Baby Bag

ძლიერი ქალი ხვეწნას და მუდარას არასდროს დაგიწყებთ, თუ ის გემშვიდობებათ, იცოდეთ, რომ ეს სამუდამოა

ძლიერი ქალი ხვეწნას და მუდარას არასდროს დაგიწყებთ, თუ ის გემშვიდობებათ, იცოდეთ, რომ ეს სამუდამოა
მამაკაცებო, თუ გვერდით ძლიერი ქალი გყავთ და მას თავს არასაჭიროდ აგრძნობინებთ, იცოდეთ, რომ ის სამუდამოდ დაგემშვიდობებათ და თქვენკენ არასდროს ​მოიხედავს. ძლიერი ქალი აღარასდროს იფიქრებს იმაზე, რაც მოხდა და არც შეცდომის გამოსწორების უფლებას მოგცემთ.

ძლიერი ქალი თქვენს სიყვარულს განაგრძობს, ის უღირს საქციელს გაპატიებთ კიდეც, მაგრამ თუ ის თავს ზედმეტად იგრძნობს, თქვენთან ურთიერთობაზე უარის თქმისთვის დიდი ფიქრი არ დასჭირდება.

ცხადია, ის დაიტანჯება და ტკივილსაც იგრძნობს. ძლიერი ქალი სხვა მდედრობითი სქესის წარმომადგენელთა მსგავსად დარდს ვერსად გაექცევა, მაგრამ მძიმე წუთებთან და სირთულეებთან გამკლავების საოცარი უნარი მას ყველასგან გამოარჩევს.

დასასრულის დასაწყისისთანავე ის საოცარ ძალას ავლენს. თუ თქვენ გადაწყვეტთ, რომ თქვენი ურთიერთობა მარცხისთვის არის განწირული და მასთან დაშორება გსურთ, ძლიერი ქალი თქვენს გადაწყვეტილებას უსიტყვოდ დაეთანხმება. ის გადაწყვეტს, რომ თქვენ მისთვის სათანადოდ კარგი არ ხართ და თქვენთან ურთიერთობის გაგრძელებას აღარ მოისურვებს.

ძლიერი ქალის პასუხი თქვენ გატყვევებთ და გაბნევთ. თქვენი მოლოდინი, რომ მას გული გაუტყდებოდა, რომ მოზღვავებული ემოციები მას სამუდამოდ დატანჯავდნენ, არ გამართლდა. ცხადია, ის მარცხს სხვებივით განიცდის, მაგრამ ძლიერი ქალი დიდხანს არასდროს იტანჯება.

შესაძლოა, ის დასევდიანდეს იმის გამო, რაც მოხდა, განიცადოს, რომ თქვენთან ურთიერთობა განსაკუთრებული არ აღმოჩნდა, მაგრამ ძლიერი ქალი ერთ შემთხვევას არასდროს მისცემს უფლებას მისი ბედი საბოლოოდ გადაწყვიტოს. ის ძალიან სწრაფად აღიდგენს ძალებს და განშორებას სიამაყითა და კეთილშობილებით შეურიგდება. მოიწყენს თუ არა ის თქვენგან წასვლის შემდეგ? ცხადია, მოიწყენს! ის ხშირად იფიქრებს თქვენზე და ძვირფას წუთებს არაერთხელ გაიხსენებს. ის ბევრჯერ წარმოიდგენს, რა მოხდებოდა ყველაფერი სხვაგვარად რომ ყოფილიყო, მაგრამ ძლიერი ქალი მსგავს წუთებს აუცილებლად გაუმკლავდება და გადალახავს. ერთი რამ დანამდვილებით უნდა იცოდეთ, ის არასდროს გთხოვთ მასთან დარჩენას, მსგავსი რამ არასდროს მოხდება! ძლიერი ქალი თხოვნას და მუდარას ვერც თქვენგან აიტანს. ის აუცილებლად გაგაფრთხილებთ, რომ თუ თქვენგან წასვლას გადაწყვეტს, მას თქვენთან დარჩენა აღარ უნდა სთხოვოთ.

ძლიერი ქალი ყოველთვის მომავალზეა ორიენტირებული და არა - წარსულზე. ის ცხოვრების მიერ შემოთავაზებულ ნებისმიერ გამოწვევას მიიღებს და უსიამოვნებებს ხასიათის გაფუჭების უფლებას არ მისცემს. ის ძლიერ ადამიანად დარჩება და სამყაროს დაიპყრობს, ძლიერი ქალი ამას თქვენ გარეშეც შეძლებს.

ნეგატიური გამოცდილება ძლიერ ქალს არ გააბოროტებს. თქვენთან განშორება მას პიროვნულად გაზრდის და უკეთეს ადამიანად ჩამოყალიბებაში დაეხმარება. ის უფრო გამჭრიახი, ბრძენი და თანამგრძნობი ადამიანი გახდება.

თუ თქვენ გვერდით ძლიერი ქალი გყავთ, უნდა იცოდეთ, რომ ის მაშინვე მიგატოვებთ, როგორც კი იგრძნობს, რომ მას სათანადოდ არ აფასებენ. თქვენ კი მისი გადაწყვეტილების შეცვლას ვერასდროს შეძლებთ. დააფასეთ ყოველი წამი, რომელსაც მის გვერდით ატარებთ, რადგან არ იცით, რამდენ ხანს გასტანს თქვენი ბედნიერება. 

მომზადებულია optimalpositivity.com
თარგმნა ია ნაროუშვილმა 

შეიძლება დაინტერესდეთ

ნუ ეტყვით ბავშვს: „ფრთხილად იყავი!“ - როგორ დავიცვათ შვილების უსაფრთხოება მათი დაშინების გარეშე?

