Baby Bag

„შულავერა,“ „გურულა“ თუ „ბათუმელა“ - ცნობილი შეფ-მზარეული მანუელი ლობიოს შერჩევისა და მომზადების წესზე საუბრობს

„შულავერა,“ „გურულა“ თუ „ბათუმელა“ - ცნობილი შეფ-მზარეული მანუელი ლობიოს შერჩევისა და მომზადების წესზე საუბრობს

ცნობილმა შეფ-მზარეულმა მანუელ ფაუნდეს ბარანდამ საქართველოში პოპულარული ლობიოს სახეობებისა და მათი თავისებურებების შესახებ ისაუბრა:

„აქ ლობიოს სამი სახეობაა წარმოდგენილი. ესენია: „შულავერა,“ „გურულა“ და „ბათუმელა.“ როგორც ჩანს, „ბათუმელა“ ყველაზე ძვირია ჩვენს ბაზარზე. ამ სამ სახეობას შორის სხვაობა უფრო შეინიშნება ტექსტურაში. მაგალითად, „შულავერას,“ რომელიც არის ყველაზე იაფი, აქვს ოდნავ უფრო უხეში ტექსტურა. რომ გითხრათ, რომ მკვეთრი და გამოკვეთილი გემოვნური სხვაობებაა, მაინცდამაინც არა.“

ცნობილი მზარეულის თქმით, წითელი ლობიო უფრო ხანგრძლივი დანაყრების შეგრძნებას აჩენს:

„კულინარული კუთხით რომ მივუდგეთ, ​თუ ჩვენ მივირთვით თეთრი ლობიო, მისი დანაყრების პერიოდი არის ბევრად უფრო ხანმოკლე, ვიდრე წითელი ლობიოსი.“

„წამოდუღების მერე პირველი წყალი აუცილებლად უნდა გადავაქციოთ, დავამატოთ ადუღებული წყალი და მხოლოდ მერე დავამატოთ სოდა მოხარშვის პროცესის დაჩქარებისთვის,“ - აღნიშნულ საკითხზე ცნობილმა მზარეულმა ტელეკომპანია „იმედის“ გადაცემაში „იმედის დღე“ ისაუბრა.

წყარო: ​„იმედის დღე“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

შეიძლება დაინტერესდეთ

„მე მიყვარს ძილის წინ აღზრდის პედაგოგიკა, ეს იშვიათი მომენტია...“- შალვა ამონაშვილი

„მე მიყვარს ძილის წინ აღზრდის პედაგოგიკა, ეს იშვიათი მომენტია...“- შალვა ამონაშვილი

აკადემიკოსმა შალვა ამონაშვილმა ბავშვებს შორის კონფლიქტის აცილების გზებზე ისაუბრა და მშობლებს საინტერესო რჩევები მისცა:

„პირველ რიგში, ვურჩევდი, რომ მშობელმა ბავშვები ერთმანეთს არ შეადაროს. ვინ უფრო გააკეთა, ვინ ვერ გააკეთა, ვინ ვის უნდა დაუთმოს, ეს შეფასებები ბავშვებს არ უნდა გავუკეთოთ ჩვენ. არ ივარგებს დიდს ვთხოვოთ, რომ სულ დაუთმოს. პატარას კი უნდა ვთხოვოთ, რომ მოუსმინოს უფროსს, უფროსია ის, იცის რაღაცები. დიდი უნდა გამოვიყენოთ ჩვენ პატარას აღზრდაში. ცალკე უნდა ესაუბროთ უფროსს. უნდა უთხრათ: „ის ჯერ გამოუცდელია, შენ დიდი ხარ. შენ ეს იცი, ის იცი. დაგვეხმარე, რომ ჩვენ ეს პატარა აღვზარდოთ.“ ნელ-ნელა ვასწავლოთ, როგორ დაგვეხმაროს, ყურადღებიანი იყოს, დამთმობი იყოს, დაიცვას ის, ეთამაშოს მას.

„თუ უფროსს გამოუვა და კარგი გამოუვა უმცროსის მიმართ, უნდა გავაზვიადოთ და უთუოდ მადლობა ვუთხრათ უფროსს. მადლობა ვუთხრათ ძილის წინ. მე მიყვარს ძილის წინ აღზრდის პედაგოგიკა. ეს იშვიათი მომენტია ძილის წინ დასარიგებლად, გზაზე დასაყენებლად, მადლობის გადასახდელად, რაღაცის თხოვნა რომ გვინდა ბავშვისთვის. ძილის წინ მიუჯდეს დედა, მამა, უთხრას ბავშვს: „შვილო, მადლობა, რომ დღეს ასე დაგვეხმარე. მადლობა, რომ კარგად მოექეცი შენს ძმას, დიდი მადლობლები ვართ ამისთვის.“ მშობელმა უნდა დაარწმუნოს, რომ მან რაღაც გააკეთა. ეს მისი თვითშეფასება იქნება. პატარასაც თავისი უნდა ვუთხრათ, რომ გაუგონა, დაუჯერა უფროსს. ეს კარგი იყო ძალიან. მადლობა გამოუცხადეთ ბავშვს,“- აღნიშნა შალვა ამონაშვილმა.

წყარო: ​ამონაშვილის აკადემია

წაიკითხეთ სრულად