Baby Bag

რა ძირითადი გამოკვლევები უნდა ჩავიტაროთ კორონავირუსის დროს?

რა ძირითადი გამოკვლევები უნდა ჩავიტაროთ კორონავირუსის დროს?
სიახლეები

ჯანმრთელობის პრობლემას, როგორი უმნიშვნელოც არ უნდა იყოს, ჩვენს ცხოვრებაზე დიდი გავლენის მოხდენა შეუძლია. იგი ზოგჯერ ყოველდღიურ რიტმსაც კი ცვლის. კორონავირუსის პანდემიამ კიდევ ერთხელ დაგვარწმუნა, რომ ცხოვრება ჯანმრთელობის გარეშე არაფერია და უკვე აუცილებელია წელიწადში ერთხელ მაინც პროფილაქტიკური კვლევების ჩატარება. კვლევებისთვის კი საჭიროა სამედიცინო ლაბორატორია, რომელიც იქნება: სანდო, გამოცდილი და რაც მთავარია, ყველასთვის ხელმისაწვდომი.

სწორედ ასეთია „სინევო“ - ევროპული სამედიცინო ლაბორატორია შენს სახლთან ახლოს (თბილისსა და რეგიონებში)

„სინევო“ - საქართველოში დიაგნოსტიკური მომსახურების ფართო სპექტრის მომწოდებელია, რომელიც გთავაზობთ 1,000-ზე მეტ რუტინულ და სპეციფიურ (იხილეთ ბმული →) დიაგნოსტიკურ ტესტს პათოლოგიის ყველა ძირითად სფეროში. 2021 წლის სექტემბრისთვის, „სინევო საქართველოს“ ქსელი მოიცავს 2 კლინიკურ ლაბორატორიასა და სისხლის ასაღებ 34 პუნქტს, რომელიც 300,000-ზე მეტ ტესტს ასრულებს.

​„სინევო საქართველო“ წამყვანი საერთაშორისო ჯანდაცვისა და დიაგნოსტიკური მომსახურების პროვაიდერის, „Medicover“-ის ნაწილია. მისი უმსხვილესი წარმომადგენლობებია: პოლონეთში, გერმანიაში, რუმინეთში, უკრაინასა და ინდოეთში. „Medicover“ უზრუნველყოფს ჯანდაცვის მომსახურების ფართო სპექტრს, ამბულატორიული კლინიკების, საავადმყოფოების, სპეციალიზირებული დაწესებულების, ლაბორატორიებისა და სისხლის ასაღები პუნქტების საშუალებით, ორი მიმართულებით - ჯანდაცვისა და დიაგნოსტიკური მომსახურება.

„კოვიდ-19“ დიაგნოსტიკური ტესტები

გარდა პროფილური კვლევებისა, „სინევოში“ შეგიძლიათ ჩაიტაროთ „კოვიდ-19“ ინფექციის დიაგნოსტიკური ტესტები - PCR ტესტი, ანტისხეულების განსაზღვრა, ანტიგენის ტესტი.

(იხილეთ ბმული →) Sars-Cov-2 პჯრ (PCR) ტესტი წარმოადგენს ჯაჭვურ პოლიმერაზულ რეაქციას, რომელიც განსაზღვრავს ახალი კორონავირუსის გენეტიკური მასალის, ე.წ. რნმ-ის არსებობას ცხვირ-ხახის ნაცხის ნიმუშში.

გამოიყენება ვირუსის ორგანიზმში არსებობის ეჭვის შემთხვევაში, ადრეულ ეტაპზე (სიმპტომების გამოვლენის პირველივე დღიდან) და ინფექციის მწვავე ფაზის დროს. გააჩნია რიგი უპირატესობები:
​
  • წარმოადგენს კორონავირუსით გამოწვეული ინფექციის დაიგნოსტიკის „ოქროს სტანდარტს“;
  • ტესტი გამოირჩევა მაღალი სიზუსტით - 99%’;
  • ტესტი სრულდება სრულად ავტომატიზირებულ „Thermo fisher”-ის (აშშ) სისტემითა და რეაგენტებით.

​ასევე: სახელმწიფო ეპიდ-რეგულაციებიდან გამომდინარე PCR ტესტის ჩატარება საჭიროა საქართველოში შემოსვლიდან არაუგვიანეს 72 საათისა და გასვლისას, საზღვარზე წარსადგენად, არაუადრეს 48-72 საათისა. გაიცემა ორენოვანი პასუხი (ქართული და ინგლისური). მონაცემები ავტომატურად იტვირთება ჯანდაცვის სამინისტროს ოფიციალურ პორტალზე „სინევოს“ მიერ.

