Baby Bag

ასაკოვანი მშობლების შვილები პრობლემური ქცევისკენ ნაკლებად მიდრეკილები არიან

ასაკოვანი მშობლების შვილები პრობლემური ქცევისკენ ნაკლებად მიდრეკილები არიან
თანამედროვე ადამიანები შვილის გაჩენაზე ფიქრს საკმაოდ გვიან იწყებენ. 1970-იან წლებში ქალბატონები პირველ შვილს საშუალოდ 21 წლის ასაკში აჩენდნენ, დღეს აღნიშნული ასაკი 26 წლამდე გაიზარდა. 1972 წლისთვის მამაკაცების უმრავლესობა მამა პირველად 27 წლის ასაკში ხდებოდა, თანამედროვე სამყაროში მოცემული ასაკი 31 წლამდეა გაზრდილი. ალბათ, გაინტერესებთ, თუ რომელია უკეთესი: შვილის ყოლა უფრო ახალგაზრდა ასაკში თუ აღნიშნული გადაწყვეტილების შედარებით გვიან მიღება? ერთ-ერთ უახლეს კვლევაში მეცნიერები სწორედ ამ საკითხით დაინტერესდნენ და დაასკვნეს, რომ შვილების ზრდასრულ ასაკში გაჩენა უფრო სასარგებლოა, ვიდრე მშობლობის გამოცდილების ადრეული ახალგაზრდობის ეტაპზე მიღება.

მეცნიერებმა ნიდერლანდებში 10-12 წლის ასაკის 32 000 ბავშვის პრობლემური ქცევა გამოიკვლიეს. ბავშვების ქცევის შესაფასებლად მათ დედები, მამები, მასწავლებლები და თავად ბავშვები გამოკითხეს. მეცნიერებმა აღმოაჩინეს, რომ რაც უფრო დიდი ასაკის მშობლები ჰყავდა ბავშვს, მით ნაკლებად იყო ის მიდრეკილი პრობლემური ქცევის გამოვლენისა და აგრესიისკენ. მკვლევარებმა აღნიშნეს, რომ შედარებით ასაკოვან მშობლებს უფრო მეტი შემოსავალი აქვთ და მათი განათლების დონეც გაცილებით მაღალია, ვიდრე ახალგაზრდა მშობლების. კვლევამ ასევე აჩვენა, რომ ბავშვის პრობლემური ქცევა მშობლების მატერიალურ შემოსავლებთან მჭიდრო ურთიერთკავშირში არ არის.

არ დაგავიწყდეთ !!!

Mom​sEdu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

აღნიშნული კვლევის ჩატარებამდე მსოფლიოს სხვადასხვა კუთხიდან მეცნიერებმა უამრავი კვლევა შემოგვთავაზეს, რომლებიც უმეტესად ასაკოვანი მამების შვილებში აუტიზმისა და შიზოფრენიის განვითარების რისკებს აფასებდნენ, ხოლო ასაკოვან ქალბატონებში მძიმე სიმპტომებით მიმდინარე ორსულობებს უსვამდნენ ხაზს. ნიდერლანდებში ჩატარებულმა კვლევამ საპირისპირო შედეგები აჩვენა. მკვლევარები მშობლებს სიმშვიდისკენ მოუწოდებენ და აღნიშნავენ, რომ მათ ასაკის მატების გამო შვილების ყოლის არ უნდა ეშინოდეთ, რადგან ასაკოვანი მშობლების შვილები პრობლემური ქცევისკენ მიდრეკილებას ნამდვილად არ ამჟღავნებენ. კვლევამ მშობლების ასაკის მატებასა და ბავშვების შფოთვითი ან დეპრესიული აშლილობებისკენ მიდრეკილების ზრდას შორის კავშირი ვერ გამოავლინა. 

მომზადებულია ​news4jax.com-ის მიხედვით
თარგმნა ია ნაროუშვილმა 

შეიძლება დაინტერესდეთ

„მე და ჩემმა მეუღლემ ოჯახის შექმნა რომ გადავწყვიტეთ, ჩვენ უკვე ველოდებოდით პატარას,“ - თეა წულუკიანი

„მე და ჩემმა მეუღლემ ოჯახის შექმნა რომ გადავწყვიტეთ, ჩვენ უკვე ველოდებოდით პატარას,“ - თეა წულუკიანი

საქართველოს კულტურის, სპორტისა და ახალგაზრდობის მინისტრმა თეა წულუკიანმა ტელეკომპანია „რუსთავი 2“-ის გადაცემაში „სხვა კითხვები“ ოჯახის შექმნის შესახებ გადაწყვეტილების მიღებაზე ისაუბრა და აღნიშნა, რომ დაოჯახებამდე ის და მისი მომავალი მეუღლე უკვე პატარას მოლოდინში იყვნენ:


„მე და ჩემმა მეუღლემ ოჯახის შექმნა რომ გადავწყვიტეთ, ჩვენ უკვე ველოდებოდით პატარას. ეს, რა თქმა უნდა, არ იყო მარტივად მისაღები არავისთვის, მე უკვე იუსტიციის მინისტრი ვიყავი ამ დროს. ჩემი ოჯახის მხრიდან იმაზე იყო ნერვიულობა, რომ აღარ დამთავრდა ეს ჩვენი ლანძღვა, კრიტიკა, ახლა კიდევ ახალი საფუძველი შეიქმნა იმისა, რომ გლანძღონ.“

„ჩემი მეუღლე ჩემზე უმცროსია და ასეთი ხუმრობა იყო, რამაც ძალიან გამაცინა, რომ მხოლოდ მაკრონი სჯობნის, დანარჩენს ყველას აჯობაო. ამით ერთობოდა ზოგიერთი ოპონენტი. მე მომწონს, კარგი ხუმრობაა. ჩემს მშობლებს ეს ხუმრობა არ მოეწონათ. მამაჩემი სანამ ცოცხალი იყო ყოველთვის მაჩვენებდა, რომ არაფერი ისეთი არ ხდება, რის გამოც შეიძლება ვინერვიულო. ის მეუბნებოდა, რომ არასდროს პასუხი არ გასცე,“- აღნიშნა თეა წულუკიანმა.

წყარო: ​„სხვა კითხვები“

წაიკითხეთ სრულად