ცნობილმა უკრაინელმა პედიატრმა ევგენი კომაროვსკიმ მოსახლეობას რადიოაქტიური საფრთხის შემთხვევაში სიცოცხლის გადასარჩენად იოდის გამოყენება ურჩია. მისი თქმით, 5 %-იანი იოდის ხსნარის წვეთებს ან კალიუმის იოდიდის აბების გამოყენებას ამ დროს ადამიანების სიცოცხლის გადარჩენა შეუძლია.
ევგენი კომაროვსკის რჩევებს დეტალურად გაეცანით თანდართულ ვიდეოში.
ოლიმპიური ნაკრების მთავარმა ექიმმა ზურაბ კახაბრიშვილმა მშობლებს ურჩია ბავშვი სპორტის კონკრეტულ სახეობაზე მიყვანამდე ფიზიკურად კარგად მოამზადონ:
„მე ჩემს შვილზე გეტყვით. გადავწყვიტე, რომ გენეტიკური ანალიზი ჩამეტარებინა. ძალიან მარტივია. ნაცხის საშუალებით იგებთ პასუხს. ანალიზია, პირდაპირ სახეობების მიხედვით არის, სადაც გიხატავს სათამაშო სახეობისკენ არის მიდრეკილება თუ ორთაბრძოლებისკენ. ჩემი შვილის ანალიზიდან გამომდინარე, ჩანს, რომ მას არ გამოუვა ფეხბურთი. ტესტი აჩვენებს, რომ მისგან 100% გამოვა მხოლოდ ორთაბრძოლა. მე რომ გავაკეთე ანალიზი, მაშინ უცხოეთში გავგზავნეთ. ეს პირდაპირ გაძლევს რეცეპტს. გადავწყვიტე, რომ მიზნობრივი პროგრამა დავწეროთ და სპორტის სამინისტროსთან ერთად ეს წარვადგინოთ, რომ თანხები არ დაიხარჯოს უაზროდ თავიდანვე. იმ სპორტსმენებზე, ვიზეც ჩვენ ჩავატარეთ კვლევა, წარმატებული ძიუდოისტები, ჩოგბურთელები იყვნენ, რომლებიც დღესაც თამაშობენ.
ბავშვი რომ გინდა მიიყვანო სპორტზე, ის მომზადებული უნდა იყოს ამისთვის. ადრე იყო სირბილი, ცურვა და ტანვარჯიში. ეს კომბინაცია, მოქნილობა, ტაქტიკა, ტექნიკა ემატება და იმის მიხედვით არჩევ სპორტს. პარალელურად ბავშვი უნდა წაიყვანო თამაშებზე, შეჯიბრებებზე და ის ბავშვი მერე თვითონ ხვდება, რა მოსწონს. ეს არის მთავარი. ცურვა, სიბილი, ტანვარჯიში არის საბაზისო,“- მოცემულ საკითხზე ზურაბ კახაბრიშვილმა ტელეკომპანია „იმედის“ გადაცემაში „იმედის დღე“ ისაუბრა.
წყარო: „იმედის დღე“
წაიკითხეთ სრულად
