როგორ ატარებენ კარანტინის დღეებს კალაძეები - ნახევარ წუთში წასაკითხი ამბავი

განტვირთვა

5 სამოტივაციო ფილმი, რომელიც უფრო თავდაჯერებულსა და მიზანდასახულს გაგხდით

3 წლის წინ

მოტივაცია ერთ-ერთი მთავარი მამოძრავებელი ძალაა ნებისმიერი საქმის წამოწყებისთვის. ის ადამიანს მატებს შემართებას, ხდის უფრო თავდაჯერებულსა და მიზანდასახულს.
​

ზოგჯერ დგება მომენტი, როდესაც მიზნის მისაღწევად სხვადასხვა საშუალებას იყენებთ, მაგრამ სასურველ შედეგს მაინც ვერ იღებთ. არ გყოფნით ძალა, რომ თავიდან სცადოთ და ეძებთ გზებს, დაწყებული საქმე ბოლომდე მიიყვანოთ.
​

სწორედ ამ მიზნით შევარჩიეთ თქვენთვის 5 სამოტიცავიო ფილმი, რომელიც ცხოვრების ხალისს დაგიბრუნებთ.
​

1. ​ჩემი სამყარო, IMDb: 7,6

ფილმი მოგვითხრობს გოგონაზე, რომელმაც დაავადების გამო 2 წლიდან დაკარგა მხედველობისა და საუბრის უნარი. ელასთვის სამყარო გახდა „შავი ფერის“. გოგონას მოუყვანეს მასწავლებელი, რომელმაც შეცვალა შავი სამყარო და დაამტკიცა, რომ შეუძლებელი არაფერია. ერთ-ერთი საუკეთესო ფრაზა ფილმიდან - „შეუძლებელი - ეს ერთადერთი სიტყვაა, რომელიც მისთვის არ მისწავლებია“.
​

2. ​ყველაფრის მიუხედავად, IMDb: 7,1
​

ფილმი მოგვითხრობს რეალურ ისტორიას ახალგაზრდა კაცზე, რომლის მხედველობაც დღითიდღე უარესდებოდა. სკოლის დამთვარების დროს მას პრაქტიკულად მხედველობის 90% ჰქონდა დაქვეითებული. მიუხედავად ამისა, ის ინარჩუნებს ენთუზიაზმს და გეგმავს სასტუმროს ბიზნესის სფეროში სამუშაოს დაწყებას, რასაც აღწევს კიდეც.  ეს ისტორია ამტკიცებს, რომ ადამიანის შესაძლებლობებს საზღვარი არ აქვს.
​

3. ​​ბედნიერების კვალდაკვალ, IMDb: 8,0
​

ეს არის კრისტოფერ გარნერის, ნამდვილ ამბავზე დაფუძნებული ისტორია, რომელმაც მნიშვნელოვანი ინვესტიცია ეგრეთწოდებულ „ძვლის სიმყიფის გამოსაკვლევ სკანერში“ ჩადო. თუმცა, მოწყობილობა კარგად ვერ გაყიდა, რადგან თანამედროვე ტექნოლოგიებზე ოდნავ გაუმჯობესებული ვარიანტი აღმოჩნდა, თან გაცილებით ძვირი. სანამ გარნერი მოწყობილობის უკეთ გაყიდვას ცდილობს, ცოლი მიატოვებს, დაკარგავს სახლს, ბანკის ანგარიშებს და საკრედიტო ბარათებს. გარნერი იძულებული ხდება ბავშთან ერთად ქუჩაში იცხოვროს და სასოწარკვეთილი ეძებს სტაბილურ სამსახურს; მას ბირჟის მაკლერად აიყვანენ, მაგრამ ანაზღაურების მიღებამდე ტრეინინგისთვის და საკუთარი გამოგონების გასაყიდად ექვსი თვე სჭირდება.
​

4. ​ხელშეუხებელნი, IMDb: 8,5
​

რეალურ ამბავზე დაფუძნებული ეკრანიზაცია პარალიზებულ არისტოკრატზეა.  მას ბევრი მომვლელი ჰყავდა, მაგრამ ვერც ერთმა ვერ გაუძლო დიდხანს. ერთ დღესაც ის სრულიად შემთხვევით გაიცნობს ფერადკანიან მამაკაცს სახელად დრისს, რომელიც მისი მომვლელი გახდება. დრისი ამტკიცებს, რომ მიუხედავად ყველა ტრაგედიისა, ცხოვრება მშვენიერია.
​

5. სურვილების სია, IMDb: 7,4
​

ფილმი მოგვითხრობს ორ ხანდაზმულ მამაკაცზე, რომელთაც სასიკვდილო დიაგნოზი დაუსვეს. ისინი საავადმყოფოდან გაიქცევიან და გადაწყვეტენ, სიკვდილის წინ ყველაფერი გააკეთონ რაც კი ოდესმე სურდათ და ამისათვის სიას ჩამოწერენ. ამ პროცესში ისინი ერთმანეთს დაეხმარებიან, თან მეგობრებიც გახდებიან და რაც მთავარია, სიცოცხლის ხალისს იპოვნიან.
​

თუ გაინტერესებთ ფილმების ყურება და წიგნების კითხვა, გამოიწერეთ ინსტაგრამგვერდი ​​bookworld​, სადაც საინტერესო ფილმებსა და წიგნებზე გაიგებთ ყოველდღიურად ინფორმაციას

წაიკითხეთ სრულად