დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, თუ ეპიდსიტუაცია ისეთი სტაბილური იქნება, როგორც ახლაა, მაშინ კომენდანტის საათის მოხსნის საკითხსაც შემდეგ ეტაპზე განიხილავენ.
„დღეს შემსუბუქების კიდევ ერთი ეტაპი დაიწყო, უმაღლესში სწავლა აღდგა, საცურაო აუზები გაიხსნა, სპორტული ღონისძიებები. ყოველი შემსუბუქების შემდეგ 10 დღე, 2 კვირა უნდა დავაკვირდეთ სიტუაციას.
დარწმუნებული ვარ, კომენდანტის საათიც შემსუბუქდება, ოღონდ ეპიდსიტუაციის სტაბილიზაციის ფონზე. ყოველი შემსუბუქების შემდეგ ჩვენ ვაკვირდებით სიტუაციას და თუ იგი ასეთი სტაბილური იქნა, შემდგომ ეტაპზე ეს საკითხიც იქნება განხილული“, - განაცხადა ამირან გამყრელიძემ.
გააზიარეთ პოსტი
არ დაგავიწყდეთ !!!
Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)
„ფაქტია, რომ ამ ვირუსით ადამიანი შეიძლება რამდენჯერმე დაავადდეს“ - ხათუნა ზახაშვილი
„ფაქტია, რომ ამ ვირუსით ადამიანი შეიძლება რამდენჯერმე დაავადდეს“ - ამის შესახებ დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელმა ხათუნა ზახაშვილმა ბრიფინგზე განაცხადა.
მისივე თქმით, კორონავირუსით რეინფიცირების რაოდენობა მსოფლიოში მატულობს:
„რეინფექციად განისაზღვრება ისეთი შემთხვევები, როდესაც ადამიანის ინფიცირება ხდება ორჯერ, თანმიმდევრულად ისე, რომ ერთი შემთხვევა სრულად გამოჯანმრთელდა და შემდეგ მეორედ დანფიცირდა. ასეთი შემთხვევების რაოდენობა მთელს მსოფლიოში მატულობს.
დღეისათვის საქართველოში რეინფექციაზე საეჭვო 140-მდე შემთხვევა გვაქვს რეგისტრირებული, მათ შორის, 16 შემთხვევაში კვლევა დასრულდა და 3 პირს ვირუსით რეინფიცირება დაუდასტურდა.
როგორც ჩანს ამ ვირუსის მიმართ განწყობა, რომ ცოტა ან თითქმის არ ექნებოდა რეინფიცირების შემთხვევები, არ აღმოჩნდა ჭეშმარიტი. ბოლო კვლევების მიხედვით, მიჩნეულია, რომ სულ ცოტა უკვე გადატანილი შემთხვევების 0,68%-ის ხელმეორე ინფიცირება მოხდა და ასევე დღეისთვის ცნობილია, რომ რიგ ქვეყნებში, სადაც უფრო თანმიმდევრული და მიზანმიმართული კვლევები მიმდინარეობს, რეინფექციის შემთხვევების რიცხვი შეიძლება იყოს კიდევ უფრო მეტი. ფაქტია, რომ ამ ვირუსით ადამიანი შეიძლება რამდენჯერმე დაავადდეს და შესაბამისად, ყველას მოგიწოდებთ ყურადღებისკენ,“ - აღნიშნა ხათუნა ზახაშვილმა.
