Baby Bag

რა უპირატესობები აქვს ორსულობის დროს ცურვას სპორტის სხვა სახეობებთან შედარებით?

რა უპირატესობები აქვს ორსულობის დროს ცურვას სპორტის სხვა სახეობებთან შედარებით?

დღეს ხუთშაბათია და მედიაპორტალი MomsEdu.ge ტრადიციულ რუბრიკას - მეან-გინეკოლოგის რეკომენდაციებს წარმოგიდგენთ. რა უპირატესობები აქვს ორსულობის დროს ცურვას სპორტის სხვა სახეობებთან შედარებით? ამჯერად ამ თემაზე მოგაწვდით კომპეტენტურ ინფორმაციას მეან-გინეკოლოგი და ქირურგი ეკა ბუკია.

  1. ცურვის დროს მთელი ორგანიზმის ვარჯიშია შესაძლებელი. მოქმედებაშია ყველა კუნთი, გულისცემის სიხშირე იზრდება დატვირთვის გარეშე, ყველა კუნთი ტონუსშია, სხეული ეჩვევა თანდათანობით დატვირთვას (ორსულობის მატებასთან ერთად, იმატებს ქალის წონა და შესაბამისად, დატვირთვა ორგანიზმზე).
  2. ცურვისას კუნთებთან ერთად აქტიურად მუშაობს შინაგანი ორგანოებიც: გულ-სისხლძარღვთა სისტემა. ცურვა აუმჯობესებს გულისა და ფილტვების მუშაობას.
  3. ცურვა კარგია ისეთი ადამიანებისთვის და ორსულებისთვის, რომელთაც აქვთ გადატანილი ტრავმა, აქვთ ართრიტი ან კუნთებთან დაკავშირებული პრობლემა.
  4. კარგია ასთმის მქონე პირებისთვის, ვინაიდან ცურვის დროს ასევე შესაძლებელია სუნთქვითი ვარჯიშების კეთება, რაც დადებითად აისახება ფილტვების მდგომარეობაზე. თუმცა გასათვალისწინებელია ის ფაქტი, რომ ქიმიური ნივთიერებები, რომლითაც ხდება აუზის დეზინფიცირება და ქლორიანი წყალი, იწვევს ასთმური შეტევის პროვოცირებას, ამიტომ უნდა შეარჩიოთ ისეთი აუზი, რომელშიც ქლორის მაგივრად გამოიყენება მარილიანი წყალი.
  5. ცურვა კარგია კალორიების დასაწვავად, წონის შესანარჩუნებლად ორსულობის დროს.
  6. აუმჯობესებს ღამის ძილს. ყველასთვის ცნობილი ფაქტია, რომ ორსულების გარკვეულ ნაწილს აწუხებს უძილობა, ამიტომ თამამად შეგიძლიათ დაიწყოთ ცურვა, თუ თქვენს ორსულობას არ აქვს გართულება.

გისურვებთ ჯანმრთეობას და ბედნიერ დედობას!

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯ​გუფი“)

არის თუ არა უსაფრთხო ცურვა ორსულობის დროს?
დღეს ხუთშაბათია და მედიაპორტალი MomsEdu.ge ტრადიციულ რუბრიკას - მეან-გინეკოლოგის რეკომენდაციებს წარმოგიდგენთ.  მეან-გინეკოლოგი და ქირურგი ეკა ბუკია ორსულობის დროს ცურვაზე მოგაწვდით კომპ...

შეიძლება დაინტერესდეთ

არის თუ არა სასარგებლო ჭიპლარის გვიან გადაჭრა და როდის არ შეიძლება გადავადება?

არის თუ არა სასარგებლო ჭიპლარის გვიან გადაჭრა და როდის არ შეიძლება გადავადება?
არის თუ არა სასარგებლო ჭიპლარის გვიან გადაჭრა და როდის არ შეიძლება გადავადება? - ამ საკითხებზე ​MomsEdu.ge-ს ესაუბრა მეან-გინეკოლოგი ნინი მამისეიშვილი.

​„ჭიპლარი - ანატომიური წარმონაქმნია, რომელიც ნაყოფს აკავშირებს პლაცენტასთან და მისი მეშვეობით - დედის ორგანიზმთან. ჭიპლარის სისქე 1,5 სმ-ია ხოლო სიგრძე 50-70 სანტიმეტრს აღწევს. ჭიპლარის ქსოვილში გადის ორი არტერია და ერთი ვენა.“
- არსებობს თუ არა ჭიპლარის პათოლოგიები?
- ჭიპლარის პათოლოგიებს მიეკუთვნება:
  • ჭიპლარის სისხლძარღვების ანომალია - ჭიპლარში ერთი არტერიის არსებობა, მოკლე ჭიპლარი (არსებობს უჩვეულოდ მოკლე ჭიპლარიც).
  • ჭიპლარის კვანძები - ახალშობილთა 1 პროცენტი იბადება ერთი ან რამდენიმე კვანძით. ზოგერთი კვანძი ჩნდება მშობიარობის დროს, როდესაც მარყუჟი იჭიმება. კვანძები წარმოიქმნება ორსულობის დროსაც, როდესაც ნაყოფი ძალიან პატარაა და ბევრს მოძრაობს, განსაკუთრებით მაშინ, თუ ჭიპლარი უჩვეულოდ გრძელია.
- არის თუ არა სასარგებლო ჭიპლარის გვიან გადაჭრა და რატომ?
ჭიპლარის გადაჭრა რეკომენდებულია მშობიარობიდან ერთი წუთის შემდეგ. ბევრმა კვლევამ აჩვენა, რომ გვიან გადაჭრა სასარგებლოა ყველა ახალშობილისთვის, როგორც დროულისთვის, ასავე ნაადრევისთვის. ბავშვის დაბადების შემდეგ სისხლის ფეტარულ-პლაცენტარული მოცულობის 15%-დან 30%-მდე ჯერ კიდევ პლაცენტაში რჩება, ამიტომ დამატებითი ერთი წუთი მის ორგანიზმს ჰემოგლობინით ავსებს, ეს უზრუნველყოფს სისხლში რკინის მაღალ დონეს და იცავს ანემიისგან სიცოცხლის პირველ ნახევარ წელიწადში.
ჭიპლარის გვიან გადაჭრა განსაკუთრებით სასარგებლოა ნაადრევად დაბადებული ახალშობილებისთვის. კვლევებმა აჩვენა, რომ ის ამცირებს ანემიის რისკს და სისხლის გადასხმის საჭიროებას, ასევე ნეკროზული ენტეროკოლიტის და ტვინში სისხლჩაქცევის რისკს.
ჯანდაცვის მსოფლიო ორგანიზაცია რეკომენდაციას უწევს ჭიპლარის გვიან გადაჭრას იმ შემთხვევაშიც, თუ ახალშობილი დაბადებულია საკეისრო კვეთის ოპერაციით.

- როდის არ შეიძლება გადავადება?
- ჭიპლარის დაუყოვნებლივ გადაჭრა აუცილებელია, როდესაც მშობიარობის შემდგომი სისხლდენის რისკი დიდია, თუ ახალშობილი დაიბადა ასფიქსიაში ან დედას ან ბავშვს ესაჭიროება სასწრაფო სამედიცინო დახმარება.

ესაუბრა მარიამ ჩოქური
წაიკითხეთ სრულად