Baby Bag

„სავალდებულო ვაქცინაციის შესახებ გადაწყვეტილების მიღებას პოლიტიკური პროცესი აყოვნებს,“ - ბიძინა კულუმბეგოვი

„სავალდებულო ვაქცინაციის შესახებ გადაწყვეტილების მიღებას პოლიტიკური პროცესი აყოვნებს,“ - ბიძინა კულუმბეგოვი

ალერგოლოგ-იმუნოლოგმა ბიძინა კულუმბეგოვმა საქართველოში ვაქცინაციის დაბალ ტემპზე ისაუბრა და ის სეგმენტები დაასახელა, რომლებიც ყველაზე მეტად იკავებენ თავს ვაქცინის გაკეთებისგან:

„მინდა გითხრათ ევროკავშირის მაგალითი, სადაც გააანალიზდა, სად არის ვაქცინებისადმი ყოყმანი, რომელ სეგმენტებშია. ადამიანებს, რომლებსაც აქვთ დაბალი განათლების დონე, მათში ყველაზე მეტია ვაქცინებისადმი უნდობლობა. ​ვაქცინებისადმი უნდობლობა მაღალია ასევე დაუსაქმებელ, უმუშევარი ადამიანების სეგმენტში. ჩვენ ვიცით, რა გავლენების გამო ხდება ეს ძირითადად. არ უნდა გამოვრიცხოთ რელიგიური კომპონენტის ნაწილიც. ჩვენი მართლმადიდებლური ეკლესია ამბობს, რომ არ ვერევით ამ საკითხში, მიუხედავად ამისა, ბევრი ეკლესიის წარმომადგენელი ადამიანებს ეუბნება, რომ არ გაიკეთოთ ეს ვაქცინები.“

ბიძინა კულუმბეგოვის თქმით, მხოლოდ ჯანდაცვის სამინისტრო ვერ გააკეთებს ვაქცინაციის წარმატებულ კამპანიას:

„სახელმწიფოს დააკლდა ის, რომ არ იყო პროაქტიული მოქმედება. არ შეიძლება, რომ მხოლოდ ჯანდაცვის სამინისტრომ ან დაავადებათა კონტროლის ცენტრმა გააკეთოს წარმატებული კამპანია. აქ ყველა ისე უნდა იყოს ჩართული, როგორც დღეს არიან არჩევნების პროცესში ჩართულები. ​დემოკრატიის შუქურად წოდებული ქვეყნები გარკვეულ სეგმენტებში განიხილავენ სავალდებულო ვაქცინაციას. მე ვფიქრობ, რომ ეს საკითხები კარგად გააზრებულია.“

„ამერიკის შეერთებულმა შტატებმა გადაწყვიტა ფედერალურ სამსახურებში დასაქმებული 80 მილიონამდე ადამიანის სავალდებულო ვაქცინაცია, ჯარის ვაქცინაცია. ბევრმა ქვეყანამ სამედიცინო პერსონალში შემოიღო სავალდებულო ვაქცინაცია. ​ჩვენმა ქვეყანამაც უნდა მიიღოს გადაწყვეტილება ამ სეგმენტების სავალდებულო ვაქცინაციის. სავალდებულო ვაქცინაციის შესახებ გადაწყვეტილების მიღებას პოლიტიკური პროცესი აყოვნებს და ალბათ, არჩევნების შემდეგ ეს გადაწყვეტილებები უფრო თამამად იქნება მიღებული,“ - აღნიშნულ საკითხებზე ბიძინა კულუმბეგოვმა საქართველოს პირველი არხის გადაცემაში „დღის თემა“ ისაუბრა.

წყარო: ​„დღის თემა“

არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ჯანმრთელობა

სავალდებულო ვაქცინაციის თემაზე ჯანდაცვის მინისტრი საუბრობს
სავალდებულო ვაქცინაციის თემაზე ჯანდაცვის მინისტრმა ისაუბრა. მისი თქმით, ჯერ აღნიშნულის შესახებ გადაწყვეტილება არ არის მიღებული, თუმცა უახლოეს მომავალში ვაქცინაციის საბჭო ამ საკითხზე იმსჯელებს:,,მ...

შეიძლება დაინტერესდეთ

ამერიკელმა ქალმა ორსულობის შესახებ სამშობიარო ტკივილების დაწყების დროს შეიტყო

ამერიკელმა ქალმა ორსულობის შესახებ სამშობიარო ტკივილების დაწყების დროს შეიტყო

ამერიკელმა ელისონ ოფერმა ორსულობის შესახებ მხოლოდ სამშობიარო ტკივილების დაწყების დროს შეიტყო. აღნიშნულის შესახებ foxnews-ი წერს.

„სასწრაფო დახმარება მას შემდეგ გამოვიძახე, რაც ტკივილებმა შემაწუხა. თავიდან ექიმებს თირკმლის შეტევა ეგონათ. თუმცა თირკმელში კენჭების ნაცვლად, საშვილოსნოში ბავში აღმოაჩინეს,“ - აღნიშნავს ელისონი. 

22 წლის ელისონს ბიჭი შეეძინა. მან შვილს ოლივერი დაარქვა. 

როგორც თავად ამბობს, მან ორსულობის შესახებ არაფერი იცოდა, რადგან არარეგულარული მენსტრუალური ციკლი მანამდეც ჰქონდა, წონაში მატება კი ცხოვრების მჯდომარე წესისა და არასწორი კვების ბრალი ეგონა.

წაიკითხეთ სრულად