სიმძიმით, აქვს ხანმოკლე მიმდინარეობა და გამოჯანმრთელების პროცესი სწრაფად დგება.

საინტერესოა, რომ მასში შემავალი ცხოველური კომპონენტი - გადამფრენი იხვი ბარბარია - თითქმის ყველა ტიპის ვირუსის ანტისხეულის მქონეა.

Kids 0-9-ს ჰომეოკოქსინუმი 0 ასაკიდან წვეთების , 7-8 წლიდან კი გრანულების სახით მიიღება. გამოიყენება დღეში 3-ჯერ, 6 საათში ერთხელ. სეზონური ვირუსების დროს, სიმპტომების გამოვლენამდე პროფილაქტიკის მიზნითაც მიიღება 10 დღის განმავლობაში, დღეში ერთხელ.

Kids 0-9-ს ხველა-გაციება გამოიყენება ქვემოსასუნთქი გზების ინფექციების დროს. იგულისხმება, ბრონქიტი, ტრახეიტი, როდესაც არის ჩახლეჩილი ხმით, მშრალი, უხეში ხველა. ის აუმჯობესებს ხველის და გაციების თანმხლებ სიმპტომებს: ეხმარება ნახველის წარმოქმნაში (რადგან ამ ასაკში ბავშვებს ამოხველების რეფლექსი არ აქვთ განვითარებული, მნიშვნელოვანია, რომ პრეპარატი ნახველის დამარბილებელი საშუალებაა და არა ამოსახველებელი, ამდენად სრულიად უსაფრთხოა) ხსნის შეშუპებას, ტკივილსა და ცხელებას.

0 დან 6 წლამდე ბავშვებში რეკომენდებულია ½ ჩაის კოვზი (2,5 მლ)4 -ჯერ, ხოლო ბავშვებში 7-დან 9 წლამდე - 1 ჩაის კოვზი (5 მლ) 3-4 ჯერ დღეში. შეამცირეთ მიღება სიმპტომების გაუმჯობესების შემდეგ ან მიიღეთ ექიმის რეკომენდაციით.

აღსანიშნავია, რომ ხველა სიმპტომია, რომელიც შეიძლება ახლდეს არა მხოლოდ ქვემოსასუნთქი, არამედ ზემოსასუნთი გზების ინფექციებსაც. მაგალითად, სინუსიტებისა და რინიტების დროს, ამ შემთხვევაში უნდა გამოვიყენოთ Kids 0-9-ს სინუსი .

Kids 0-9-ს სინუსი ხელს უწყობს გაციების სიმპტომებისგან გათავისუფლებას, იქნება ეს სურდო, ცემინება, ცრემლდენა, ყელის გაღიზიანება თუ თავის ტკივილი. გამოიყენება როგორც მწვავე, ასევე გახანგრძლივებული პროცესის დროს. 1 საწვეთური (0.75 მლ) 1-დან 3-ჯერ დღეში. მწვავე ფაზაში, მწარმოებლის რეკომენდაციით, პირველი 2 დღის განმავლობაში შესაძლებელია დარტყმითი დოზების გამოყენება.

ვირუსების სეზონზე ეფექტურია ჰომეოკოქსინუმისა და სინუსის ერთობლივი მიღება: ჰომეოკოქსინუმით არ ვაძლევთ ვირუსებს გამრავლების საშუალებას, სინუსით კი კონკრეტულად ცხვირ-ხახის პრობლემებს ვებრძვით.

სეზონურ ვირუსებს ტემპერატურა და ტკივილიც ახლავს თან, ამ პროცესების ეფექტური მართვა კი Kids 0-9-ს ტკივილი-ცხელებით შეგვიძლია.

ის არეგულირებს ტემპერატურას და ხსნის ყელისა და თავის ტკივილს, გაღიზიანებასა და დისკომფორტს.

მოგეხსენებათ, 38 - 38,5 გრადუსამდე არ არის რეკომენდებული სიცხის დამწევი საშუალებები გამოყენება, რადგან იმუნური სისტემისთვის მნიშვნელოვანია ტემპერატურული რეაქცია, როგორც ვირუსთან ბრძოლის მეთოდი (გამონაკლისი შემთხვევების გარდა - ეპილეფსია, ფებრილური გულყრა).

აღსანიშნავია, რომ Kids 0-9-ს ტკივილი-ცხელება არა ტემპერატურის დამწევი, არამედ მარეგულირებელი საშუალებაა, რომელიც თანმხლებ დისკომფორტს ხსნის.

გამოყენების რეკომენდაცია: 1 საწვეთური (0.75 მლ) 1-დან 3-ჯერ დღეში.

