Baby Bag

8 პროდუქტი, რომელიც ყველას ბოსტნეული ჰგონია, სინამდვილეში კი ხილია

8 პროდუქტი, რომელიც ყველას ბოსტნეული ჰგონია, სინამდვილეში კი ხილია

ადამიანების უმრავლესობა ფიქრობს, რომ ხილსა და ბოსტნეულს ერთმანეთისგან შესანიშნავად არჩევს, თუმცა, როგორც ირკვევა, ასე არ არის. გარკვეული პროდუქტები ბიოლოგებისა და ბოტანიკოსების მიერ ხილის კატეგორიაში კლასიფიცირდება, თუმცა კულინარიაში მათ როგორც ბოსტნეულს ისე ვიყენებთ. გაგაცნობთ რვა პროდუქტს, რომელიც ყველას ბოსტნეული ჰგონია, მაგრამ სინამდვილეში ხილია.

1. პომიდორი

ადამიანების უმრავლესობა თვლის, რომ პომიდორი ბოსტნეულია. სინამდვილეში კი ასე არ არის. პომიდორი ბუტკოს ქვედა ნაწილში მდებარე ნასკვიდან ვითარდება და მცენარის თესლებსაც შეიცავს. მეცნიერულად დამტკიცებულია, რომ პომიდორი ხილია და არა - ბოსტნეული.

2. ბულგარული წიწაკა

ბულგარული წიწაკა ხილია, ისევე როგორც კიტრი. ბულგარული წიწაკა წიწაკისებრთა ოჯახის ერთადერთი წარმომადგენელია, რომელსაც ცხარე გემო და არომატი არ აქვს.

3. ბადრიჯანი

ბადრიჯანს თუ გაჭრით და მას კარგად დაათვალიერებთ, აღმოაჩენთ, რომ რბილობში უამრავი წვრილი თესლია განთავსებული. სწორედ ამიტომ, ბადრიჯანი კენკრაა და არა ბოსტნეული.

4. ავოკადო

ავოკადო გარეგნულადაც ძალიან ჰგავს ხილს და ეს მეცნიერულადაც ასეა. ავოკადო ერთმარცვლიანი კენკრაა. ის მომწიფებული ყვავილის ნასკვისგან ვითარდება.

5. გოგრა

გოგრა მეტისმეტად დიდია იმისთვის, რომ მას ხილი ვუწოდოთ, თუმცა ის ბოსტნეული ნამდვილად არ არის. გოგრას სხვა ხილის მსგავსად შუაგულში თესლები აქვს განლაგებული და საოცრად ტკბილ არომატს აფრქვევს. მას კულინარიაში გემრიელი მაფინების დასამზადებლად აქტიურად იყენებენ.

6. მწვანე ბარდა

მართალია მწვანე ბარდას ბოსტნეულის მსგავსი შეფერილობა აქვს, მაგრამ სინამდვილეში ის ხილია. ის ბარდის ყვავილისგან ვითარდება და კულინარიაში ბოსტნეულის სახით გამოიყენება.

7. ზეთისხილი

ზეთისხილი ხილია, რომელიც ხეზე იზრდება. ის ყვავილის ბუტკოდან ვითარდება და წვრილი თესლები აქვს. ზეთისხილის რეპროდუქციული თვისებები ხილის თვისებებს თანხვდება. მეცნიერულად დამტკიცებულია, რომ ის ხილია და არა ბოსტნეული.

8. ბამი

ბამი ყვავილოვანი მცენარეა. მას სამზარეულოში აქტიურად გამოიყენებენ წვნიანების მოსამზადებლად. დიასახლისების უდიდესი ნაწილი თვლის, რომ ბამი ბოსტნეულია, რაც შეცდომაა. მეცნიერულად დადასტურებულია, რომ ის ხილია.

მომზადებულია ​Foodndtv.com -ის მიხედვით

თარგმნა ია ნაროუშვილმა

არ დაგავიწყდეთ !!!

