Baby Bag

როგორ გადავლახოთ მშობიარობის შიში? - რჩევები ორსულ ქალბატონებს

როგორ გადავლახოთ მშობიარობის შიში? - რჩევები ორსულ ქალბატონებს

ორსული ქალბატონები ხშირად ძალიან ღელავენ მოსალოდნელი მშობიარობის გამო და შიშისგან ღამეებსაც ათენებენ. მათი შიშები მრავალფეროვანია, თუმცა ყველაზე ხშირად მომავალ დედებს სამშობიარო ტკივილების ეშინიათ. გარდა ამისა ქალბატონები ღელავენ მშობიარობის შესაძლო გართულებებზე, ბავშვის ჯანმრთელობაზე, გაუთვალისწინებელ სირთულეებზე და ა.შ.

ორსული ქალბატონები მშობიარობის დაწყების ცრუ სიმპტომებისა და რეალური ნიშნების ერთმანეთისგან გარჩევის სირთულეზეც ხშირად ფიქრობენ. არ აქვს მნიშვნელობა სიმპტომები რეალურია თუ მოჩვენებითი, ნებისმიერი დისკომფორტისა და უჩვეულო ნიშნების დროს ორსულმა ქალბატონმა ექიმს უნდა მიმართოს. მნიშვნელოვანია, რომ ორსული მუდმივ კონტაქტში იყოს ექიმთან, რომელიც მას მისი სიმპტომებიდან გამომდინარე ურჩევს, როგორ მოიქცეს, რაც ორსულ ქალბატონს სამშობიაროში დროულად მისვლის შესაძლებლობას მისცემს.

მომავალ დედებს ვერ წარმოუდგენიათ, რომ სამშობიარო ბლოკში სიმშვიდის შენარჩუნება შესაძლებელია, თუმცა ეს რთული არ არის. მათ უნდა გააცნობიერონ, რომ პროფესიონალების გარემოცვაში იმყოფებიან და მშობიარობის პროცესი აქტიური მეთვალყურეობის ქვეშ მიმდინარეობს.

დედებმა უნდა გააცნობიერონ, რომ მათი ემოციები ბავშვსაც გადაედება. დედა და ბავშვი ერთი გუნდია, რის გამოც მნიშვნელოვანია, რომ დედამ სიმშვიდე შეინარჩუნოს, რათა მშობიარობის პროცესი ორივესთვის მარტივად წარიმართოს.

ორსულებს ასევე ეშინიათ მშობიარობის დროს შორისის ჩაჭრის საჭიროების წარმოქმნის და ფიქრობენ, რომ პროცედურა მტკივნეულია, თუმცა ეს ასე არ არის და ეპიზიოტომია უმტკივნეულოდ ტარდება.

ორსულმა ქალბატონებმა გესტაციურ პერიოდში პროფესიონალებისგან რჩევები რეგულარულად უნდა მიიღონ. ეს მათ არასაჭირო შიშებისა და  ცრურწმენების ზეგავლენისგან დაიცავს.

ორსულებზე ძალიან კარგად მოქმედებს იოგა, რაც მათ განტვირთვაში ეხმარება. მნიშვნელოვანია სხვა ორსულებთან გამოცდილების, განცდებისა და მოლოდინების გაზიარება და აზრების გაცვლა-გამოცვლაც.

ორსულმა ქალბატონმა დასვენებისთვის ნებისმიერი შესაძლებლობა უნდა გამოიყენოს და თავი გაინებივროს. განწყობის ასამაღლებლად და მშობიარობის მიმართ შიშების გასანეიტრალებლად, მნიშვნელოვანია, ორსულმა მის გარშემო დადებითი ატმოსფერო შექმნას. სქესის გამოცნობის ცერემონია, ბავშვის ტანსაცმლისა და ნივთების შეძენა, ჩვილის ოთახის მორთვა, ფოტოსესიების მოწყობა - ეს ყოველივე ორსულს ყურადღების გადატანასა და მშობიარობის შიშების გადალახვაში დაეხმარება.

მთავარია, რომ ორსულმა საკუთარი თავის ირწმუნოს და საკუთარ ორგანიზმს ენდოს. მომავალი დედა შვილის დაბადების უბედნიერეს წუთებს დადებითი მოლოდინით უნდა შეხვდეს და ირწმუნოს, რომ ყველაფერი საუკეთესო წინ არის.

წყარო:​ youaremom.com

შეიძლება დაინტერესდეთ

,,საწოვარას ერთგვარი დამამშვიდებელი ეფექტი აქვს ბავშვისთვის" - პედიატრი

,,საწოვარას ერთგვარი დამამშვიდებელი ეფექტი აქვს ბავშვისთვის" - პედიატრი

რას ნიშნავს ბავშვისთვის საწოვარა და რა ეფექტის მატარებელია ის ჩვილისთვის - ამის შესახებ პედიატრი, ნანა ნარეკლიშვილი საუბრობს. 

​,,საწოვარას ერთგვარი დამამშვიდებელი ეფექტი აქვს - არის საგანი, რომელიც ანტისტრესულია ბავშვთა ასაკისთვის. ამას განსაკუთრებული მნიშვნელობა აქვს ჩვილ ბავშვთა ასაკისთვის.

ბავშვი თავისი ფსიქომოტორული განვითარების პერიოდში სხვადასხვა სტრესულ სიტუაციას განიცდის - ესენია კბილების ჩამოსვლის პერიოდი, მოგზაურობა, გადაადგილება და ა.შ. ეს მისთვის არის, ერთგვარი, დამამშვიდებელი ეფექტის მქონე. ყველაზე მეტად უარყოფითი, რაც საწოვარას გააჩნია, არის ის, რომ აქვს არასასურველი ზემოქმედება ენაზე, ტუჩის ირგვლის კუნთებზე და ხშირად ხდება თანკბილვა".

პედიატრი საუბრობს, თუ როგორ უნდა შეძლოს მშობელმა, რომ თავისი შვილი საწოვარას გადააჩვიოს.

,,ეს მშობლის ხელოვნებაზეა დამოკიდებული - ბავშვმა აუცილებლად უნდა გადაიტანოს ყურადღება  სულ სხვა საგანზე. ყურადღება უნდა მიიქციოს საკუთარი მიმიკებით", - აღნიშნავს ნარეკლიშვილი.

წაიკითხეთ სრულად