Kids 0-9-ს ტკივილი-ცხელების მიღება ასევე ეფექტურია მაღალი ცხელების დროს, პარაცეტამოლისა ან იბუპროფენის ჯგუფის პრეპარატების დამხმარედ - ჰომეოპათიური და ქიმიური პრეპარატის ერთობლივი გამოყენება აძლიერებს ერთმანეთის მოქმედებას.

როგორც აღვნიშნეთ, Kids 0-9-ს მაღალი ხარისხისა და უსაფრთხოების დიდი პროფილიდან გამომდინარე, პრეპარატების გამოყენება პედიატრის დანიშნულების გარეშე შეგიძლიათ, მაგრამ, თუ პირველი სამი დღის განმავლობაში სიმპტომები არ გაუმჯობესდა, უალტერნატივოდ ექიმს უნდა მიმართოთ.

დამატებითი ინფორმაციისთვის კი შეგიძლიათ, Kids 0-9-ს ოფიციალურ გვერდს მისწეროთ: ht​tps://www.facebook.com/Kids09.Georgia

R. 

შეიძლება დაინტერესდეთ

​რა იწვევს სმენის დარღვევას ბავშვებში და რას უნდა მივაქციოთ ყურადღება? - თემაზე ოტორინოლარინგოლოგი შორენა წიკლაური საუბრობს

​რა იწვევს სმენის დარღვევას ბავშვებში და რას უნდა მივაქციოთ ყურადღება? - თემაზე ოტორინოლარინგოლოგი შორენა წიკლაური საუბრობს

რა იწვევს სმენის დარღვევას ბავშვებში და რას უნდა მივაქციოთ ყურადღება? - ამ და სხვა საკითხებზე ​MomsEdu.ge-ს ესაუბრა ოტორინოლარინგოლოგი შორენა წიკლაური.

- რა იწვევს სმენის დარღვევას ბავშვებში? (მიზეზებსა და რისკფაქტორებზე რომ ვისაუბროთ)

- ბავშვთა ასაკში სმენის დაქვეითება შესაძლებელია იყოს თანდაყოლილი ან შეძენილი. თანდაყოლილი ძირითადად ვითარდება მაშინ, როდესაც დედა ორსულობის დროს იღებს რაიმე მედიკამენტს, გადაიტანს ინფექციურ დაავადებას ან უშუალოდ მუცლადყოფნის პერიოდში მოხდება ნაყოფის დაინფიცირება, რაც იწვევს ნაყოფის სმენის ანალიზატორის განვითარების დარღვევას. ასეთ დროს, შესაძლოა ბავშვი დაიბადოს თანდაყოლილი სმენის დაქვეითებით ან სრული სიყრუით.

შეძენილი სმენის დაქვეითების შემთხვევაში, სმენის დაკარგვა ხდება დაბადების შემდეგ. სმენის დაქვეითება სრულ დაკარგვამდე შესაძლებელია იყოს მწვავე და ქრონიკული. ასევე შექცევადი ან შეუქცევადი. სმენის მწვავე, შექცევადი დაქვეითების დროს ძირითადი მიზეზებია - ყურში უცხო სხეული, გოგირდის საცობი, ცხვირ-ხახაში მიმდინარე ანთებითი პროცესი. სმენის ქორნიკული დაქვეითების ხშირი მიზეზია - ცხვირხახის ადენოიდების ჰიპერპლაზია ან მაღალი ალერგიული ფონი (ცხვირ-ხახაში შეშუპება), რის შედეგად შესაძლოა განვითარდეს სითხის დაგროვება შუა ყურში და გამოიწვიოს ქრონიკული ექსუდაციური ოტიტი. ზემოთ ჩამოთვლილი მიზეზებით სმენის დაქვეითება როგორც წელი ექვემდებარება მკურნალობას და შესაძლებელია სრული განკურნება.

გარდა ზემოთხსენებული მიზეზებისა, სმენის დაქვეითება შესაძლებელია იყოს გამოწვეული ყურის ან თავის ტრავმით, მორეციდივე შუაყურის ანთებებით, ინფექციური დაავადებებით. სმენის დაქვეითებისას შეფერხებულია ანბგერის გატარება სმენის ნერვამდე (ამ დროს მკურნალობა მეტნაკლებად ეფექტურია) ან ხდება ნერვის მიერ ბგერის აღქმის დარღვევა (სამწუხაროდ სმენის ნერვის დაზიანება პრაქტიკულად არ ინკურნება), არსებობს ასევევ შერეული შემთხვევებიც, როდესაც ორივე კომპონენტია ერთდროულად.

- რას უნდა მივაქციოთ ყურადღება, რათა არ გამოგვეპაროს პრობლემა?

