„კითხვას: რამ გადაგვარჩინა? ძალიან მარტივი პასუხი აქვს: სიცილმა. ეს პასუხი აგერ, კორონავირუსის საფრთხემაც იოლად შეამოწმა - მიუხედავად იმისა, რომ ლაკმუსის რუკაზე არაერთი უსიამოვნო მონახაზი მოჩანს, მგონი, არცერთ ერს ამდენი და ასე გემოვნებით ვერ და არ უღლიცინია ამ ამბავზე.
ჰოდა, რამაც აქამდე გადაგვარჩინა, მომავალშიც ეგ გვიხსნის.
ვიცინოთ, აუცილებლად ვიცინოთ. ოღონდ ხან სარკეში ჩავიხედოთ და ასეც.“
მწერალი გიორგი კეკელიძე
დაავადებათა კონტროლი ეროვნული ცენტრის დირექტორის, ამირან გამყრელიძის განცხადებით, სწავლა სავარაუდოდ, დისტანციურად დაიწყება.
„ვფიქრობ, განათლების სამინისტრო განიხილავს ამ ფონს და სწავლა დაიწყება დისტანციურად. დაავადებათა კონტროლის ცენტრის რეკომენდაციაა, სანამ დადებითი მაჩვენებელი არ ჩამოვა 4%-ის ქვემოთ, დღეს 9.43 პროცენტი გვაქვს, ადმინისტრაციული პერსონალისა და პედაგოგების 80% არ იქნება სკოლაში ვაქცინირებული, ჩვენ ვერ განვიხილავთ სკოლას უსაფრთხოდ, ამიტომ სასურველია მათი აცრა და საერთო ეპიდსიტუაციის გაუმჯობესება. ამ შემთხვევაში, რა თქმა უნდა, იქნება განხილული სკოლებში დასწრებული სწავლის განხილვა.
მე პირადად იგივე შეხედულება მაქვს უნივერსიტეტებთან მიმართებაში, რომ დასწრებული სწავლებისთვის ეს კრიტერიუმები იყოს დამაკმაყოფილებელი. ეს არ ეხებათ მხოლოდ პროფესორ-მასწავლებლებს, სტუდენტებიც უნდა იყვნენ აცრილები. 150 000 სტუდენტი არის დღეს, რომლებიც ახალგაზრდები არიან. „დელტა“ შტამი ძალიან ადვილად ვრცელდება ახალგაზრდებში, ადვილად გადამდებია, ამიტომ სასურველია, რომ სწავლის დაწყებისთვის ყველა უნივერსიტეტი და სკოლა იყოს უსაფრთხო“, - განაცხადა ამირან გამყრელიძემ.
წაიკითხეთ სრულად
