„ყველა ნიშანს ერთი პრობლემა აქვს...“ - მიმდინარე კვირის ასტროლოგიური პროგნოზი მიხეილ ცაგარელისგან

ჯანმრთელობა

„სტუმრებს ბავშვის კოცნის უფლება არავითარ შემთხვევაში არ უნდა მისცეთ,“ - პედიატრი ივანე ჩხაიძე

2 წლის წინ

​პედიატრმა ივანე ჩხაიძემ იმ საფრთხეების შესახებ ისაუბრა, რომლებიც მცირეწლოვან ბავშვებს აუცილებლად უნდა ავარიდოთ. მან მშობლებს ურჩია, რომ ბავშვების ჰაერში აგდებისა და დაჭერისგან თავი შეიკავონ:

„ძალიან ხშირად უყვართ ჩვენთან ბავშვების ზემოთ აგდება, დაჭერა, თამაში. ეს არის სერიოზული გართულების რისკი. ამას შენჯღრეული ბავშვის სინდრომი ჰქვია. ჩვენ ბავშვს ვეთამაშებით, განა ცუდ რამეს ვაკეთებთ. ბავშვს ზემოთ აგდება და დაჭერა უხარია, მაგრამ ეს არის სერიოზული რისკი.“

ივანე ჩხაიძის თქმით, არ შეიძლება, რომ სახლში მოსულმა სტუმარმა ბავშვს აკოცოს:

„​სტუმრებს ბავშვის კოცნის უფლება არავითარ შემთხვევაში არ უნდა მისცეთ. ოჯახის წევრი სხვა არის. მიკრობიომა, რომელიც ოჯახშია გავრცელებული, სხვა არის, მით უმეტეს, დედისა და ბავშვის კავშირი. ძალიან ბევრი ელემენტი გადაეცემა კანიდან, ძუძუდან.“

„მით უმეტეს, ახლა, საერთოდ არ უნდა მივიდეს არცერთი უცხო ბავშვთან. ეს კატეგორიულად გამორიცხულია. ათი მწვანე პასპორტი რომ აჩვენოს, არ უნდა მივიდეს ახლოს ბავშვთან. ეს ასეა პანდემიის გარეშეც და ახლა, მით უმეტეს,“ - აღნიშნულ საკითხზე ივანე ჩხაიძემ ტელეკომპანია POSTV-ის გადაცემაში „დღის პოსტი“ ისაუბრა.

წყარო: ​„დღის პოსტი“

წაიკითხეთ სრულად