გარემოს ეროვნული სააგენტოს ინფორმაციით, 27-31 მაისს საქართველოს ზოგიერთ რაიონში ღამისა და საღამოს საათებში მოსალოდნელია ხანმოკლე წვიმა ელჭექით, ზოგან შესაძლებელია სეტყვა.
27-28 მაისს ჰაერის ტემპერატურა დაბლობსა და ბარში +23, +28, ხოლო 29-31 მაისს +28, +33 გრადუსია მოსალოდნელი.
ქ. თბილისში, ძირითადად ღამისა და საღამოს საათებში, მოსალოდნელია ხანმოკლე წვიმა ელჭექით. ჰაერის ტემპერატურა +27, +29 გრადუსი იქნება.
ზუგდიდის მუნიციპალიტეტის სოფელ დარჩელის პირველ საბავშვო ბაღში, იატაკზე დაფენილ ლეიბებზე მძინარე ბავშვების ვიდეო, ერთ-ერთი აღსაზრდელის ბიძამ თორნიკე ხარამიშვილმა გადაიღო.
ვიდეო სოციალურ ქსელში ზუგდიდის მუნიციპალიტეტის საკრებულოს ფრაქცია „ევროპული საქართველოს“ თავმჯდომარე ბათლომე შელიამ გაავრცელა.
როგორც რადიო „ათინათთან“ ბაღის აღმზრდელი აღნიშნავს, ბავშვებს იატაკზე არ ეძინათ, ისინი მხოლოდ თამაშობდნენ:
„სადილის შემდეგ ამას ეწოდება მოსვენების პერიოდი, როდესაც ბავშვები იღლებიან, ჩამოსხდებიან და ხალიჩაზე თამაშობენ,“ - აცხადებს აღმზრდელი ხატია ნინუა.