„COVID-19“ ინფექციის გამომწვევი (იხილეთ ბმული →) ვირუსის SARS-Cov-2 საწინააღმდეგო სამივე ტიპის - IgG; IgM და IgA ანტისხეულებზე (საერთო მაჩვენებლი).

ტესტით დგინდება ე.წ IgG; IgM და IgA ანტისხეულების საერთო არსებობა სისხლში, რომელიც გამომუშავდება, როგორც იმუნური პასუხი ვირუსით დაინფიცირების შემთხვევაში და გამოვლინდება დაავდების აქტიურ ფაზაში და/ან მის შემდგომ, რაც მიუთითებს ვირუსის მიმართ იმუნიტეტის არსებობაზე.
​
ტესტის ჩატარების შემთხვევაში, ჩვენ ვგებულობთ ვიყავით ან/და ვართ, თუ არა ინფიცირებული „COVID-19“-ის გამომწვევი ვირუსით. ტესტის უპირატესობა:
​
  • მაღალი სპეციფიკურობა და მგრძნობელობა - 99%.
  • მეთოდი: ანალიზი კეთდება ანალიზატორზე Cobas e 411, მეთოდი ელექტროქემილუმინესცენცია(ECLIA), სრულად ავტომატური დახურული სისტემა.

მწარმოებელი: Roche (გერმანია).

შეუკვეთე ონლაინ ↓

„Covid-19“ tests Group profiles+Home visit / „კოვიდ-19“ ტესტების ჯგუფური პროფილები+ბინაზე მომსახურება

(იხილეთ ბმული→) Sars-Cov-2 ანტიგენის ტესტი წარმოადგენს სწრაფ ქრომატოგრაფიულ იმუნოანალიზს, რომელიც თვისობრივად განსაზღვრავს ახალი კორონავირუსის ანტიგენის არსებობას ცხვირ-ხახის ნაცხის ნიმუშში.

გამოიყენება ვირუსის ორგანიზმში არსებობის ეჭვის შემთხვევაში, ადრეულ ეტაპზე (სიმპტომების გამოვლენის პირველივე დღიდან) და ინფექციის მწვავე პერიოდში ანტიგენის გამოვლენის მიზნით. წარმოადგენს პჯრ ტესტის ანალოგს. გააჩნია რიგი უპირატესობები:
​
  • ტესტი გამოირჩევა მაღალი სიზუსტით - 97,5%;
  • არ საჭიროებს დამატებით აღჭურვილობას ვირუსის გამოსავლენად.;
  • ერთი ტესტის შესრულებისა და პასუხის მიღების დრო - 15-30 წუთი;
  • გამოყენების სიმარტივე - შესაძლებელია ტესტის სახლის პირობებში შესრულება;
  • ანალიზის შედეგების სწრაფად მიღება დაავადების ადრეულ ეტაპზე (პირველი სიმპტომების გამოვლენისთანავე);
  • იზოლაციის შესახებ გადაწყვეტილების სწრაფად მიღების შესაძლებლობა.
    ​
მოცემული ტესტი წარმოებულია ბრიტანული კომპანია „პრესტიჟ დიაგნოსტიკის“ მიერ, რომელიც წარმოადგენს სადიაგნოსტიკო რეაგენტების წამყვან წარმოებას. რეაგენტებს აქვთ საერთაშორისო სტანდარტების შესაბამისი უმაღლესი ხარისი. კომპანიას აქვს ISO 13485: 2016 სტანდარტის შესაბამისი აკრედიტაცია.
​
ცნობილია, რომ „COVID-19“ ინფექციის ერთ-ერთი ყველაზე ხშირი გართულებაა სისხლის შედედების სისტემის დაზიანება და თრომბოემბოლია, რაც სიცოცხლისთვის შეიძლება საშიში იყოს. ამიტომ ექიმები გვირჩევენ შევამოწმოთ საჭირო პარამეტრები შესაძლო გართულებების თავიდან ასაცილებლად.
​
„სინევოს“ ლაბორატორიულ ქსელში შესაძლებელია ერთი ტესტით - პროფილური კვლევა „კოვიდ-19 ინფექციის გართულებების მონიტორინგი“ - ჩაიტაროთ ოთხი ძირითადი ანალიზი, რომელიც გვაძლევს ინფორმაციას ინფექციის მიმდინარეობის, სისხლის უჯრედული რეაქციისა და შედედების სისტემის მდგომარეობის შესახებ.
​
პროფილური კვლევა „კოვიდ-19 ინფექციის გართულებების მონიტორინგში“ შედის შემდეგი პარამეტრები:
​
  • სისხლის საერთო ანალიზი + (სისხლის 20 პარამეტრი და ედსი);
  • სრული კოაგულოგრამა - (5 პარამეტრი : Pt (sec) /პროთრ. დრო წმ;
  • Pt (%)/ პროთრ. დრო %; INR /საერთ. ნორმ. შეფარდება; ფიბრინოგენი; APTT /აქტივ. პარც. თრომბ. დრო)
  • D-დიმერი;
  • C რეაქტიული ცილა.