ნუ ეტყვით ბავშვს: „ფრთხილად იყავი!“  - როგორ დავიცვათ შვილების უსაფრთხოება მათი დაშინების გარეშე?

მშობლები ხშირად იყენებენ ფრაზას: „ფრთხილად იყავი!“ ამგვარად ისინი ბავშვების საფრთხისგან დაცვას ცდილობენ, თუმცა უფროსები ვერ აცნობიერებენ, რომ მსგავსი ფრაზები ბავშვს რისკისგან არ აზღვევს. „ფრთხილად იყავი“ ბავშვს გარემოში დაფარულ საფრთხეებზე მიანიშნებს და მასში ხშირად გადაჭარბებულ შიშსაც ბადებს.

ნაცვლად იმისა, რომ ბავშვი მსგავსი შეძახილებით დააშინოთ, მისი უსაფრთხოების უზრუნველსაყოფად შემდეგი 5 მეთოდი გამოიყენეთ:

1. ბავშვს აგრძნობინეთ, რომ მის დასახმარებლად ყოველთვის მზად ხართ

ზოგჯერ ბავშვები თამაშისას კომფორტის ზონიდან გადიან და ახალ გამოწვევებს ეჯახებიან. ნაცვლად იმისა, რომ ამ დროს ბავშვს უთხრათ: „ფრთხილად იყავი!“ შეახსენეთ მას, რომ მის გვერდით ხართ და საჭიროების შემთხვევაში დაეხმარებით. შეგიძლიათ ბავშვთან ერთად მოიფიქროთ სიტყვა, რომლითაც ბავშვი დახმარების საჭიროებაზე მიგანიშნებთ. თამაშის დაწყებამდე შვილს უთხარით: „თუ გაგიჭირდება, დამიძახე და მაშინვე მოვალ!“ მშობლის თანადგომა ბავშვს ახალ გამოწვევებთან გამკლავებისთვის მეტ მოტივაციას შესძენს.

2. გაამხნევეთ ისინი, რათა მიზნების მისაღწევად დრო და ძალისხმევა არ დაიშურონ

ბავშვები ხშირად ბაძავენ მათზე უფროს ბავშვებს. თუ თქვენი შვილი პარკში სიმაღლეზე მცოცავ ბავშვებს ხედავს, მიუხედავად მცირე ასაკისა, მან, შესაძლოა, იმავეს გამეორება სცადოს. ეცადეთ ბავშვს საკუთარი შესაძლებლობების ფარგლებში მოქმედების უფლება მისცეთ. ვიდრე ის სიმაღლეზე ძრომას მთელი სისწრაფით დაიწყებს, უთხარით, რომ ჯერ ნელა იმოძრაოს, ხოლო თუ დასახულ მიზანს მიაღწევს, ტემპს მხოლოდ ამის შემდეგ მოუმატოს.

3. ბავშვთან ერთად აწარმოეთ დაკვირვება თამაშის პროცესზე

ბავშვის თამაშზე დაკვირვებისას თქვენ საფრთხეებს მარტივად აღიქვამთ, თუმცა თქვენი შვილი ამას ვერ ახერხებს. ნაცვლად იმისა, რომ მას უბრალოდ სიფრთხილისკენ მოუწოდოთ, ჩაერთეთ მასთან ერთად თამაშში და პროცესზე დაკვირვება ერთობლივად აწარმოეთ. თუ ბავშვი საქანელაზეა და მიწაზე გადმოხტომას აპირებს, ჰკითხეთ მას, ხომ არ არის ძალიან მაღლა და ხომ არ დაემუქრება საფრთხე, თუ ის მთელი სისწრაფით დაეშვება მიწაზე. ამასთან აღნიშნეთ, რომ თქვენ ამას არ გააკეთებდით, რადგან მიწაზე უსაფრთხოდ ვერ დაეშვებოდით.

4. სიტყვების დახმარებით ბავშვს მინიშნებები გაუკეთეთ, რომლებიც მის უსაფრთხოებას დაიცავს

თუ ბავშვი თამაშისას გამოუვალ მდგომარეობაში აღმოჩნდება, აუხსენით, როგორ მოიქცეს. უთხარით, რომ მისთვის მარცხენა ფეხის გამოყენება უკეთესი იქნება, ვიდრე მარჯვენასი, რათა უხერხულ პოზიციას თავი დააღწიოს. ამგვარად, ბავშვს უსაფრთხო ქმედებისკენ უბიძგებთ, ამასთან ის ვერ იგრძნობს, რომ თქვენ სიტუაციის გაკონტროლებას ცდილობთ.

5. ბავშვს ჰკითხეთ, რა სტრატეგია აქვს მას თამაშის დროს უსაფრთხოების დაცვისთვის

ბავშვები ხშირად ეუბნებიან მშობლებს: „მიყურე!“ ზოგჯერ ეს სანახაობა სასიამოვნოდ სრულდება, ბავშვი ბედნიერი და კმაყოფილია, ზოგჯერ კი პატარები ტრავმების მიღებისგანაც არ არიან დაზღვეულები. ჰკითხეთ ბავშვს, რის ჩვენებას აპირებს თქვენთვის. როდესაც ის თავის გეგმას გაგაცნობთ, ჰკითხეთ, როგორ აპირებს სიმაღლიდან უსაფრთხოდ დაშვებას მიწაზე. ბავშვი საკუთარ ქმედებებზე მეტად უნდა დააფიქროთ, რათა უსაფრთხოების მნიშვნელობა გაიაზროს. ეს ბევრად უფრო ეფექტიანია, ვიდრე სიფრთხილისკენ მოწოდებები, რომლებიც მას შიშს უნერგავს და გამოწვევებთან შეჯახებისას ხელს უშლის.

წყარო:​ imom.com 

წაიკითხეთ სრულად