Baby Bag

სკოლის აუცრელი თანამშრომლები ყოველ 7 დღეში ერთხელ, ხოლო სრულად ვაქცინირებული თანამშრომლები ორ კვირაში ერთხელ გაიტესტებიან

სკოლის აუცრელი თანამშრომლები ყოველ 7 დღეში ერთხელ, ხოლო სრულად ვაქცინირებული თანამშრომლები ორ კვირაში ერთხელ გაიტესტებიან

სკოლის აუცრელი თანამშრომლები ყოველ 7 დღეში ერთხელ, ხოლო სრულად ვაქცინირებული თანამშრომლები ორ კვირაში ერთხელ გაიტესტებიან - აღნიშნულის შესახებ პრემიერ-მინისტრ ირაკლი ღარიბაშვილის ხელმოწერილ ბრძანებაშია აღნიშნული.

ცვლილება „კორონავირუსით (SARS-CoV-2) გამოწვეულ ინფექციაზე (COVID-19) სავალდებულო ტესტირებას დაქვემდებარებულ პრიორიტეტულ პირთა ნუსხისა და ჩატარების წესის დამტკიცების შესახებ“ საქართველოს მთავრობის 2020 წლის 15 ივნისის​ №975 განკარგულებაში შევიდა: 

„ზოგადსაგანმანათლებლო დაწესებულებებში მომუშავე: 

ა) სრულად (Covid-19-ის საწინააღმდეგო ვაქცინის 2 დოზით) ვაქცინირებული პირები – ყოველ 14 დღეში ერთხელ პჯრ მეთოდით;

ბ) არასრულად ვაქცინირებული (Covid-19-ის საწინააღმდეგო ვაქცინის მხოლოდ 1 დოზით) და/ან აუცრელი პირები – ყოველ 7 დღეში ერთხელ ანტიგენის სწრაფი ტესტით, რომელიც შესაძლებელია, უზრუნველყოფილ იქნეს სკოლის ექიმის და/ან ამ მიზნით სპეციალურად გადამზადებული სხვა პერსონალის მიერ (იმ პირობით, რომ პერსონალის გადამზადება განხორციელდება ეროვნული ცენტრისა და მუნიციპალური სჯდ ცენტრების მიერ, ტესტებითა და საკვლევი ნიმუშის ასაღები მასალებით მომარაგდებიან სახელმწიფო პროგრამის ფარგლებში, ხოლო ჩატარებული ტესტების თაობაზე ინფორმაცია დარეგისტრირდება შესაბამისი სკოლის პერსონალის მიერ ტესტის ჩატარებიდან არაუგვიანეს 24 საათის განმავლობაში).

გამონაკლისს წარმოადგენს ის შემთხვევები, როდესაც არსებობს საქართველოს განათლებისა და მეცნიერების სამინისტროს შუამდგომლობა ტესტირების განხორციელების შეუძლებლობის შესახებ ან დაწესებულებაში მომუშავე პირები სარგებლობენ დისტანციური სწავლების სრულად ელექტრონული მოდელით,'' - აღნიშნულია ბრძანებაში. 


შეიძლება დაინტერესდეთ

,,საბოლოოდ, თითქოს ცოდნის შედეგს აფასებ, მაგრამ პროცესს უნდა აფასებდე. პროცესი ფასობს, ის თუ რას აკეთებს, რამდენად მონდომებულია ბავშვი''

,,საბოლოოდ, თითქოს ცოდნის შედეგს აფასებ, მაგრამ პროცესს უნდა აფასებდე. პროცესი ფასობს, ის თუ რას აკეთებს, რამდენად მონდომებულია ბავშვი''

როგორ აღმოვაჩინოთ და განვავითაროთ ნიჭი ბავშვებში - თემაზე პედაგოგი რუსუდან აბრამიძემ პირველი არხის გადაცემა ,,დღის კოდში'' ისაუბრა. 

მისი თქმით, სახელმძღვანელოები რომ შედგება, უნდა გათვალონ ყველა კატეგორიის ბავშვზე, უნდა იყოს გათვლილი ბავშვზე, რომელიც საშუალო  შესაძლებლობისაა და ბავშვზე, რომელიც ძალიან ნიჭიერია:

,,სასწავლო პროცესი უინტერესო ხდება ძალიან ნიჭიერი ბავშვისთვის, თუ მას რამე განსხვავებული არ შესთავაზე. ეს ისე უნდა მოხდეს, რომ ბავშვი, რომელსაც ეს განსაკუთრებული ნიჭი, ამ კონკრეტულ საგანში არა აქვს, არ დაიჩაგროს. რაც მოეთხოვება იუპიტერს, ის არ მოეთხივება ხარს, ეს ყველგან მუშაობს. ვიღაცას მაღალ ნიშანს უწერ შესაძლებლობების მაქსიმუმის გამოყენებაში, მაგრამ ვიღაცას იმავე ნიშანს უწერ კიდევ უფრო სხვაში - ამას უკვე ინტუიციურად ატყობ მასწავლებელი. საბოლოოდ, თითქოს ცოდნის შედეგს აფასებ, მაგრამ პროცესს უნდა აფასებდე. პროცესი ფასობს, ის თუ რას აკეთებს, რამდენად მონდომებულია ბავშვი. ნიჭიერია, მაგრამ ზარმაცი შეიძლება, იყოს შეფასებული უმაღლესი ქულით? აბა დავფიქრდეთ, ალბათ, არა,'' - აღნიშნა რუსუდან აბრამიძემ. 

წაიკითხეთ სრულად