Momsedu.ge-მ თქვენთვის, დედებისთვის შექმნა ახალი სივრცე. მოიწონეთ გვერდი მცოდნე დედები

შეიძლება დაინტერესდეთ

სეზონური კვების გავლენა ბავშვის ჯანმრთელობაზე - პედიატრი თემურ მიქელაძე

სეზონური კვების გავლენა ბავშვის ჯანმრთელობაზე - პედიატრი თემურ მიქელაძე

პედიატრმა თემურ მიქელაძემ ბავშვის ჯანსაღი განვითარებისთვის სეზონური კვების მნიშვნელობაზე ისაუბრა. მან აღნიშნა, რომ სეზონური ხილი და ბოსტნეული ამ მხრივ უდიდეს როლს ასრულებს:

„ექიმები მაქსიმალურად ვცდილობთ, რომ სეზონური ხილი, სეზონური ბოსტნეული გამოვიყენოთ სწორედ იმ ეტაპზე, რაც აუცილებელია ბავშვის ჯანმრთელობის სწორად განვითარებისთვის. ეს ხილი, ბოსტნეული სწორედ იმ მიკრო და მაკრონუტრიენტებს, ვიტამინებს შეიცავს დიდი რაოდენობით, რაც იმ სეზონზეა აუცილებელი ბავშვისთვის. კვება შეიძლება დავყოთ გარკვეულ ეტაპებად: წლამდე კვება, ერთი წლიდან სამ წლამდე ასაკის ბავშვის კვება, უმცროსი სასკოლო ასაკის ბავშვის კვება, სკოლამდელი კვება და ა.შ.“

თემურ მიქელაძის თქმით, სეზონური კვება მნიშვნელოვანია მეძუძური დედებისთვისაც:

„ძუძუთი კვების დროს დედას ვურჩევთ სეზონურად მიირთვას ხილი, ბოსტნეული. სწორედ იმ სეზონზე შეიცავს მაქსიმალურ მიკრონუტრიენტებს, წყალში ხსნად და ცხიმში ხსნად ვიტამინებს, ნახშიწყლებს, ცილებს ეს ხილი და ბოსტნეული. ცხიმებს შეიცავს იმ შემთხვევაში, თუ ვიყენებთ ცხოველურ საკვებს. თევზი შეიძლება პაციენტებს სეზონურადაც შევთავაზოთ. გავითვალისწინოთ ის გარემოებები, რომლებიც მოქმედებს ამ ცხოველურ საკვებზე. დედის რძესაც ახასიათებს სეზონური ცვლილებები. შესაბამისად ის სეზონურად გადასცემს ბავშვს მიკრონუტრიენტებს, რაც აუცილებელი და დროულია ბავშვის ნერვული სისტემის სწორი მომწიფებისთვის. ბოსტნეულის პიურე ადრეული ასაკის ბავშვებისთვის აუცილებელია, რომ სეზონურად დაინიშნოს. გაზაფხულის პერიოდში ჩვენთან დიდი რაოდენობით არის სალათები, მწვანილი, ყაბაყი, კარტოფილი, ჭარხალი, სტაფილო. ხილფაფებშიც სეზონურ ხილს ვიყენებთ.“

თემურ მიქელაძის თქმით, ხილი და ბოსტნეული პერისტალტიკას აუმჯობესებს და ყაბზობის პროფილაქტიკასაც ახდენს:

„ხილი და ბოსტნეული დიდი რაოდენობით შეიცავს უჯრედისს, რაც პერისტალტიკას აუმჯობესებს და ყაბზობის პროფილაქტიკაც არის. ხილი და ბოსტნეული დიდი რაოდენობით შეიცავს ისეთ წყალში ხსნად ვიტამინებს, როგორებიცაა: B ჯგუფის ვიტამინები, C ჯგუფის ვიტამინები, კაროტინოიდები. არის დაავადებები, როდესაც გვაქვს ფრუქტოზის აუტანლობა. აქ შეიძლება შევზღუდოთ კიდეც ხილი ან მოდიფიცირება მოვახდინოთ ნახშირწყლის. კონკრეტული შემთხვევა აუცილებლად უნდა იქნეს ექიმის მიერ შესწავლილი. 12 წელი არის პუბერტული ასაკი. აქ აუცილებელია სწორი, ბალანსირებული კვების გათვალისწინება.“

„შეიძლება ბავშვმა იმდენად მაღალი კონცენტრაციით მიიღოს სხვადასხვა ნივთიერება, რომ კუჭის ლორწოვანი გაღიზიანდეს. ამიტომ ეს უნდა იყოს სწორად, რაციონალურად გამოყენებული, რათა ჯანმრთელობის სხვა პრობლემა აღარ წამოგვივიდეს. მე ხშირად მომმართავენ პაციენტები, როდესაც ბავშვები არ ჭამენ ხორცს, არ ჭამენ ბოსტნეულს. მე ყოველთვის ვურჩევ მშობელს, რომ ბოსტნეული იქნება თუ ხორცის თერმულად დამუშავება, ბავშვთან ერთად მოამზადონ. ბავშვი უფრო კარგად შეჭამს,“ - აღნიშნულ საკითხებზე თემურ მიქელაძემ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო: „პირადი ექიმი - მარი მალაზონია“

წაიკითხეთ სრულად