როგორია D ვიტამინის პროფილაქტიკური დოზა ზრდასრულებსა და ბავშვებში? - აღნიშნულ თემაზე ბავშვთა ენდოკრინოლოგმა ნინო ხელაძემ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.
,,D ვიტამინი არ არის მხოლოდ ვიტამინი, ეს არის მნიშვნელოვანი ჰორმონი, რომელიც ადრე ეგონათ, რომ მხოლოდ ძვლის და კალციუმისთვის იყო აუცილებელი, თუმცა ახლა დამტკიცდა, რომ მას აქვს ძალიან მნიშვნელოვანი როლი იმუნური სისტემის გაძლიერებისთვის, ალერგიების პრევენციისთვის, სიმსუქნის შემთხვევაში, გულსისხლძარღვთა სისტემის და დიაბეტის პრევენციისთვის (პირველი ტიპის დიაბეტის პრევენციისთვისაც კი), ონკოლოგიური დაავადებების საწინააღმდეგოდ და ბევრი სხვა. აღმოჩნდა, რომ D ვიტამინის რეცეპტორები თავის ტვინშიც კი არის. ამიტომ ყველა უჯრედისა და ორგანოთა სისტემისთვის არის ძალიან აუცილებელი.
ჩვენთან არის სახელმწიფო გაიდლაინი, სტანდარტი, რომლის მიხედვითაც ყველა ბავშვმა, არა აქვს მნიშვნელობა ძუძუთი იკვებება, თუ ხელოვნურზეა, ორ წლამდე უნდა მიიღოს D ვიტამინის პროფილაქტიკური დოზა, 2 წლის შემდეგ, მათ შორის მოზრდილების ჩათვლით, მნიშვნელოვანია და უკვე აქტუალური ხდება, რომ D ვიტამინი მივიღოთ სეზონურად, როცა მზე ვერ იქნება ამ ვიტამინის აქტიური წყარო.
არის გარკვეული საკვები, რომელიც შეგვივსებს მის დანაკლისს, თუმცა ეს საკმაოდ რთულია, რადგან ამ საკვების დიდი რაოდენობით მიღებაა საჭირო. მაგალითად, 10-15 კვერცხი უნდა მიიღოს ბავშვმა, რომ შეივსოს იმ დღის ნორმა D ვიტამინი, რაც წარმოუდგენელია. ამიტომ ხდება აქტუალური, რომ დანამატის სახით მიიღოს ბავშვმა ასაკის გათვალისწინებით შერჩეული დოზა. ეს ეხება ყველა ჯანმრთელ ბავშვს სეზონურად,'' - აღნიშნა ნინო ხელაძემ.
რომელია სამი ყველაზე ძნელად აღსაზრდელი ბავშვი ზოდიაქოს ნიშნის მიხედვით? - ასტროლოგი სოფია ბზეკალავა
ასტროლოგმა სოფია ბზეკალავამ ტელეკომპანია POSTV-ის გადაცემაში „დღის პოსტი" ზოდიაქოს ნიშნების მიხედვით ბავშვების განსხვავებულ ფსიქოტიპებზე ისაუბრა და თითოეული ზოდიაქოს ნიშნის ბავშვისთვის დამახასიათებელ ხასიათის თავისებურებებს გაუსვა ხაზი.
„ბავშვები 12 განსხვავებულ ფსიქოტიპად იყოფიან. ძნელად აღსაზრდელ ბავშვთა რიცხვში შედის სულ რამოდენიმე ნიშანი, ეს არის: ლომი, ვერძი და მორიელი. თუ ეს სამი გყავთ ოჯახში, ჩათვალეთ, რომ თქვენ ყოფილხართ ტანკისტი ომამდე,“ - აღნიშნა სოფია ბზეკალავამ.
ზოდიაქოს ნიშნების მიხედვით ბავშვების ხასიათის თავისებურებების დეტალურ დახასიათებას გაეცანით თანდართულ ვიდეოში.
