Baby Bag

„თურქეთი ინტენსიურად იყენებს Favipiravir-ს, ეს პრეპარატი COVID-19-ის სამკურნალოდ ამბულატორიულ რეჟიმში დადასტურებისთანავე გამოიყენება და დადებითი შედეგებიც აქვს“

„თურქეთი ინტენსიურად იყენებს Favipiravir-ს, ეს პრეპარატი COVID-19-ის სამკურნალოდ ამბულატორიულ რეჟიმში დადასტურებისთანავე გამოიყენება და დადებითი შედეგებიც აქვს“

ექიმი ინფექციონისტი არჩილ ჯალაღონია სოციალუ ქსელში პრეპარატ Favipiravir-ის შესახებ წერს. როგორც ის აღნიშნავს, მედიკამენტი თურქეთში COVID-19-ის სამკურნალოდ ამბულატორიულ რეჟიმში დადასტურებისთანავე გამოიყენება და დადებითი შედეგებიც აქვს:

„მეგობარს ვესაუბრე, თურქეთში მუშაობს, კოვიდ-19 დაუდასტურდა და ეს პრეპარატი მისცეს ბინაზე. თურქეთი ინტენსიურად იყენებს Favipiravir-ის. ეს პრეპარატი COVID-19-ის სამკურნალოდ ამბულატორიულ რეჟიმში დადასტურებისთანავე გამოიყენება და დადებითი შედეგებიც აქვს. თურქულმა ფარმაცევტულმა კომპანიებმა უკვე თავად დაიწყეს მისი წარმოება.

„ფავიპირავირი“ იაპონიაში გრიპის სამკურნალოდ შეიქმნა. პრეპარატი 2014 წელს დაამტკიცეს. მედიკამენტს „ავიგანის“, „არეპლივირის“, „ფავილავირისა“ და „ავიფავირის“ სახელებითაც აწარმოებენ.

ფაქტები ამბობენ, რომ პაციენტები, რომლებიც ფავიპირავირს იღებენ, უფრო სწრაფად გამოჯანმრთელდებიან ხოლმე და მათი ფილტვების მდგომარეობა უფრო სწრაფი ტემპებით უმჯობესდება, ვიდრე სხვების. რაც მთავარია, პრეპარატის უფსაფრთხოება დადასტურებულია - ის 2014 წელს დაამტკიცა იაპონიამ გრიპის სამკურნლოდ და მისი გამოსვლის დღიდან პაციენტებს რამე მნიშვნელოვანი გვერდითი მოვლენები არ გამოვლენიათ.

​ჩემი აზრით, შეიძლება უკვდავების წყალი არაა და 100% პრევენციას დაავადების გართულების ვერ აკეთებს, მაგრამ ამბულატორიულად არარაციონალურად დანიშნულ მედიკამენტურ პრაისლისტებს ნამდვილად სჯობია. მითუმეტეს გრიპის და კოვიდ-19 ინფექციების ზედდებების დროს ის იდეალურ მედიკამენტად შეგვიძლია ჩავთვალოთ, რადგან ორივე აგენტზე მოქმედებს.

ეს პრეპარატი ჩვენთან რეგისტრირებული არ არის, აფთიაქებში არ იყიდება და, შესაბამისად, მოსახლეობისთვის ხელმისაწვდომი არ არის. კარგია თუ შემოიტანს სახელმწიფო, ოფიციალურმა კვლევებმაც ანახა, რომ ჰოსპიტალიზაციის ხანგძლივობას ძალიან ამცირებს.

კარგი და მოქნილი ამბულატორიული მართვა (პატარა ქვეყანა ვართ და ლოჯისტიკურად არ უნდა გაგვიჭირდეს), ესაა კოვიდ პანდემიის დასასრულის დასაწყისი, სხვა ყველა გზა მიდის წრეზე... წლიდან წლამდე...

ტალღიდან ტალღამდე...
შტამიდან შტამამდე...
ვაქსერებიდან ანტივაქსერებამდე...
შეზღუდვებიდან დისტანციურ განათლებამდე...

კომედიური წუთშესვებით,“ - წერს ექიმი ინფექციონისტი არჩილ ჯალაღონია.

შეიძლება დაინტერესდეთ

დღეიდან კომენდანტის საათი 23:00 საათიდან დაიწყება

დღეიდან კომენდანტის საათი 23:00 საათიდან დაიწყება

საკოორდინაციო საბჭოს გადაწყვეტილებით, დღეიდან კომენდანტის საათი 23:00 საათიდან დაიწყება - აღნიშნულის შესახებ მთავრობის ადმინისტრაციაში გამართულ ბრიფინგზე გახდა ცნობილი. 

უწყებათაშორის საკოორდინაციო საბჭოსთან არსებული ოპერაციული შტაბის უფროსის გიორგი ღიბრაძის განცხადებით, გადაწყვეტილება საბჭომ ეპიდემიოლოგიური ტენდენციების შესწავლის საფუძველზე მიიღო. 

დღეიდან, გადაადგილებაზე შეზღუდვა იმოქმედებს 23:00 საათიდან 05:00 საათამდე პერიოდში. აქვე, მივმართავთ მოქალაქეებს, გაითვალისწინონ, რომ გამკაცრდება რეგულაციის აღსრულების ადმინისტრირება, რაც ნიშნავს იმას, რომ შეზღუდვა ამოქმედდება ზუსტად 23:00 საათზე. ამავდროულად, განვმარტავთ, რომ ძალაში რჩება ყველა ის გადაადგილების უფლება, რომელიც მოქმედებდა 21:00 საათიდან 05:00 საათამდე პერიოდში, ანუ მათ თავიდან არ დასჭირდებათ ამ უფლების მოპოვება“, - განაცხადა გიორგი ღიბრაძემ.

წაიკითხეთ სრულად