Baby Bag

„იყავით მშვიდები და ბედნიერ ბავშვობაში აცხოვრეთ თქვენი შვილები,“ - ბაკურ კოტეტიშვილის რჩევები მშობლებს

„იყავით მშვიდები და ბედნიერ ბავშვობაში აცხოვრეთ თქვენი შვილები,“ - ბაკურ კოტეტიშვილის რჩევები მშობლებს

ნევროლოგმა ბაკურ კოტეტიშვილმა მშობლებს ურჩია შვილების ბავშვობა უზრუნველყონ და მაქსიმალურად გააუხანგრძლივონ შვილებს ბავშვობის ეტაპი:

„მშობლებმა უნდა უზრუნველყონ ბავშვების ბავშვობა. თუ ბავშვები ბავშვებად დარჩებიან რაც შეიძლება დიდი ხნის განმავლობაში, ეს ძალიან კარგია. მშობლებს გვაწყობს, რომ მალე გაიზრდონ ბავშვები, ზრუნვა რომ ნაკლები გვქონდეს. პრობლემები ყოველთვის იარსებებს, თუნდაც 20 წლის იყოს ბავშვი, ან 2 წლის.“

ბაკურ კოტეტიშვილმა იმ პრობლემებზე ისაუბრა, რომელიც მშობლებსა და შვილებს პანდემიის გამო დაწესებულმა აკრძალვებმა შეუქმნა:

„ეს აკრძალვები და ჩაკეტვები ვის უხარია, ხომ?! ​მშობლებმა უნდა უზრუნველყონ, რომ ბავშვებმა ეს ეტაპი მაქსიმალურად მსუბუქად გადაიტანონ. ბავშვებთან ურთიერთობა არის ძალიან მნიშვნელოვანი. ძალიან ბევრმა მშობელმა მითხრა: „როდის გაიხსნება სკოლები? აღარ შემიძლია ამათანი ატანა!“ ვითომ გაგვეცინება, მაგრამ რომ დავუფიქრდეთ, მას უჭირს შვილებთან ურთიერთობა, ვერ მოუფიქრებია, რა გააკეთოს. ამ დროს უმარტივესია, რა უნდა ბავშვთან ურთიერთობას?!“

ბაკურ კოტეტიშვილის თქმით, მშობლებს არ მოსწონთ, როდესაც თავადაც ბავშვურად უხდებათ მოქცევა და შვილებთან ერთად ენერგიის დახარჯვა:

„ჩვენ ბავშვის ჭკუაზე უნდა ვიყოთ და ეს არ გვაწყობს. მშობელმა უნდა იკოტრიალოს ბავშვთან ერთად, უნდა შეძვრეს საწოლის ქვეშ. ამ დროს რაღაც ჩამოვარდება, რაღაც გატყდება. ეს უკვე აღარ გვაწყობს. ყველა ჩვენგანს უტყდება ჭიქა, თეფში. აბა ბავშვმა გატეხოს, მაშინვე ვიწყებთ ზეწოლას მასზე. ამ დროს ჩვენც გვიტყდება ყველას რაღაც. არ გიტყდებათ ოჯახში თეფში? ​ბავშვი რომ გაიყვანოთ ეზოში, ეთამაშოთ, ირბინოთ მასთან ერთად, არცერთი არ მოგთხოვთ არც კომპიუტერს, არც ტელევიზორს და არც ტელეფონს.“

„პირველ რიგში, უნდა ვუზრუნველყოთ ბავშვის დაცულობა. ​ბავშვის დაცვა არ არის ჩაცმა, ჭამა, დაცვა არის გარემოს სიმშვიდე. ნებისმიერი ოთახი შემოფარგლული სივრცეა, ეს არ არის ლაღი სისტემა. ბავშვს აინტერესებს, რა ხდება კედლის იქით. ეს აღმომჩენობა ბავშვის ტვინის განვითარებაა, რომელსაც ის მთელი ცხოვრება იყენებს. მაღალი ან დაბალი თვითშეფასება ბავშვებში მშობლებთან ურთიერთობის ფენომენით არის განპირობებული. ჩვენ არ გვახსოვს თუნდაც ერთი კვირის წინ ნათქვამი სიტყვები, ბავშვი ამას ყველაფერს იმახსოვრებს. იყავით მშვიდები და ბედნიერ ბავშვობაში აცხოვრეთ თქვენი შვილები,“ - აღნიშნულ საკითხებზე ბაკურ კოტეტიშვილმა რადიო ფორტუნას ეთერში ისაუბრა.

წყარო: ​რადიო ფორტუნა

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„ყველას გთხოვთ, რომ ბავშვთან ურთიერთობაში პირველი, რასაც დაანახვებთ ბავშვს, იყოს ღიმილი,“...
​​ნევროლოგმა ბაკურ კოტეტიშვილმა ბავშვის ცხოვრებაში ღიმილის მნიშვნელობის შესახებ ისაუბრა და აღნიშნა, რომ ბავშვის ღიმილი თავისუფალი, გულწრფელი და გადამდებია:„ბავშვის ღიმილი, განსაკუთრებით პირველი 3...

შეიძლება დაინტერესდეთ

„თუ რუსები ჩვენს ქალაქში შემოვლენ, ისინი ყველა ბავშვს მოკლავენ?“ – 8 წლის გოგონას სულისშემძვრელი კითხვა დედას

„თუ რუსები ჩვენს ქალაქში შემოვლენ, ისინი ყველა ბავშვს მოკლავენ?“ – 8 წლის გოგონას სულისშემძვრელი კითხვა დედას

უკრაინელი ქალი, რომელიც კიევის მახლობლად შვილთან ერთად ცხოვრობს მედიასთან საუბარში იმ მძიმე ეტაპის შესახებ ყვება, რომლის გადატანაც ბავშვთან ერთად უწევს. 41 წლის მარინა მასწავლებელია. მისი ქალიშვილი სოლომია 8 წლის გოგონაა და ომთან დაკავშირებით დედას უკვე რთულ კითხვებს უსვამს.

„ის ყოველთვის მეკითხება: დედა, თუ რუსები ჩვენს ქალაქში შემოვლენ, ისინი ყველა ბავშვს მოკლავენ? ჩვენ ხომ უკრაინელები ვართ და უკრაინულად ვლაპარაკობთ. ასე რატომ ბრაზობენ ჩვენზე?“- ამბობს აღელვებული დედა.

რუსეთის უკრაინაში შეჭრის შემდეგ სოლომიას სკოლა დისტანციური სწავლების რეჟიმზე გადავიდა.

„პუტინი შეშლილი კაცია. ის მანიაკია. უკრაინის შემდეგ ის არ გაჩერდება. შემდეგი ესტონეთი, ლიეტუვა, პოლონეთი და სხვა ქვეყნები იქნებიან,“ - აღნიშნავს მარინა.

მარინას თქმით, მას ქალაქიდან გასვლა ამ ეტაპზე არ შეუძლია, რადგან გზების ნაწილი ჩაკეტილია, დანარჩენ გზებზე კი საშინელი საცობებია.

„არ ვიცი ჩემი შვილი ხვალ ან ზეგ უსაფრთხოდ იქნება თუ არა,“- წუხს სოლომიას აღელვებული დედა.

წყარო: ​wfaa.com

წაიკითხეთ სრულად