​და ის, რაც არ უნდა გამოგვრჩეს: პროფილის ონლაინ შეკვეთის შემთხვევაში ჯამური ფასია 105 ლარი, ნაცვლად 123 ლარისა.

ასევე, საშუალება გაქვთ აიღოთ ე.წ. „კოვიდ პასპორტი“ - PCR ტესტის ორენოვანი რეზულტატი, რომელიც (იხილეთ ბმული →) საზღვრის კვეთის შემთხვევაში აუცილებელია.

„სახელმწიფო ეპიდ-რეგულაციებიდან გამომდინარე, PCR ტესტის ჩატარება საჭიროა საქართველოში შემოსვლიდან არაუგვიანეს 72 საათისა და გასვლისას, საზღვარზე წარსადგენად, არაუადრეს 48-72 საათისა. გაიცემა ორენოვანი პასუხი (ქართული და ინგლისური). მონაცემები ავტომატურად იტვირთება ჯანდაცვის სამინისტროს ოფიციალურ პორტალზე „სინევოს“ მიერ“.

იხილეთ შეთავაზება ↓

ასევე, ლაბორატორიამ ვაქცინირებული მოქალაქეებისთვის სპეციალური შეთევაზება გააკეთა. მათ შეეძლებათ ისარგებლონ - 50% ფასდაკლებით პროფილაქტიკური კვლევების (General check up) და ანტისხეულების ერთობლივ პანელზე.

R.

#კორონავირუსი

შეიძლება დაინტერესდეთ

ჯანმრთელობა

ნიღაბი, მუცელზე წოლა, ბუშტების გაბერვა... - ეტაპები, რომელიც კოვიდის მძიმეფორმიანმა პაციენტმა გაიარა

ნიღაბი, მუცელზე წოლა, ბუშტების გაბერვა... - ეტაპები, რომელიც კოვიდის მძიმეფორმიანმა პაციენტმა გაიარა

პოლიტიკოსმა გივი თარ­გა­მა­ძემ, რო­მელ­მაც კო­რო­ნა­ვირუ­სი მძი­მედ გა­და­ი­ტა­ნა, სა­ზო­გა­დო­ე­ბას გა­მოც­დი­ლე­ბას უზი­ა­რებს. გთავაზობთ მის ფეისბუქ პოსტს უცვლელად:

,,ჩემი გამოცდილება პნევმონიით დამძიმებული, 75%-თ დაზიანებული ფილტვით კოვიდიდან ცოცხლად გამოსვლის, დარჩენილი 25%-თ ამოქაჩვის შესახებ. მოპოვებულია ალადაშვილის სახელობის კლინიკის კოვიდცენტრში ექიმ ლევან ბესელიას ხელმძღვანელობით მისი გუნდის მიერ განხორციელებული მყისიერი აგრესიული გადარჩენის ოპერაციის მსვლელობისას: 

1. სიპაპი, ანუ, კოშმარი გადარჩენისთვის. ეს არის ფაქტობრივი ეგზეკუცია, რომელიც გშველის ყველაზე ეფექტურად. ცხვირპირზე გადებენ ჟანგბადის ნიღაბს. მაგრამ, აქ მთავარია, ნიღაბი გედოს სრულად ჰერმეტულად, ჟანგბადი ცხვირამდე გზაზე არსაიდან იპარებოდეს და სრულად ხვდებოდეს ტრაქეაში. ამიტომ, კოსმონავტებს სკაფანდრის ჩაცმისას ფეხს რომ ახმარენ მოქაჩვისას, აი მასე გიფიქსირებენ ნიღაბს უკიდურესად მოქაჩული ელასტიური ბინტით, ცხვირი კეხზე ორად გეყოფა და იწყებს ტკივილის გენერირებას. ამ დროს უშვებენ ჟანგბადს ძალზედ მაღალ წნევაზე. მთავარია, უცბათ მოახდინო სუნთქვის ჰარმონიზაცია, ჩამოეკიდო ჟანგბადის მოწოდების ტემპს და ოდნავ მაინც შეიმცირო სრული კოშმარის შეგრძნება. სიპაპი, როგორც წესი, 5-6 საათის განმავლობაში მიმდინარეობს. ბოლო ორი საათი უბრალოდ ცოდვის ტირილია. გგონია, რომ ცხვირმა წაიღო მთელი სახე, სახემ - თავი და ეს ყველაფერი ერთად გტკივა ერთ გრძელ ვერცხლისფერ, დაჭიმულ, თვალში გარჭობილ სხივად. გტკივა თავზარდაცემით - ასეც შეიძლება თქმა. სიპაპიდან გამოსვლა ახალი წელია. აი ამ კოშმარის ყველა ჯერის შემდეგ ხვდები, რომ შენი ფილტვები მოძლიერდა და ამას სატურაციის დონეც გიდასტურებს. ამიტომაც, მორჩილად მიდიხარ შემდეგ დაკოშმარების ჯერზე. 

