Baby Bag

როგორ მოვიშოროთ გულძმარვა ისე, რომ წამლებზე არ ვიყოთ დამოკიდებული? - გიორგი ღოღობერიძის რჩევები

როგორ მოვიშოროთ გულძმარვა ისე, რომ წამლებზე არ ვიყოთ დამოკიდებული? - გიორგი ღოღობერიძის რჩევები

ექიმმა გიორგი ღოღობერიძემ გულძმარვასთან გამკლავების გზებსა და მეთოდებზე ისაუბრა:

„დღეს ვისაუბრებთ გასტროეზოფაგური რეფლუქსური დაავადების შესახებ, რომელსაც ჩვენთან უბრალოდ რეფლუქსს ეძახიან. ამ დროს საყლაპავის ქვედა ნახევარში ან მთელ სიგრძეზე შემოდის კუჭის შიგთავსი, ძალიან ბევრი და ძალიან ხშირად. ეს პაციენტს უვლინდება სხვადასხვანაირად: გულძმარვა, ტკივილი მკერდის ძვლის უკან, მჟავე გემო პირის ღრუში, ცუდი სუნი პირის ღრუდან, კბილების დაზიანება, ქონიკული ხველა, ხშირი ნერწყვდენა. რა ხდება საბოლოო ჯამში? პაციენტი მიდის ექიმთან. მას უნიშნავენ წამლებს, მჟავიანობის დამაქვეითებლებს, ანტაციდებს, მედიკამენტებს, რომლებიც ცვლიან სპინქტერის ტონუსს. ექიმები არ ეუბნებიან მათ, რომ ასეთ პაციენტებს ეს პრობლემა ხშირად ექნებათ ქრონიკულად. რეფლუქსი ყოველდღიურობაში გვხვდება. როგორც დაავადება, ის ქრონიკულია. მას მუდმივად სჭირდება მკურნალობა, რის გამოც პაციენტები იმედგაცრუებულები რჩებიან.

ამ დაავადების დროს მარტო მედიკამენტებში კი არ არის გამოსავალი, არამედ ცხოვრების სტილის შეცვლაში. მინდა, შემოგთავაზოთ რამოდენიმე მარტივი რჩევა, რომელიც უნდა შეასრულოთ, თუ გინდათ, რომ მუდმივად არ იყოთ თამოკიდებული მედიკამენტებზე. რჩევა ნომერი პირველი: თუ თქვენ ხართ ჭარბწონიანი, წონა შეამცირეთ. თუ წონას არ შეამცირებთ, კუჭის შიგთავსი ყოველთვის ამოვა საყლაპავში, თუ ამისკენ ხართ მიდრეკილი. თუ წონას შეამცირებთ, პრობლემა ნახევრად მოგვარდება. თავი დაანებეთ მოწევას. თამბაქოს კვამლი საყლაპავის ქვედა სპინქტერს ადუნებს. მოერიდეთ ალკოჰოლს, მოერიდეთ გაზიან სასმელებს, ისეთ საკვებს, რომლებიც ზრდის აირების მომძლავრებას თქვენს ნაწლავებში. გაზრილი აირები ხელს შეუწყობს ბოყინს. თუ ისედაც გაქვთ რეფლუქსი, კიდევ უფრო მეტი შემოვა მარილმჟავა.

საღამოს საათებში საკვების მიღებას უნდა მოერიდოთ. თუ თქვენ აპირებთ დაძინებას და ერთი საათით ადრე შეჭამეთ საკვები, დაწოლისას მარილმჟავა ამოვა საყლაპავში. ჩვენ ერთ ჯერზე გვიყვარს ყველაფრის მიღება. ეს არ არის სწორი მიდგომა. სჯობს ბევრი საკვები მივიღოთ, მაგრამ გავანაწილოთ მთელ დღეზე. საკვები უნდა დაღეჭოთ რაც შეიძლება კარგად. ასე მას უფრო ნაკლები მოცულობა ექნება და კუჭს მალე არ ამოგივსებთ. როდესაც საღამოს საათებში დაწვებით, ბალიში ყოველთვის გქონდეთ ოდნავ უფრო მაღლა, ვიდრე აქამდე გქონდათ. ფიზიკური აქტივობა ამ დაავდების დროსაც თამაშობს ძალიან დიდ როლს. მედიკამენტები გასტროეზოფაგური რეფლუქსის პრობლემას მხოლოდ დროებით აგვარებს. რაც შეეხება ცხოვრების სტილს, ის მას მოაგვარებს უფრო დიდი ხნის განმავლობაში,“- აღნიშნულ საკითხზე გიორგი ღოღობერიძემ „მთავარი არხის“ გადაცემაში „მთავარი დიაგნოზი“ ისაუბრა.

