Baby Bag

ახალშობილის გაყიდვის საქმეზე დაკავებულ შვიდივე პირს გირაო შეეფარდა

ახალშობილის გაყიდვის საქმეზე დაკავებულ შვიდივე პირს გირაო შეეფარდა

ახალშობილის გაყიდვის ბრალდებით დაკავებულ შვიდივე პირს გირაო შეეფარდა, - ინფორმაციას საქართველოს პირველი არხი ​ავრცელებს.

როგორც პროკურატურაში განაცხადეს, დაკავებულებისთვის სასამართლოს მიერ აღკვეთის ღონისძიების სახით გირაოს შეფარდების საკითხი ბრალდების მხარემ სააპელაციო წესით გაასაჩივრა.

„დაკავებულ პირთა შესახებ ქვემო ქართლის რაიონულმა სასამართლომ უკვე იმსჯელა და მათ საპატიმრო გირაო შეუფარდა. რაც იმას ნიშნავს, რომ თანხის გადახდის შემდეგ დაკავებულები პატიმრობიდან გათავისუფლდებიან და სასამართლო განხილვებს გარეთ დაელოდებიან. გირაოს შეფარდებას არ ეთანხმება პროკურატურა. სასამართლო სხდომაზე, ბრალდების მხარე, პატიმრობას ითხოვდა. საგამოძიებო უწყებას, სასამართლოს გადაწყვეტილება სააპელაციო სასმართლოში აქვს გასაჩივრებული“,  - აცხადებენ პროკურატურაში.

საქართველოს ფინანსთა სამინისტროს საგამოძიებო სამსახურის თანამშრომლებმა არასრულწლოვნით ვაჭრობის - ტრეფიკინგის ფაქტზე, შვიდი პირი ​დააკავეს.

საგამოძიებო სამსახურის ინფორმაციით, დაკავებულთა შორის იყვნენ ბავშვის დედა და სამედიცინო დაწესებულების ორი ექიმი. დაკავებულთაგან ერთ-ერთი გასულ წლებში ამავე სახის დანაშაულზეა ნასამართლევი.

„გამოძიებით დადგენილია, რომ ბრალდებულებმა, პირადი მატერიალური გამორჩენის მიღების მიზნით, განიზრახეს გაეყიდათ არასრულწლოვანი, ხოლო მიღებული თანხა გაენაწილებინათ ერთმანეთში.

ბრალდებულებმა, აღნიშნული დანაშაულებრივი განზრახვით, მოიძიეს ბავშვის შეძენის მსურველი პირი, რომელსაც ბავშვის შეძენის სანაცვლოდ, მოსთხოვეს 13 000 აშშ დოლარი. დანაშაულებრივი ქმედების დაფარვის მიზნით, წინასწარი შეთანხმებით, ბავშვის დედა ფეხმძიმობის პერიოდში შესაბამისი სამედიცინო პროცედურების გავლის და საავადმყოფოში მშობიარობის დროს დარეგისტრირდა სხვა პირის გვარ-სახელით.

საგამოძიებო სამსახურმა მიმდინარე წლის 6 თებერვალს, განხორციელებული ახალშობილის გაყიდვის შემდეგ, დანაშაულებრივ სქემაში ჩართული შვიდივე პირი დააკავა, ხოლო, ახალშობილი დროებით მეთვალყურეობაში გადასცა სახელმწიფო ზრუნვისა და ტრეფიკინგის მსხვერპლთა დაზარალებულთა დახმარების სააგენტოს“, -  აღნიშნულია საგამოძიებო სამსახურის მიერ გავრცელებულ ინფორმაციაში.

უწყების ცნობით, გამოძიება მიმდინარეობს საქართველოს სისხლის სამართლის კოდექსის 143-ე მეორე პრიმა მუხლის მესამე ნაწილით, რაც სასჯელის სახით ითვალისწინებს თავისუფლების აღკვეთას 14-დან 17-წლამდე ვადით.

შეიძლება დაინტერესდეთ

„არავითარ შემთხვევაში არავითარი გაკოჭვა, არავითარი შეკვრა არ შეიძლება. სახსარი ბავშვობიდანვე უნდა იყოს თავისუფალი,“ - ორთოპედ-ტრავმატოლოგი გიორგი ჭუმბურიძე

„არავითარ შემთხვევაში არავითარი გაკოჭვა, არავითარი შეკვრა არ შეიძლება. სახსარი ბავშვობიდანვე უნდა იყოს თავისუფალი,“ - ორთოპედ-ტრავმატოლოგი გიორგი ჭუმბურიძე

ორთოპედ-ტრავმატოლოგმა გიორგი ჭუმბურიძემ ჩვილი ბავშვის საფენებში გაკოჭვის მეთოდზე ისაუბრა. მისი თქმით, ბავშვის სახსარი თავიდანვე თავისუფალი უნდა იყოს, გაკოჭვა კი მიუღებელია, რადგან ის მომავალში სერიოზული გართულებების გამომწვევი მიზეზი ხდება:

„იმ თაობაში, რომელიც აკვანში გაიზარდა, საფენებში რომ იყვნენ გაკოჭილები, უმოძრაობაში რომ იყვნენ, ამან ბევრი პრობლემა გამოიწვია და დღეს ვიმკით უარყოფით შედეგებს. არავითარ შემთხვევაში არავითარი გაკოჭვა, არავითარი შეკვრა არ შეიძლება. ​სახსარი ბავშვობიდანვე უნდა იყოს თავისუფალი. მთავარი პრობლემა არის უმოძრაობა. სახსარი უნდა იყოს მოძრავი აუცილებლად.“

გიორგი ჭუმბურიძემ აღნიშნა, რომ საბავშვო საფენები, რომელსაც აქტიურად იყენებენ თანამედროვე დედები, სახსრების განვითარებისთვის სასარგებლო პროდუქტია:

​თანამედროვე ცხოვრების სტილია პამპერსის ხმარება. ეს საფენებიც კარგია, იმიტომ, რომ მენჯ-ბარძაყის სახსარში გაშლილია ფეხები, თავისუფალია და მოძრაობს. ჩაკეტვის შემთხვევაში, დავიწყოთ თუნდაც სახსრის გარეგანი სტრუქტურებით, როდესაც იოგოვანი, მყესოვანი აპარატი ისე არ მოძრაობს, შეზღუდულია, დამოკლებულია. უმოძრაობა ამ ყველაფრის წინაპირობაა.“

„ყველაზე მთავარი პრობლემა რაც იქმნება, არის ე.წ. დისპლაზია. თავი არაკონგრუენტულად ვითარდება ფოსოსთან მიმართებაში. მენჯ-ბარძაყის სახსარში ფოსო არის მრგვალი, რომელშიც შიგნით ჯდება თავი. ​როდესაც უმოძრაობაა და არ ხდება შესაბამისი მოძრაობა, ვითარდება დისპლაზია. ფოსო რჩება უფრო ბრტყელი, თავი არაკონგრუენტულ დამოკიდებულებაშია მასთან. ის ცენტრში აღარ არის. ამან შემდგომში შესაძლოა ამოვარდნილობა გამოიწვიოს,“ - აღნიშნულ პრობლემაზე გიორგი ჭუმბურიძემ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო:​ „პირადი ექიმი - მარი მალაზონია“

წაიკითხეთ სრულად