Baby Bag

მითია, რომ თუ ორსულს მრგვალი მუცელი აქვს გოგო ეყოლება, თუ წვეტიანი - ბიჭი - ორსულობასთან დაკავშირებული მითები და ცრურწმენები

მითია, რომ თუ ორსულს მრგვალი მუცელი აქვს გოგო ეყოლება, თუ წვეტიანი - ბიჭი - ორსულობასთან დაკავშირებული  მითები და ცრურწმენები

თანამედროვე საზოგადოებაში ცრურწმენების მიმდევრები ძალიან შემცირებულია, თუმცა მაინც არსებობს გარკვეული მითები, რომლებიც ორსულობას და მშობიარობას უკავშირდება. სწორედ ამ თემაზე ესაუბრა MomsEdu.ge-ს მეან-გინეკოლოგი თიკო გოთუა.

მითები  საქართველოს გარკვეულ კუთხეებში და ძირითადად მაღალმთიან მხარეში კვლავ აქტუალურია. გარშემომყოფები რჩევებს არ იშურებენ, თუ ვინმეს ორსულობა გაიგეს. მეც არაერთი უცნაური შეკითხვის მომსწრე ვყოფილვარ...

თუმცა მაინც ყოველთვის აღვნიშნავ, რომ - არ არსებობს სულელური შეკითხვა, არსებობს სულელური პასუხი...

  • მითია, რომ ორსულმა ორმაგად უნდა იკვებოს 
  • მითია, რომ ორსულმა თმა არ შეიძლება შეიჭრას, ბავშვი რომ დღენაკლული არ დაიბადოს
  • მითია, რომ ორსულმა არ შეიძლება მოქსოვოს, ბავშვი ჭიპლარში გაიხლართება
  • მითია, რომ ორსულმა არ შეიძლება კეროს, ბავშვი მუცელში მოიხარშება
  • მითია, რომ ორსულმა ღამით არ შეიძლება იაროს, ეშმაკები ჩაიბუდებენ ბავშვის სხეულში
  • მითია, რომ შესაძლებელია გულისცემის მიხედვით ნაყოფის სქესის განსაზღვრა
  • მითია, რომ თუ მარჯვენა საკვერცხე განაყოფიერდა გოგოა, ხოლო თუ მარცხენა - ბიჭი
  • მითია, რომ ზაფრანის ნაყენი ხსნის საშვილოსნოს ყელს
  • მითია, რომ თუ ორსულს მრგვალი მუცელი აქვს გოგო ეყოლება, თუ წვეტიანი - ბიჭი
  • მითია, რომ თუ ორსულმა ქათმის ან თევზის ნაღველს ხელი მოკიდა და კანზე მიიდო, ბავშვს ლაქა ექნება (მეცნიერულად არანაირია ახსნა არ არსებობს)
  • მითია, რომ არ შეიძლება ორსულმა დაკიდოს ფარდები
  • მითია, რომ თაფლის ჭამა არ შეიძლება ბავშვი „დორბლიანი“ იქნება
  • მითია, რომ რასაც მოისურვებს უნდა შეუსრულდეს, რომ ბავშვი ელამი არ იყოს
  • მითია, რომ ორსულის სარეცხი გარეთ ღამით არ უნდა დატოვოთ, თორემ ცუდი სიზმრები შეაწუხებს


და კიდევ არაერთი ცრურწმენა...

ნუ დაიჯერებთ და ნუ აყვებით არამეცნიერულ და არაექიმურ რჩევებს.
მოუსმინეთ და ენდეთ მხოლოდ ექიმს.

შეიძლება დაინტერესდეთ

არის თუ არა სასარგებლო ჭიპლარის გვიან გადაჭრა და როდის არ შეიძლება გადავადება?

არის თუ არა სასარგებლო ჭიპლარის გვიან გადაჭრა და როდის არ შეიძლება გადავადება?
არის თუ არა სასარგებლო ჭიპლარის გვიან გადაჭრა და როდის არ შეიძლება გადავადება? - ამ საკითხებზე ​MomsEdu.ge-ს ესაუბრა მეან-გინეკოლოგი ნინი მამისეიშვილი.

​„ჭიპლარი - ანატომიური წარმონაქმნია, რომელიც ნაყოფს აკავშირებს პლაცენტასთან და მისი მეშვეობით - დედის ორგანიზმთან. ჭიპლარის სისქე 1,5 სმ-ია ხოლო სიგრძე 50-70 სანტიმეტრს აღწევს. ჭიპლარის ქსოვილში გადის ორი არტერია და ერთი ვენა.“
- არსებობს თუ არა ჭიპლარის პათოლოგიები?
- ჭიპლარის პათოლოგიებს მიეკუთვნება:
  • ჭიპლარის სისხლძარღვების ანომალია - ჭიპლარში ერთი არტერიის არსებობა, მოკლე ჭიპლარი (არსებობს უჩვეულოდ მოკლე ჭიპლარიც).
  • ჭიპლარის კვანძები - ახალშობილთა 1 პროცენტი იბადება ერთი ან რამდენიმე კვანძით. ზოგერთი კვანძი ჩნდება მშობიარობის დროს, როდესაც მარყუჟი იჭიმება. კვანძები წარმოიქმნება ორსულობის დროსაც, როდესაც ნაყოფი ძალიან პატარაა და ბევრს მოძრაობს, განსაკუთრებით მაშინ, თუ ჭიპლარი უჩვეულოდ გრძელია.
- არის თუ არა სასარგებლო ჭიპლარის გვიან გადაჭრა და რატომ?
ჭიპლარის გადაჭრა რეკომენდებულია მშობიარობიდან ერთი წუთის შემდეგ. ბევრმა კვლევამ აჩვენა, რომ გვიან გადაჭრა სასარგებლოა ყველა ახალშობილისთვის, როგორც დროულისთვის, ასავე ნაადრევისთვის. ბავშვის დაბადების შემდეგ სისხლის ფეტარულ-პლაცენტარული მოცულობის 15%-დან 30%-მდე ჯერ კიდევ პლაცენტაში რჩება, ამიტომ დამატებითი ერთი წუთი მის ორგანიზმს ჰემოგლობინით ავსებს, ეს უზრუნველყოფს სისხლში რკინის მაღალ დონეს და იცავს ანემიისგან სიცოცხლის პირველ ნახევარ წელიწადში.
ჭიპლარის გვიან გადაჭრა განსაკუთრებით სასარგებლოა ნაადრევად დაბადებული ახალშობილებისთვის. კვლევებმა აჩვენა, რომ ის ამცირებს ანემიის რისკს და სისხლის გადასხმის საჭიროებას, ასევე ნეკროზული ენტეროკოლიტის და ტვინში სისხლჩაქცევის რისკს.
ჯანდაცვის მსოფლიო ორგანიზაცია რეკომენდაციას უწევს ჭიპლარის გვიან გადაჭრას იმ შემთხვევაშიც, თუ ახალშობილი დაბადებულია საკეისრო კვეთის ოპერაციით.

- როდის არ შეიძლება გადავადება?
- ჭიპლარის დაუყოვნებლივ გადაჭრა აუცილებელია, როდესაც მშობიარობის შემდგომი სისხლდენის რისკი დიდია, თუ ახალშობილი დაიბადა ასფიქსიაში ან დედას ან ბავშვს ესაჭიროება სასწრაფო სამედიცინო დახმარება.

ესაუბრა მარიამ ჩოქური
წაიკითხეთ სრულად