Baby Bag

„​საქართველოში შეზღუდვების მოხსნა ძალიან სწრაფად მოხდა. სამწუხაროდ, ჩვენ ვიჩქარეთ შემსუბუქება“ - ამირან გამყრელიძე

„​საქართველოში შეზღუდვების მოხსნა ძალიან სწრაფად მოხდა. სამწუხაროდ, ჩვენ ვიჩქარეთ შემსუბუქება“ - ამირან გამყრელიძე

საქართველოში შეზღუდვების მოხსნა ძალიან სწრაფად მოხდა. სამწუხაროდ, ჩვენ ვიჩქარეთ შემსუბუქება, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ მედიის წარმომადგენლებისთვის გამართულ ვებინარზე განაცხადა.

„მოგეხსენებათ, რომ სამედიცინო მხარე, ექიმები საბჭოზე ყოველთვის უფრო რადიკალურები ვართ, ვიდრე ეკონომიკური მხარე. ისიც გასაგებია, რომ ქვეყნის ეკონომიკისთვის საჭირო იყო გარკვეული თავისუფლება, რომ ეკონომიკას ამოესუნთქა, განსაკუთრებით მცირე და საშუალო ბიზნესს. ამიტომ ჯერდება იქ ყველა წინადადება და შემდეგ ვცდილობთ, ოქროს შუალედით იყოს გადაწყვეტილებები მიღებული. მაგრამ გეთანხმებით, რომ შეზღუდვების მოხსნა მთელი რიგი მიმართულებებით იყო დაჩქარებული“, - განაცხადა ამირან გამყრელიძემ.

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგ​უფი“)

შეიძლება დაინტერესდეთ

„ეს იქნება გამოსავალი, რომ არავითარ ვაქცინას ვადა არ გაუვიდეს“- საზოგადოებრივი ჯანდაცვის სპეციალისტი აკაკი ზოიძე

„ეს იქნება გამოსავალი, რომ არავითარ ვაქცინას ვადა არ გაუვიდეს“- საზოგადოებრივი ჯანდაცვის სპეციალისტი აკაკი ზოიძე

საზოგადოებრივი ჯანდაცვის სპეციალისტმა აკაკი ზოიძემ საქართველოში ვაქცინაციის ტემპის შენელების და ვაქცინების ვარგისიანობის ვადის ამოწურვის საფრთხეებზე ისაუბრა:

„გათვლილი იყო, რომ​ წლის ბოლომდე უნდა აგვეცრა მილიონ შვიდასი ათასი ადამიანი. აცრის სამიზნე მოსახლეობამ მოიმატა დელტა შტამის პირობებში, დაახლოებით ორ მილიონზე ზემოთ. აქ საუბარია ასევე აცრის დროს ბავშვების ასაკის დაწევაზე. შესაძლოა, სწორედ ბავშვების ასაკის დაწევა, რაც რიგმა ქვეყნებმა განახორციელეს, ჩვენთანაც განვახორციელოთ სწავლის დაწყებასთან მიმართებაში. ეს იქნება გამოსავალი, რომ არავითარ ვაქცინას ვადა არ გაუვიდეს.“

აკაკი ზოიძის თქმით, თუ ერთ თვეში 800 000 ადამიანი არ აიცრება, შესაძლოა, ვაქცინების ნაწილს ვადა გაუვიდეს:

„ვადა რომ აწერია ვაქცინას, ეს ნიშნავს, რომ ​მინიმუმ ექვსი თვე აქვს კიდევ ვადა, მაგრამ უსაფრთხოების გამო ნებისმიერ მედიკამენტს ექვსი თვით ადრე აწერია ვადის გასვლის შესახებ. თუ ერთი თვის განმავლობაში სრულად არ აიცრება კიდევ 800 000 ადამიანი,შეიძლება, ვაქცინების ნაწილს ვადა გაუვიდეს.“

„თუ ბუსტერ დოზებზე გადაწყვეტილებას მიიღებენ, ის რეკომენდებული იქნება 60 წელს გადაცილებული ადამიანებისთვის, რომლებსაც, შესაძლოა, ჰქონდეთ დაქვეითებული იმუნიტეტი. ​ფაიზერის შემთხვევაში არ არის უნივერსალური რეკომენდაცია ბუსტერ დოზებთან დაკავშირებით. პრობლემა ის კი არ არის, რომ ვაქცინებს გაუვა ვადა, პრობლემა ისაა, რომ ადამიანები დარჩებიან დაცვის გარეშე,“- აღნიშნულ საკითხებზე აკაკი ზოიძემ ტელეკომპანია „იმედის“ გადაცემაში „იმედის დილა“ ისაუბრა.

წყარო: ​„იმედის დილა“

წაიკითხეთ სრულად