2. მუცელზე წოლა. აუცილებელი პროცედურა, რომელიც, მთლად სიპაპი არაა, მაგრამ არცთუ მარტივი სატანჯველია. განსაკუთრებით, რასაკვირველია, სქელი ხალხისთვის. ისიც გრძელდება 5-6 საათი. მნიშვნელოვანია საწყის ბრუნზე კიდურების და კიდევ უფრო, სახის ისეთნაირად შეჩურთვა საპირისპირო ზედაპირში - ბალიში, ლოგინი ზოგადად - რომ გაგიქაჩოს გაუნძრევლად რაც შეიძლება დიდხანს. ხშირი თავის წამოწევა, ან, ზოგადად, აქტიურობა იმის გასაგებად, რამდენი დრო დაგჩათ პროცედურის დასრულებამდე, ამოგაგდებთ პირველი პოზიციიდან და მთელს მიმდინარეობას აუტანელს გახდის. ამიტომ, სჯობს, მორჩილად დაელოდოთ ექთნის ინფორმაციას, რომ დროა ზურგზე გადმობრუნების. აქაც განსაკუთრებით აუტანელია ბოლო ორი საათი. ჯერ წელი, შემდეგ ზურგი ზოგადად და განსაკუთრებით კისერი ზეტკივილებზე გადის. ზურგზე გადმობრუნება დიდი შვებაა მხოლოდ მანამ, სანამ გააცნობიერებ, რომ აი მოვიდა ისევ სიპაპი.... 

3. როდესაც სიპაპი თავისას იზამს, იწყება შენი ჯერი თვითგადარჩენის პროცესში გადამწყვეტი ინიციატივის აღებისა - ბუშტების ბერვა. ყველა შენს მიერ გაბერილი ბუშტი შენს ჯანში მიდის ამ სიტყვის სრული მნიშვნელობით. ამდენად, სენტენცია спасение утопающих дело рук самих утопающих აქ სრულადაა გამართლებული. ეს უნდა გააცნობიერო და დაიწყო აკრეფვა. მიზანი დაისახო და მიაღწიო რამოდენიმე დღეში. მეცხრე დღეა დღეში 200 ბუშტს ვბერავ. ანუ, ხვალ უკვე მთელი დირიჟაბლი, ორი ათასი ბუშტი მექნება გაბერილი, რის გამომაჯანმრთელებელ ეფექტს მუდმივად ვგრძნომ საკუთარი ორგანიზმით. 

მოკლედ, პნევმონიით გართულებული კოვიდი ნამდვილი ურჩხულია. მასთან ბრძოლა არის მკაცრად სიცოცხლის გადარჩენისთვის ბრძოლა. ურჩხული ოდნავ მოდუნებასაც არ გაპატიებს, გადაგყლაპავს. ბრძოლის მთელს მიმდინარეობისას შენს თვალსაწიერში არის ცხედარი. დიაღ. 14 დღეში - 11. კარგი შედეგია, მინიმალური. კარგი, რადგან 5 - კიბო. დანარჩენები - თანხმლები დაავადებები. ქრონიკა. შანსი - 0. არადა გყავს თითქმის უშანსოები, რომლებიც გადარჩნენ. ხოდა, კარგი შედეგია. არ ტეხავს თქმა. მოსულა. და ისინი შენ მაინც გეხმარებიან. გაჩვენებენ, თუ ერთ წამს მოადუნე ბრძოლა, რა სისწრაფით სად აღმოჩნდები. თუ CO-თი მოწამვლა ერთგვარად თეთრ-ცისფერი ცივი ჯოჯოხეთია, კოვიდი - ცეცხლოვანია, ალისფერი, ღაჟღაჟა, ძალზე მკვეთრი, ღია სურათია სიცოცხლისთვის ბრძოლისა და ამიტომ, უნდა იბრძოლო მუდმივად, ყველა შესაძლებლობა გამოიყენო და დამხმარეებთან ერთად თავად გამოიბრძოლო შენი სიცოცხლის გადარჩენა. ჩემთვის ამის მტკიცება აღარ გინდათ. მე ვიცი, რომ ასეა. მე ვიცი,'' - აღნიშნავს გივი თარგამაძე. 

წაიკითხეთ სრულად
გასათიშად დააჭირეთ ESC.