,,არასასიხარულო ამბავი ჩინური ვაქცინების კვლევის შესახებ''

ჯანმრთელობა

ჯანდაცვის მსოფლიო ორგანიზაციის განცხადებით, კორონავირუსი ბავშვებისთვის სახიფათოა

4 წლის წინ

ჯანდაცვის მსოფლიო ორგანიზაციაში კიდევ ერთხელ ხაზგასმით გაიმეორეს, რომ კორონავირუსი საფრთხეს ბავშვებსაც უქმნის. პატარები Covid-19-ით ისევე ინფიცირდებიან, როგორც ზრდასრულები, ამასთან ვირუსი მათი სიცოცხლისა და ჯანმრთელობისთვის სახიფათოა.

კოპენჰაგენში გამართულ ონლაინ ბრიფინგზე ჯანდაცვის მსოფლიო ორგანიზაციის ევროპის რეგიონალური ოფისის დირექტორმა ჟურნალისტებს განუცხადა, რომ მტკიცება, თითქოს კორონავირუსით დაინფიცირება მხოლოდ ასაკოვანი ადამიანების სიცოცხლეს უქმნის საფრთხეს, უდიდესი შეცდომაა. დაავადების მძიმე მიმდინარეობის უმთავრესი ინდიკატორი ასაკი არ არის.

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

კორონავირუსის რთული ფორმა ძალიან ბევრ თინეიჯერს და ახალგაზრდა ადამიანს ჰქონდა. თითოეული მათგანი ინტენსიურ მკურნალობას საჭიროებდა. რიგ შემთხვევებში კი ვირუსის რთულმა ფორმამ ახალგაზრდებსა და მოზარდებში ლეტალური შედეგებიც გამოიწვია.

ევროპაში ყველაზე ახალგაზრდა მსხვერპლი 12 წლის გოგონა იყო, რომელიც Covid-19-მა ბელგიაში იმსხვერპლა, ხოლო ამერიკის შეერთებულ შტატებში ვირუსით 6 კვირის ჩვილი გარდაიცვალა. ჯანდაცვის მსოფლიო ორგანიზაციის ცნობით 50 წლამდე გარდაცვლილ ადამიანთა 10-15 %-ს საშუალო ან მძიმე მიმდინარეობის ვირუსი ჰქონდა.

ჯანდაცვის მსოფლიო ორგანიზაციის ცნობით, ასაკოვანი ადამიანები, რომლებსაც კარგი ჯანმრთელობა აქვთ, კორონავირუსს წარმატებით უმკლავდებიან. მსოფლიო მასშტაბით კლინიკებს არაერთმა 100 წელს გადაცილებულმა ინფიცირებულმა მიმართა, თუმცა მათი ნაწილი დღეს სრულიად გამოჯანმრთელებულია.

ჯანდაცვის მსოფლიო ორგანიზაციის ევროპის რეგიონული ოფისის დირექტორის თქმით, რეგიონში კორონავირუსის სულ 464, 859 შემთხვევა დაფიქსირდა, მათ შორის 30,098 ფატალურად დასრულდა.

ლეტალური შემთხვევების 80 %-ში ადამიანებს რაიმე სახის თანმდევი დაავადება ჰქონდათ, მათ შორის, ყველაზე ხშირი დიაბეტი და გულ-სისხლძარღვთა დაავადებები იყო.

ჰიგიენის წესების დაცვა ნებისმიერი ასაკის ადამიანისთვის ძალიან მნიშვნელოვანია. თუ ახალგაზრდა ხართ, სიფრთხილის გამოჩენა მხოლოდ სხვების დასაცავად ან მათდამი ემპათიის გამოსავლენად არ გჭირდებათ, თქვენ საკუთარ სიცოცხლეზეც ზრუნავთ, რადგან ვირუსის მწვავე მიმდინარეობისა და სიცოცხლისთვის საშიში გართულებებისგან დაცული არავინაა.​

მომზადებულია ​rte.ie-ის მიხედვით

თარგმნა ია ნაროუშვილმა

წაიკითხეთ სრულად