- სმენა ერთერთი უმნიშვნელოვანესი ფაქტორია ბავშვის ნორმალური განვითარებისთვის. დაახლოებით 4 თვიდან ბავშვი უნდა რეაგირებდეს მშობლის ხმაზე, ხმაურზე, იხედებოდეს იმ მიმართულებით, საიდანაც მოდის ხმა. 1.5 წლიდან ბავშვი უკვე უნდა ცდილობდეს მარტივი სიტყვების წარმოთქმას. თუ აღნიშნული რეაგირებები და მეტყველების დაწყების შეფერხება გახანგრძლივებულია, მშობელმა ყურადღება უნდა მიაქციოს და შესაძლოა, იეჭვოს სმენის დაქვეითებაზე.

- როგორ შეიძლება ავიცილოთ თავიდან ეს პრობლემა?

- საქართველოში არსებობს ძალიან კარგი პროგრამა, რომლის ფარგლებშიც ხდება ყველა ახალშობილის შემოწმება სმენაზე. თუ ბავშვს აქვს თანდაყოლილი სმენის პრობლემა, ხდება დროული გამოვლენა და შესაბამისად, ჩარევაც დროულად მიმდინარეობს, აღნიშნული ეხმარება სმენადაქვეითებულ ბავშვს მაქსიმალურად ადაპტირდეს სოციუმთან.

პრობლემის თავიდან ასაცილებლად, ორსულობის პერიოდში, დედა უნდა ეცადოს რომ თავი დაიცვას სხვადასხვა ინფექციური დაავადებებისგან, თვითნებურად არ მიიღოს პრეპარატები, დროულად მოხდეს ახალშობილის სკრინინგი და ასევე, ძალიან მნიშვნელოვანია ბავშვის გეგმიური ვაქცინაცია. შუა ყურის მორეციდივე ინფექციების დროს დროულად უნდა მიმართოს ექიმს.

მშობლებს ვურჩევდი, რომ მოერიდონ ბავშვის თვითნებურად მკურნალობას. არსებობს ყურის დაავადებები, რომლის დროსაც გარკვეული პრეპარატების, მათ შორის ყურის წვეთების გამოყენება არ შეიძლება. შესაძლებელია, თვითნებური მკურნალობის დროს გამოიწვიოთ სმენის ნერვის დაზიანება. ხშირად, ყურის ტკივილის დროს ბავშვს ადებენ ცხელ მარილს, რაც დაუშვებელია. ასეთ დროს დიდია ალბათობა, რომ დაფის აპკი გასკდეს და შემდგომში გამოიწვიოს შუა ყურის ქრონიკული ანთება.

- რა შემთხვევებში უნდა მივმართოთ სპეციალისტს?

- მშობელს თუკი რაიმე ეჭვი გაუჩნდა ბავშვის სმენის დაქვეითებასთან დაკავშირებით, სასურველია, დროულად მიმართოს სპეციალისტს, რათა შესაბამისი მკურნალობით მივიღოთ მაქსიმალური შედეგი. სმენის დაქვეითება შესაძლოა მოხდეს, მანამ სანამ ბავშვი მეტყველებას დაიწყებს (თანდაყოლილი) ან როდესაც მეტყველება დაწყებული აქვს და შემდეგ გარკვეული მიზეზით ხდება დაქვეითება ან სრული დაკარგვა. როგორც უკვე აღვნიშნე, 4 თვიდან ბავშვი უნდა რეაგირებდეს ხმაზე, იყურებოდეს იმ მიმართულებით, საიდანაც ხმაური ესმის. თუკი ბავშვი უკვე ლაპარაკობს და მშობელმა შეამჩნია რომ საუბრისას ბავშვი სთხოვს რომ ნათქვამი გაუმეოროს, ან ახლოს მიდის ადამიანებთან საუბრის დროს, ან ტელევიზორს უსმენს ხმამაღლა... თუ ასეთი ქცევები ხშირად მეორდება, აუცილებლად მიმართეთ სპეციალისტს.

ყურადღება მიაქციეთ ცხვირით სუნთქვას, რადგან ყურის პრობლემები ხშირად მოდის ცხვირით სუნთქვის გაძნელებიდან. თუ ბავშვს გაუჭირდა ცხვირით სუნთქვა და ეს დიდხანს გრძელდება, დროულად გაიარეთ კონსულტაცია ექიმთან.

ცალკე უნდა გამოვყოთ მოზარდებში ყურსასმენების გადამეტებული მოხმარება. ხანგრძლივად ხმამაღლა მუსიკის მოსმენა, მითუმეტეს თუ ყურსასმენი მხოლოდ ერთ ყურზეა ან/და ღამით იძინებს ყურსასმენებით, დამაზიანებლად მოქმედებს სმენის ნერვზე და იწვევს სმენის შეუქცევად დაქვეითებას.

ესაურა მარიამ ჩოქური 

წაიკითხეთ სრულად