Baby Bag

,,კოვიდის მიმართ იმუნიტეტი გრძელდება მინიმუმ 1 წელი. რეინფექციის მაჩვენებელი არის ძალიან დაბალი''

,,კოვიდის მიმართ იმუნიტეტი გრძელდება მინიმუმ 1 წელი. რეინფექციის მაჩვენებელი არის ძალიან დაბალი''
ინფექციონისტი მაია ბუწაშვილი კოვიდის გადატანის შემდეგ ბუნებრივ იმუნიტეტზე საუბრობს. ​MomsEdu.ge გთავაზობთ მის ნათქვამს სიტყვა-სიტყვით:

,,ხშირად სვამენ კითხვას, რამდენ ხანს გრძელდება ბუნებრივი იმუნიტეტი COVID-19 წინააღმდეგ. პანდემიის დასაწყისში ვვარაუდობდით, რომ სხვა კორონავირუსების მსგავსად, ეს იქნებოდა 2-3 წელი, თუმცა ამის მტკიცებულებას მხოლოდ დრო მოიტანდა. შემდგომში, სხვადასხვა კვლევებით მოწოდებული იყო 6 თვე, შემდეგ 8 თვე.

ახლახან ჟურნალ JAMA-ში დაიბეჭდა სტატია, რომელიც ასკვნის, რომ ბუნებრივი იმუნიტეტი კოვიდის მიმართ გრძელდება მინიმუმ 1 წელი. კვლევა ჩატარდა იტალიის ყველაზე დაზარალებულ რეგიონში, ლომბარდიაში. მასში ჩართეს ადამიანები, რომელთაც კოვიდ PCR ტესტი ჩაუტარდათ 2020 წლის თებერვალ-მარტში, ანუ 1 წელზე მეტი ხნის წინ.

რეინფექციად კვალიფიცირდებოდა ის შემთხვევები, როცა PCR დადებითი ხდებოდა კოვიდის გადატანიდან მინიმუმ 90 დღის შემდეგ (გავიხსენოთ, რომ კოვიდის გადატანის შემდეგ PCR შეიძლება გამოჯანმრთელებიდან 90 დღე რჩებოდეს დადებითი) და შემდეგ დაფიქსირებული იყო 2 უარყოფითი PCR ტესტის შედეგი. ამის შემდეგ თუ PCR ხელახლა ფიქსირდებოდა დადებითი, ეს პირი ითვლებოდა რეინფიცირებულად.

1579 კოვიდ გადატანილს შორის რეინფექცია დაფიქსირდა მხოლოდ 5 შემთხვევაში (0.3%). მათგან მხოლოდ ერთს დაჭირდა ჰოსპიტალიზაცია. პირველად ინფექციასა და რეინფექციას შორის შუალედი იყო საშუალოდ 230 დღე.

რაც შეეხება იმ ადამიანებს, ვისაც კოვიდი არ ქონდა გადატანილი, 3.8% ინფიცირდა კორონავირუსით.

ამ კვლევის მთავარი ნაკლი არის ის, რომ ჯერ ვერ ასახავს, რამდენად ეფექტურია ბუნებრივი იმუნიტეტი მუტაციური შტამების მიმართ.

რომ შევაჯამოთ, კოვიდის მიმართ იმუნიტეტი გრძელდება მინიმუმ 1 წელი. რეინფექციის მაჩვენებელი არის ძალიან დაბალი (0.3%). ამიტომ ბუნებრივ იმუნიტეტს სრულად ნუ დავაიგნორებთ, რაც აშკარად შეინიშნება და ამის მიზეზი ცოტა გაუგებარია. მაგალითად, კოვიდ პასპორტად განიხილება მხოლოდ ვაქცინირებულის სტატუსი და არა ბუნებრივი იმუნიტეტის ქონა, განსხვავებით სხვა ინფექციებისგან, მაგალითად, წითელას და წითურასგან, სადაც საჭიროების შემთხვევაში ხდება ან ვაქცინირებულის სტატუსის, ან ანტისხეულების ტესტის შედეგის წარდგენა. ცხადია, ამაზე იქნება საწინააღმდეგო არგუმენტი, რომ კოვიდის მიმართ ბუნებრივი იმუნიტეტი წითელასგან განსხვავებით არ არის მყარი და მუდმივი, მაგრამ ამ არგუმენტზე მარტივი პასუხი არის ის, რომ არც კოვიდის ვაქცინის მიმართ არის იმუნური პასუხი მუდმივი, განსხვავებით წითელას ვაქცინისგან და რევაქცინაცია აუცილებლად დაგვჭირდება.''

არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ჯანმრ​თელობა

შეიძლება დაინტერესდეთ

მოსალონდელია, რომ ორსულთა უმრავლესობა გადაიტანს ამ დაავადებას ისეთი მსუბუქი სიმპტომებით, როგორიც თან ახლავს გაციებას და გრიპს

მოსალონდელია, რომ ორსულთა უმრავლესობა გადაიტანს ამ დაავადებას ისეთი მსუბუქი სიმპტომებით, როგორიც თან ახლავს გაციებას და გრიპს

გინეკოლოგი ნინო ჩოგოვაძე კორონავირუსის პანდემიის დროს ორსულებს რეკომენდაციებს აძლევს. მის რჩევებს აკად. ფ. თოდუას სამედიცინო ცენტრი ოფიციალურ გვერდზე აქ​ვეყნებს.

„მოგახსენებთ, რომ მიმდინარე მონაცემებით, ორსულები არ ავლენენ COVID -19-ით გამოწვეული დაავადების მწვავე მიმდინარეობას ზოგად პოპულაციასთან შედარებით.

მოსალოდნელია, რომ ორსულთა უმრავლესობა გადაიტანს ამ დაავადებას ისეთი მსუბუქი სიმპტომებით, როგორიც თან ახლავს გაციებას და გრიპს. ამჟამად არ არსებობს რაიმე მტკიცებულება, რომ ვირუსი შესაძლოა, გადაეცეს ნაყოფს (ე.წ. ვერტიკალური გადაცემა) ან გამოიწვიოს ნაყოფის განვითარების ანომალიები. ასევე არ არის დადასტურებული, რომ საკეისრო კვეთა ან ნაადრევად ინდუცირებული მშობიარობა ამცირებს ახალშობილზე ვირუსის გადაცემის რისკს.

ამიტომ ეს ჩარევები უნდა განხორციელდეს მხოლოდ სათანადო ჩვენების შემთხვევაში. მეძუძური დედების საყურადღებოდ - არ არსებობს მტკიცებულება, რომ ვირუსი გადაეცემა დედის რძით.

მეან-გინეკოლოგთა სხადასხვა ასოციაციები ურჩევენ ორსულებს განახორციელონ შემდეგი პრევენციული ღონისძიებები:

🔹მკაცრად დაიცავით ჰიგიენის წესები;
🔹დაიბანეთ ხელები რეგულარულად საპნით და წყლით;
🔹ნუ შეეხებით თვალებს, ცხვირსა და პირს დაუბანელი ხელით;
🔹ხველისა და ცემინებისას აიფარეთ პირსა და ცხვირზე ერთჯერადი ცხვირსახოცი ან მოხრილი იდაყვი;
🔹დაიცავით სოციალური დისტანცია და მაქსიმალურად შეამცირეთ კონტაქტები გარეშე პირებთან;
🔹თუ აუცილებლობას არ წარმოადგენს ექიმთან ვიზიტი, ისარგებლეთ ონლაინ აუდიო ან ვიდეო კონსულტაციებით.
🔹მცირედი სიმპტომების გამოვლენის შემთხვევაშიც კი, მიაკითხეთ სპეციალიზებულ სამედიცინო დაწესებულებას, ხოლო თანმხლები პირების რაოდენობა შეამცირეთ ერთ პერსონამდე.
🔹გამოიყენეთ ეს შესაძლებლობა, რომ დაისვენოთ, ჯანსაღად იკვებოთ და იყოთ მშვიდ გარემოში. თქვენი ბავშვი იქნება საუკეთესოდ დაცული, თუ გაუფრთხილდებით თქვენს ფიზიკურ და სულიერ ჯანმრთელობას.“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

წაიკითხეთ სრულად