ქეით მიდლტონმა მეგან მარკლსა და პრინც ჰარის შვილის შეძენა მიულოცა

​კემბრიჯის ჰერცოგინია ქეით მიდლტონმა მეგან მარკლსა და პრინც ჰარის შვილის შეძენა ​მიულოცა. მიდლტონმა წყვილს წარმატებები უსურვა და აღნიშნა, რომ პირველი დღეები საკმაოდ რთულია. კემბრიჯის ჰერცოგინიას თქმით, კარგად ახსოვს ის შეგრძნებები, როდესაც პირველად გახდა მშობელი.

მეგან მარკლმა 6 მაისს ლონდონში, პორტლენდის საავადმყოფოში იმშობიარა. წყვილს ვაჟი ​შეეძინა. მშობიარობას ესწრებოდა პრინცი ჰარი და მეგანის დედა. სამეფო ოჯახის ახალი წევრი ტახტის რიგით მეშვიდე მემკვიდრეა.