„ჯერ კიდევ რამდენიმე თვის წინ ვთქვი, რომ რაც უნდა მომხდარიყო ცხოვრებაში, თავს მაღლა არასდროს ავწევდი და ისევ უბრალო ადამიანად დავრჩებოდი… პირობა უნდა შევასრულო…“

„ჯერ კიდევ რამდენიმე თვის წინ ვთქვი, რომ რაც უნდა მომხდარიყო ცხოვრებაში, თავს მაღლა არასდროს ავწევდი და ისევ უბრალო ადამიანად დავრჩებოდი… პირობა უნდა შევასრულო…“
ექიმი რეზიდენტი გიორგი ღოღობერიძე სოციალურ ქსელში ემოციურ პოსტს აქვეყნებს. გთავაზობთ მის ნათქვამს სიტყვა-სიტყვით:
„ცხოვრებაში მეც დამჭირვებია მიტევება, მაგრამ
ან არასდროს მპატიობდნენ, ან იმდენად გვიან, რომ წლები იყო გასული…
გაბრაზება და სამაგიეროს გადახდის სურვილი მაცდურია… ბევრად უფრო რთულია, საკუთარ თავში იპოვო ძალა და წყენის მიტევება შეძლო…
მივუტევოთ და მოგვეტევება… კვლავ მივუტევოთ და კვლავ მოგვეტევება…
დღეს რომ თავი მაღლა დავიჭირო, ხვალ შეიძლება თავად აღმოვჩნდე მძიმე განსაცდელში…
ჯერ კიდევ რამდენიმე თვის წინ ვთქვი, რომ რაც უნდა მომხდარიყო ცხოვრებაში, თავს მაღლა არასდროს ავწევდი და ისევ უბრალო ადამიანად დავრჩებოდი… პირობა უნდა შევასრულო…
განა მე არ ვიცი, რომ შეიძლება საზოგადოების ნაწილი გამიბრაზდეს? ვიცი… მაგრამ საკუთარ თავთან მართალი თუ არ ვიქნები, მე ვერ შევძლებ მშვიდად ცხოვრებას…
ექიმს ყველაზე მეტად მოეთხოვება სულგრძელობა და დათმენა…
არანაირი სარგებელი არ მქონია ამ ყველაფრიდან, არანაირი… გავა დრო და თავადაც დაინახავთ, რომ იმ ყველა პირობას ჩემით შევასრულებ, სხვების გარეშე,“ - წერს გიორგი ღოღობერიძე.

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯ​გუ​ფი“)

„სიყვარულის ქიმია არის ძალიან მძლავრი კოქტეილი, ეს არ არის ერთი ნივთიერება,“ - გიორგი ღოღო...
​ექიმი გიორგი ღოღობერიძე სიყვარულის ქიმიის შესახებ საუბრობს. ის აღნიშნავს, რომ სიყვარულის ქიმია მძლავრი კოქტეილია, რომელიც ცვლილებებს განიცდის:„სიყვარულის ქიმია არ არის ერთი ნივთიერება, ეს არის კოქტეი...

შეიძლება დაინტერესდეთ

„ეს 4 მარტივი რაღაც დაგიცავს იმისგან, რომ თირკმლის კენჭები არ გქონდეს,“- გიორგი ღოღობერიძის რეკომენდაციები

ექიმმა გიორგი ღოღობერიძემ თირკმელში კენჭების გაჩენის პრევენციის გზებზე ისაუბრა და აღნიშნა, რომ ამისთვის ადამიანებმა 4 მარტივი წესი უნდა დაიცვან:

„ძალიან ბევრმა ადამიანმა არ იცის, რომ თირკმლის კენჭების უდიდესი ნაწილი გამოწვეულია შარდში ერთი რაღაცის ნაკლებობით. შეიძლება არ დაიჯეროთ, მაგრამ როდესაც ეს ერთი რაღაც ადამიანს შარდში მცირე რაოდენობით აქვს, მაშინ უვითარდება თირკმლის კენჭების 2/3-ზე მეტი. ეს ერთი რაღაც არის ციტრატი. როდესაც შარდში ცოტა ციტრატია, ამას ჰქვია ჰიპოციტრატურია. როდესაც დღე-ღამეში ჩვენი ორგანიზმი 320 მილიგრამზე ნაკლებ ციტრატს გამოყოფს შარდით, სწორედ ეს იწვევს თირკმლის კენჭების 2/3-ზე მეტს. როდესაც შარდში ცოტაა ციტრატი, კალციუმი უკავშირდება ოქსალატს ან ფოსფატს და მიიღება კენჭების 2/3-ზე მეტი.

მე გეტყვი 4 რამეს, რაც აუცილებლად უნდა დაიმახსოვრო. ეს 4 მარტივი რაღაც დაგიცავს იმისგან, რომ თირკმლის კენჭები არ გქონდეს ან თუ გაქვს, ისინი ზომაში შემცირდეს. რაც შეიძლება ბევრი ციტრატებით მდიდარი საკვები მიიღე. ყველაზე მარტივი გზა ამისთვის არის ლიმონიანი წყალი. დღე-ღამეში მიიღე 2,5 ლიტრი წყალი. წინააღმდეგ შემთხვევაში შარდი იქნება ძალიან კონცენტრირებული და მარტივად დაგემართება კენჭები.

ნაკლებად მიიღე გამაგრილებელი სასმელები, რადგან ისინი შეიცავენ ისეთ რაღაცებს, რაც პოტენციურად ხელს უწყობს კენჭების ფორმირებას. არ მიიღო ისინი კვირაში 1-2 ლიტრზე მეტი. თუ შენი ასაკი დიდია, საკვებში ცილების რაოდენობა შეზღუდე. შენ თუ გინდა, რომ კენჭები არ დაგემართოს, სასურველია, შეზღუდო ცილოვანი საკვების რაოდენობა,“- აღნიშნა გიორგი ღოღობერიძემ.

წყარო:​ Usmle მოსამზადებელი ცენტრი 

წაიკითხეთ სრულად