Baby Bag

„თურქეთი ინტენსიურად იყენებს Favipiravir-ს, ეს პრეპარატი COVID-19-ის სამკურნალოდ ამბულატორიულ რეჟიმში დადასტურებისთანავე გამოიყენება და დადებითი შედეგებიც აქვს“

„თურქეთი ინტენსიურად იყენებს Favipiravir-ს, ეს პრეპარატი COVID-19-ის სამკურნალოდ ამბულატორიულ რეჟიმში დადასტურებისთანავე გამოიყენება და დადებითი შედეგებიც აქვს“

ექიმი ინფექციონისტი არჩილ ჯალაღონია სოციალუ ქსელში პრეპარატ Favipiravir-ის შესახებ წერს. როგორც ის აღნიშნავს, მედიკამენტი თურქეთში COVID-19-ის სამკურნალოდ ამბულატორიულ რეჟიმში დადასტურებისთანავე გამოიყენება და დადებითი შედეგებიც აქვს:

„მეგობარს ვესაუბრე, თურქეთში მუშაობს, კოვიდ-19 დაუდასტურდა და ეს პრეპარატი მისცეს ბინაზე. თურქეთი ინტენსიურად იყენებს Favipiravir-ის. ეს პრეპარატი COVID-19-ის სამკურნალოდ ამბულატორიულ რეჟიმში დადასტურებისთანავე გამოიყენება და დადებითი შედეგებიც აქვს. თურქულმა ფარმაცევტულმა კომპანიებმა უკვე თავად დაიწყეს მისი წარმოება.

„ფავიპირავირი“ იაპონიაში გრიპის სამკურნალოდ შეიქმნა. პრეპარატი 2014 წელს დაამტკიცეს. მედიკამენტს „ავიგანის“, „არეპლივირის“, „ფავილავირისა“ და „ავიფავირის“ სახელებითაც აწარმოებენ.

ფაქტები ამბობენ, რომ პაციენტები, რომლებიც ფავიპირავირს იღებენ, უფრო სწრაფად გამოჯანმრთელდებიან ხოლმე და მათი ფილტვების მდგომარეობა უფრო სწრაფი ტემპებით უმჯობესდება, ვიდრე სხვების. რაც მთავარია, პრეპარატის უფსაფრთხოება დადასტურებულია - ის 2014 წელს დაამტკიცა იაპონიამ გრიპის სამკურნლოდ და მისი გამოსვლის დღიდან პაციენტებს რამე მნიშვნელოვანი გვერდითი მოვლენები არ გამოვლენიათ.

​ჩემი აზრით, შეიძლება უკვდავების წყალი არაა და 100% პრევენციას დაავადების გართულების ვერ აკეთებს, მაგრამ ამბულატორიულად არარაციონალურად დანიშნულ მედიკამენტურ პრაისლისტებს ნამდვილად სჯობია. მითუმეტეს გრიპის და კოვიდ-19 ინფექციების ზედდებების დროს ის იდეალურ მედიკამენტად შეგვიძლია ჩავთვალოთ, რადგან ორივე აგენტზე მოქმედებს.

ეს პრეპარატი ჩვენთან რეგისტრირებული არ არის, აფთიაქებში არ იყიდება და, შესაბამისად, მოსახლეობისთვის ხელმისაწვდომი არ არის. კარგია თუ შემოიტანს სახელმწიფო, ოფიციალურმა კვლევებმაც ანახა, რომ ჰოსპიტალიზაციის ხანგძლივობას ძალიან ამცირებს.

კარგი და მოქნილი ამბულატორიული მართვა (პატარა ქვეყანა ვართ და ლოჯისტიკურად არ უნდა გაგვიჭირდეს), ესაა კოვიდ პანდემიის დასასრულის დასაწყისი, სხვა ყველა გზა მიდის წრეზე... წლიდან წლამდე...

ტალღიდან ტალღამდე...
შტამიდან შტამამდე...
ვაქსერებიდან ანტივაქსერებამდე...
შეზღუდვებიდან დისტანციურ განათლებამდე...

კომედიური წუთშესვებით,“ - წერს ექიმი ინფექციონისტი არჩილ ჯალაღონია.

შეიძლება დაინტერესდეთ

სეზონური გრიპის ვირუსების საწინააღმდეგო ვაქცინა საქართველოში მომავალი კვირიდან იქნება

სეზონური გრიპის ვირუსების საწინააღმდეგო ვაქცინა საქართველოში მომავალი კვირიდან იქნება
,,სეზონური გრიპის ვირუსების საწინააღმდეგოდ ჯანდაცვის სამინისტრო 250 ათას ერთეულ ვაქცინის შეძენას გეგმავს,'' - აღნიშნულის შესახებ ჯანდაცვის მინისტრმა, ეკაგერინე ტიკარაძემ ბრიფინგზე განაცხადა.

მისი თქმით, სეზონური გრიპებთან დაკავშირებით ვაქცინის ნაწილი უკვე შეძენილია და დამატები კიდევ მოხდება შეძენა:

„ჩვენ ვზრუნავთ იმაზე, რომ დამატებით კიდევ შევიძინოთ ვაქცინა. ვხედავთ, რომ მოსახლეობაში გაზრდილია, როგორც ნდობა, ასევე სურვილი იმისა, რომ იყვნენ აცრილები. შემდეგი ერთი კვირის განმავლობაში ჩვენ ველოდებით, რომ ვაქცინის პირველი ნაწილი იქნება ქალაქში და დავიწყებთ მოსახლეობის ვაქცინაციას. საერთო ჯამში, 250 ათას ერთეულ ვაქცინას შევიძენთ“, - დასძინა ეკატერინე ტიკარაძემ.

წაიკითხეთ სრულად