„ვითვალოთ კრედიტები, ვიცვალოთ მასწავლებლებმა სტატუსები, ვიამაყოთ სკოლებმა ვის უფრო მეტი მენტორი და წამყვანი მასწავლებელი ჰყავს, ან სულაც უფროსი და არცერთი პრაქტიკოსი.
რომელი სტატუსი სჭირდება მეგობარ მასწავლებელს, თბილს და გამგებს, მშობლიურს და საყვარელს?!
სად არიან მოსწავლეები, რომელ მხარეს?!რომელ სტატუსიანთან?!
ფუ, ამ ცხოვრების...
კიდევ ერთი ლამაზთვალება ბიჭი გაქრა :(((((((((“
მასწავლებელი ნინო წიკლაური
„ჩვენს ქვეყანაში ბავშვები არ შიმშილობენ... მე ვერ ვიჯერებ, რომ (ჩვენს ქვეყანაში ბავშვები შიმშილობენ)... თუ ვინმე შიმშილობს, ე.ი. ოპოზიციამ აშიმშილა“.
ასე უპასუხა მმართველი პარტიის დეპუტატმა რევაზ არველაძემ მთავარი არხის კითხვას, რომელიც UNICEF-ის კვლევას შეეხებოდა და საქართველოში სიღარიბეს აღწერდა.
გაეროს ბავშვთა ფონდის (UNICEF) ბოლო მონაცემებით, ყოველი მეხუთე ბავშვი სიღარიბის ზღვარს მიღმა ცხოვრობს, ხოლო ყოველი მეექვსე ბავშვი საარსებო მინიმუმზე ნაკლებს მოიხმარს.
