დაავადებათა კონტროლის ეროვნული ცენტრის ხელმძღვანელის მოადგილის, პაატა იმნაძის განცხადებით, ინდური შტამის ორმაგი და სამმაგი მუტაცია მედიის მიერაა მოგონილი. ამის შესახებ მან დღევანდელ ბრიფინგზე განაცხადა
„ინდური შტამი - იქ არის ორმაგი, სამმაგი მუტაცია, ძირითადად, მედიის მიერაა მოგონილი. არ შეიძლება, ვიანგარიშოთ ასე, ორმაგად, სამმაგად. ეს არის ჩვეულებრივი მუტაციები. კი ბატონო, ინდურში უფრო მეტი მუტაციაა, ვიდრე ეს იყო ბრიტანულ შტამში...
როდესაც მთელ მსოფლიოში რაიმე გავრცელდება, საქართველო დედამიწის ნაწილია, ვერ იქნება იზოლირებული მთელი მსოფლიოსგან. საქართველო მთვარეზე არ არის, არის დედამიწაზე, შესაბამისად, ახლა პირდაპირი რისკ-ფაქტორები არ იქნება, მაგრამ როცა ინდური შტამი ყველგან გავრცელება, საქართველო არის დედამიწაზე და ვერ ჩაიკეტება“, - აღნიშნა პაატა იმნაძემ.
გააზიარეთ პოსტი
არ დაგავიწყდეთ !!!
Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)
პირს, რომელიც ორსულობის, მშობიარობისა და ბავშვის მოვლის გამო შვებულებაში იმყოფებოდა, თუმცა, კორონავირუსის გამო სამსახური დაკარგა, კომპენსაცია მიეცემა
პირს, რომელიც ორსულობის, მშობიარობისა და ბავშვის მოვლის, ასევე ახალშობილის შვილად აყვანის გამო შვებულებაში იმყოფებოდა, თუმცა, კორონავირუსით შექმნილი ვითარებიდან გამომდინარე სამსახური დაკარგა, კომპენსაცია მიეცემა. აღნიშულის შესახებ საქართველოს მთავრობის 314-ე დადგენილებაში წერია. დადგენილებას პრემიერ-მინისტრი გიორგი გახარია აწერს ხელს.
მთავრობის დადგენილების მიხედვით, პირებზე კომპენსაცია განისაზღვრება თვეში 200 (ორასი) ლარის ოდენობით, ამ პროგრამის ამოქმედებიდან 6 თვის განმავლობაში.
„დაქირავებულს (მათ შორის პირს, რომელიც ორსულობის, მშობიარობისა და ბავშვის მოვლის, ასევე ახალშობილის შვილად აყვანის გამო იმყოფება შვებულებაში), თუ ის დაქირავებით საქმიანობას ეწეოდა 2020 წლის პირველი სამი თვიდან რომელიმე ერთ თვეს მაინც (რაც დასტურდება დამქირავებლის მიერ სამსახურში საგანგებო მდგომარეობის პერიოდის დასრულებამდე წარდგენილი საქართველოს საგადასახადო კოდექსის 154-ე მუხლით გათვალისწინებული ინფორმაციით), იღებდა ხელფასს (გარდა, პირის ორსულობის, მშობიარობისა და ბავშვის მოვლის, ან ახალშობილის შვილად აყვანის გამო შვებულებაში ყოფნის შემთხვევისა) და 2020 წლის 1 ივნისამდე შეუწყდა/შეუჩერდა შრომითი ურთიერთობა დამქირავებელთან ან/და დამქირავებლისგან არ იღებს ხელფასს; კომპენსაცია დასაქმების სააგენტოს მიერ გაიცემა საბანკო დაწესებულების მეშვეობით, დანართში მითითებულ პირის საბანკო ანგარიშზე არაუგვიანეს შესაბამისი თვის (თვე, რომელშიც პირმა ვერ მიიღო ხელფასი) მომდევნო თვის 30 რიცხვისა. ამასთან, მაისის 21-დან 30 რიცხვის ჩათვლით წარდგენილი ინფორმაციების მიხედვით, კომპენსაცია გაიცემა არაუგვიანეს მომდევნო თვის 10 რიცხვისა,“ - წერია დადგენილებაში.