წყარო: ​„მთავარი დიაგნოზი“

შეიძლება დაინტერესდეთ

როგორ უნდა მივხვდეთ, რომ გრიპით დაავადებული პაციენტის მდგომარეობა უარესდება - გიორგი ღოღობერიძე გვირჩევს

როგორ უნდა მივხვდეთ, რომ გრიპით დაავადებული პაციენტის მდგომარეობა უარესდება - გიორგი ღოღობერიძე გვირჩევს

,,დღესდღეობით, ძალიან ბევრ ადამიანს აწუხებს ცხელება, გამოხატული სისუსტე, კუნთებისა და სახსრების ტკივილები - პანიკდებიან და არ იციან, რა გააკეთონ. ამჟამად, ერთდროულად ბევრი ვირუსული ინფექციაა გავრცელებული. თუმცა, გამოკვეთილია სეზონური გრიპი", - ამის შესახებ ექიმი, გიორგი ღოღობერიძე საუბრობს. 

,,პირველ ყოვლისა, უნდა გახსოვდეთ, რომ როდესაც საუბარია სეზონურ გრიპზე, მას აქვს ინკუბაციური პერიოდი - ანუ, როცა შენ გაქვს კონტაქტი ვინმესთან, ვისაც აქვს ეს დაავადება, შენც გამოგივლინდება ეს ნიშნები - საშუალოდ, 2 დღეში. რით ვლინდება? აქვს ტიპური სამი ნიშანი: ცხელება (37.8 გრადუსიდან - 40/41 გრადუსამდე), პაციენტს აქვს არაპროდუქციული ხველა (ახველებს მშრალად) და კუნთების ტკივილი. ეს 3 ნიშანი შეიძლება, არ შეგვხვდეს, როდესაც პაციენტის ასაკი არის 65 წელს ზემოთ. 

ვის შეიძლება, დაემართოს გრიპი განსაკუთრებულად მძიმე ფორმით და ვის სჭირდება განსაკუთრებული ყურადღება - ადამიანები, რომელთა ასაკი არის 65 წელს ზემოთ, პაციენტები ფილტვის დაავადებით, გულის დაავადებების მქონე ადამიანები, ონკოპაციენტები. 

როგორ უნდა მიხვდე, რომ პაციენტის მდგომარეობა უარესდება - მესამე დღის შემდეგ ტემპერატურამ უნდა დაიწიოს, მაგრამ თუ რამდენიმე დღის განმავლობაში აიწია, შემდეგ დაიწია და კვლავ აიწია, ეს იმას ნიშნავს, რომ მდგომარეობას თან დაერთო პოტენციურად უკვე ფილტვების ანთება და ეს  არის ძალიან საყურადღებო. შესაძლოა, მხოლოდ ექიმის რეკომენდაციით, საჭირო გახდეს ანტიბიოტიკების დანიშვნა. 

რაც შეეხება პრობლემის მოგვარება - დავიწყოთ იმით, რომ აუცილებელია ბევრი სითხის მიღება. მეორე - თუ ჩვენ მხოლოდ ტემპერატურის დაწევა გვინდა, ყველაზე კარგი ვარიანტი იქნებოდა უშუალოდ ,,პარაცეტამოლი". თუ ადამიანი არის 18 წელს ზემოთ, შესაძლებელია ,,ასპირინის" გამოყენება (დოზებთან დაკავშირებით იხ. ვიდეო) - არავითარ შემთხვევაში ის არ უნდა გამოიყენოთ ბავშვებისთვის. ბავშვებისთვის და ასევე უფროსებისთვის განსაკუთრებულად პოპულარულია ,,იბუპროფენი" და ის ბევრი სახით არის ხელმისაწვდომი", - განმარტავს გიორგი ღოღობერიძე. 


წაიკითხეთ სრულად