„მსხვერპლი ყოველთვის უდანაშაულოა!
მან თვალი გაიღო იმისათვის, რომ ჩვენ აგვეხილოს...
ნება ჩვენზეა...
თქვენ, ვინც არგუმენტებს ასახელებთ და ძალადობას ამართლებთ, თვალებში ჩახედეთ თქვენს შვილებს, ისინი გევედრებიან, რომ შეწყვიტოთ ზიზღი!
„არ დავეძებ თვალს, მამა დავით, ოღონდ რაღაც შეიცვალოს“ - ეს თქვენი შვილების პასუხიცაა!
შვილები, რომლებსაც მტრობისა და ქიშპის მეტი არაფერი ვაყურებინეთ!
სპეცრაზელები ჩვენს გვერდითაც ყოფილან, სოციალური ქსელი რომ გაუხდიათ ამბიონად და ხმალამოღებულები „ქადაგებენ“, თითქოს მათმა ცხოვრების წესმა და აზროვნებამ ქვეყანას რაიმე სიკეთე მოუტანა!
ამ თემაზე აღარაფერს ვიტყვი, მე დავასრულე...
ბავშვობიდან მაიკოს თვალებს იფიცებდა მამამისი... გაუცნობიერებლად მშობელი ყოველთვის გრძნობს შვილის მომავალს...
თვალებში ჩახედეთ თქვენს შვილებს, სანამ ჯერ კიდევ სიყვარულია მათში, სანამ სიძულვილით თვალებს დავთხრით და დავიმსგავსებთ...“
აღნიშნული პოსტი სოციალურ ქსელში 20 ივნისს დაზარალებული მაკო გომურის მოძღვარმა, მამა დავით ოქრუაშვილმა გამოაქვეყნა. 18 წლის მაკო გომურმა რუსთაველის გამზირზე განვითარებული მოვლენებისას თვალი დაკარგა.
