Baby Bag

სოფელ შინდისში 2 წლამდე ასაკის ბავშვმა თაგვის წამალი შეჭამა

სოფელ შინდისში 2 წლამდე ასაკის ბავშვმა თაგვის წამალი შეჭამა

გორის მუნიციპალიტეტის სოფელ შინდისში ერთი წლისა და 10 თვის ბავშვმა თაგვის წამალი შეჭამა. გოგონა დედათა და ბავშვთა ცენტრ „იავნანაში“, რეანიმაციულ განყოფილებაშია მოთავსებული. შემთხვევა გუშინ ღამე მოხდა. 

ექიმების განცხადებით, პაციენტის ჯანმრთელობის მდგომარეობა სტაბილურია და მის სიცოცხლეს საფრთხე არ ემუქრება. 

ოჯახის წევრების ინფორმაციით, თაგვის საწამლავი ბავშვებისთვის ხელმისაწვდომ ადგილზე არ იყო მოთავსებული, თუმცა გოგონამ სეირნობისას მაინც შენიშნა და რამდენიმე მარცვალი პირში ჩაიდო. მშობლის თქმით, დროულად შენიშნა მომხდარი და ბავშვს პირის ღრუ გაუსუფთავა.

შეიძლება დაინტერესდეთ

„ჩვენ უნდა გვქონდეს კონტაქტი ინფექციასთან, გამოვიმუშაოთ ანტისხეულები, რომ შემდგომში სხვა დაავადებებსაც ვებრძოლოთ,“- ბავშვთა რევმატოლოგი თინათინ კუტუბიძე

„ჩვენ უნდა გვქონდეს კონტაქტი ინფექციასთან, გამოვიმუშაოთ ანტისხეულები, რომ შემდგომში სხვა დაავადებებსაც ვებრძოლოთ,“- ბავშვთა რევმატოლოგი თინათინ კუტუბიძე

ბავშვთა რევმატოლოგმა თინათინ კუტუბიძემ პანდემიის დროს იზოლაციისა და ვირუსულ ინფექციებთან ნაკლები კონტაქტის ადამიანის იმუნურ სისტემაზე ზეგავლენის შესახებ ისაუბრა:

„მას შემდეგ რაც დაიწყო პანდემია და ჩვენ იზოლირებულები ვიყავით, ბავშვები იზოლირებულები იყვნენ, ვატარებდით ნიღბებს, შესაბამისად შემცირდა რესპირატორული ვირუსების წილი, მათ შორის ადენოვირუსების, რომლის ახალმა რენესანსმა სერიოზული შედეგები მოგვცა და კლინიკური გამოვლინებები ჰეპატიტის სახით. აქვე მინდა ავღნიშნო, რომ ბრიტანელმა მკვლევარებმა რამოდენიმე დღის წინ ინფორმაცია გამოაქვეყნეს, რომ ეს არის ძველი ინფექცია, უბრალოდ ჩვენ ვართ უკვე ახალი იმუნური სისტემით.

იმუნური სისტემა გადის მუდმივ სწავლებას. ორი წელიწადია არ გვქონია სერიოზული კონტაქტი ვირუსულ ინფექციებთან. ჩვენ უნდა გვქონდეს კონტაქტი ინფექციასთან, გამოვიმუშაოთ ანტისხეულები და ეს ჩვენი იმუნური სისტემის გამართულ მოქმედებაზე არის დამოკიდებული, იმიტომ რომ უნდა გვქონდეს უნარი, რომ შემდგომში სხვა დაავადებებსაც ვებრძოლოთ. ვინაიდან ბოლო 2 წელიწადი ბავშვებს პრაქტიკულად არ ჰქონიათ ვირუსულ ინფექციებთან კონტაქტი, შემაერთებლქსოვილოვანი დაავადებების მიმართვიანობის წილი მკვეთრად შემცირდა, თითქმის 40-42%-ით. ეს ხაზს უსვამს იმას, რომ ვირუსულ ინფექციას აქვს გამშვები მექანიზმის როლი სხვადასხვანაირი შემაერთებელქსოვილოვანი დაავადებების განვითარების კუთხით და ერთ-ერთი ყველაზე „საყვარელი“ ორგანო ვირუსული ინფექციებისთვის არის ძვალ-სახსროვანი სისტემა,“ - მოცემულ საკითხზე თიანთინ კუტუბიძემ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო: ​„პირადი ექიმი - მარი მალაზონია“

წაიკითხეთ სრულად