ყოფილი მეუღლის მიმართ ფიზიკურ ძალადობაში ბრალდებული ჩოგბურთელი ნიკოლოზ ბასილაშვილი საზოგადოებისადმი მიმართვას ავრცელებს. როგორც განცხადებაში სპორტსმენი აღნიშნავს, არ აპირებს ყოფილ მეუღლესთან საჯარო დისკუსიაში შესვლას და იმის მტკიცებას, რაც ნამდვილად არ ყოფილა.
„ვწუხვარ და ბოდიშს ვუხდი საზოგადოებას, ჩემი ოჯახის ირგვლივ განვითარებული მოვლენების გამო. ვგრძნობ თქვენს ყოველწამიერ მხარდაჭერას და სიყვარულს, რისთვისაც უსაზღვროდ მადლიერი ვარ. რაც შეეხება, 22 მაისს განვითარებულ მოვლენებს, ვიმედოვნებ, ყველა დეტალი გაირკვევა, ახლა უკვე სასამართლოში და დადგება სამართლიანი განაჩენი, მანამდე კი, არ მსურს ვისაუბრო ჩემს პირად სივრცეზე. არ ვაპირებ საჯარო დისკუსიაში შევიდე ჩემს ყოფილ მეუღლესთან და ვამტკიცო ის, რაც ნამდვილად არ ყოფილა. ის ჩემი ერთადერთი ვაჟიშვილის, ლუკასის, დედაა და ასე დარჩება ცხოვრების ბოლომდე, ჩემი მიზანია ცხოვრების ამ რთულ ეტაპზე დავიცვა ჩემი სიმართლე ისე, რომ არ დაზიანდეს ლუკასის ინტერესები. სწორედ ჩემს შვილთან განსაკუთრებული დამოკიდებულება ვალდებულს მხდის, არ ვუპასუხო უსაფუძვლო ბრალდებებს, თუმცა მჯერა, რომ სიმართლეს სასამართლოში, ჩემი იურისტების დახმარებით აუცილებლად დავამტკიცებ“, - აღნიშნულია მიმართვაში.
შეგახსნებთ, რომ ჩოგბურთელ ნიკოლოზ ბასილაშვილს ბრალი ედება არასრულწლოვანი შვილის თანდასწრებით ყოფილ მეუღლეზე ძალადობაში. მას თბილისის საქალაქო სასამართლომ 100 ათასი ლარის ოდენობის გირაო შეუფარდა. ნიკოლოზ ბასილაშვილის ადვოკატის, ირმა ჭკადუა განცხადებით, ჩოგბურთელი დანაშაულს არ აღიარებს.
გადავარჩინოთ 3 წლის საბა - „საბას საზოგადოების ძალიან დიდი იმედი აქვს...“
3 წლის საბა რუხაძეს სასწრაფოდ სჭირდება გულის ურთულესი ოპერაცია. ამისთვის საჭიროა მისი საზღვარგარეთ მკურნალობა.
Moms.ge-ს საბას მამა დავით რუხაძე დაუკავშირდა და სწორედ მისგან შევუტყვეთ პატარა საბას ჯანმრთელობის მდგომარეობის შესახებ.
მისი ინფორმაცით, ბავშვს სასწრაფო ოპერაცია სჭირდება, რაც გარკვეულ თანხებთან არის დაკავშირებული, რისი საშუალებაც ოჯახს არ გააჩნია. დავით რუხაძე შვილის სიცოცხლის გადარჩენის მიზნით, საზოგადოებას დახმარების თხოვნით მიმართავს:
„საბას სხვადასხვა დროს დაუდგინდა ფილტვის ღეროს სარქველოვანი სტენოზი Q22.1, ფილტვის ვენების ნაწილობრივ ანომალური დრენაჟი Q26.3, წინაგულთაშუა ძგიდის დეფექტი Q21.1, სამკარიანი სარქველის ნაკლოვანება (უკმარისობა) Q22.8, თავის ტვინის მხრივ ჰიდროცეფალური სინდრომი G91.8, თავის ტვინის ცერებლური კისტები G93.1 და პერინატალური ენცეფალოპატია G93.8.
ქართველობის ძალა ქართველების ერთობაშია - საბას საზოგადოების ძალიან დიდი იმედი აქვს...
მოგმართავთ თხოვნით ვისაც გული შეგტკივათ პატარაზე! ერთად გადავარჩინოთ 3 წლის საბა რუხაძის სიცოცხლე!!!
