Baby Bag

​ონკოლოგიური დაავადებების დიაგნოსტირება საქართველოში უახლესი მაგნიტურ-რეზონანსული ტომოგრაფით

​ონკოლოგიური დაავადებების დიაგნოსტირება საქართველოში უახლესი მაგნიტურ-რეზონანსული ტომოგრაფით

„ნიუ ჰოსპიტალსის“ რადიოლოგიის ცენტრი ყველაზე სრულყოფილი და მძლავრი მაგნიტურ - რეზონანსული ტომოგრაფით არის აღჭურვილი და პაციენტებს უნიკალური შესაძლებლობების მქონე რადიოლოგიურ მომსახურებას სთავაზობს.

Siemens-ის უახლესი 3 ტესლა სიმძლავრის მაგნიტურ-რეზონანსული ტომოგრაფი ორგანოების, ორგანოთა სისტემების და რბილი ქსოვილების სრულყოფილ გამოკვლევას უზრუნველყოფს, მისი გაუმჯობესებული ფუნქციები კი კვლევითი შედეგების 100%-მდე სიზუსტეს განსაზღვრავს.

უფრო ვრცლად საკითხის ირგვლივ ​MOMSEDU.GE-ს „ნიუ ჰოსპიტალსის“ რადიოლოგი, ნათია კბილაშვილი ესაუბრება:

რა შესაძლებლობებით გამოირჩევა უახლესი მაგნიტურ-რეზონანსული ტომოგრაფი და რა უპირატესობები აქვს არსებულ ტომოგრაფებთან შედარებით?

უახლესი ტომოგრაფის უპირატესობა მისი გაუმჯობესებული შესაძლებლობები და დიზაინია, რაც კვლევის პროცესს მაქსიმალურად ეფექტურსა და კომფორტულს, კვლევით შედეგებს კი უპრეცედენტოდ ინფორმატიულს ხდის.

Siemens MAGNETOM VIDA უმაღლესი ხარისხის და გარჩევადობის გამოსახულების მიღებას უპრეცედენტო, 50-70%-ით შემცირებულ დროში უზრუნველყოფს - გარკვეული ზონების კვლევას მხოლოდ 2 წუთი სჭირდება, 40 წუთის განმავლობაში კი შეგვიძლია მივიღოთ ინფორმაცია მთლიანი სხეულის მდგომარეობის შესახებ (წინამორბედი ტომოგრაფების შემთხვევაში მთლიანი სხეულის კვლევას დაახლოებით 90 წუთი სჭირდება).

  • მისი საშუალებით ვიკვლევთ არა მარტო ცალკეულ ორგანოებს და ორგანოთა სისტემებს, არამედ მთლიან სხეულს უჯრედულ დონეზე;
  • ახალი ტომოგრაფის ერთ-ერთი მნიშვნელოვანი ფუნქცია ძველი მონაცემების დამახსოვრება და განმეორებითი კვლევის განხორციელებისას, ცვლილებების გამოვლენაა;
  • მსოფლიოში პირველი BioMatrix ტექნოლოგია კვლევის განხორციელების პროცესს მაქსიმალურად კომფორტს ხდის, პაციენტისთვის: კვლევის პროცესში, პოზიციის ცვლილებისა და მოძრაობის შემთხვევაში, კვლევა ხელმეორედ ჩატარებას აღარ საჭიროებს; გარკვეული კვლევების განხორციელებისთვის, სუნთქვის შეკავება აღარ არის აუცილებელი;
  • ფართო გვირაბი და ვენტილაციის გაუმჯობესებული სისტემა ჭარბწონიანი (250 კგ.-მდე) პაციენტების გამოკვლევას ხდის შესაძლებელს;

რამდენად მნიშვნელოვანია უახლესი ტომოგრაფის შესაძლებლობები ონკოლოგიური დაავადებების დიაგნოსტირებისას?

სტატისტიკურ მონაცემებზე დაყრდნობით, ჩვენს ქვეყანაში ონკოლოგიური პათოლოგიებით სიკვდილობა მეორე ადგილზეა. ამდენად, სიმსივნის ადრეული დიაგნოსტირება და მისი გამოვლენა თანამედროვე კლინიკური მედიცინის უმნიშვნელოვანესი საკითხია, მთელს მსოფლიოში.

მაგნიტურ-რეზონანსული ტომოგრაფია რადიოლოგიურ კვლევებს შორის ყველაზე ინფორმატიული მეთოდია, რომელიც ორგანიზმის მდგომარეობის შესახებ დეტალურ ინფორმაციას გვაწვდის. მრ. ტომოგრაფია გამოიყენება როგორც დიაგნოსტირების, ასევე მკურნალობის (ქირურგიული თუ არაქირურგიული) ტაქტიკის განსაზღვრისა და მკურნალობის შემდგომი მონიტორინგის მიზნით. ის საშუალებას გვაძლევს, დავადგინოთ პათოლოგიური კერის ლოკალიზაცია და ხასიათი, ანატომიური თუფუნქციური.

რა როლი აქვს მაგნიტურ-რეზონანსულ ტომოგრაფიას ონკოლოგიური დაავადებების ადრეულ დიაგნოსტირებაში?

მაგნიტურ-რეზონანსული ტომოგრაფია ონკოლოგიური დაავადებების ადრეული დიაგნოსტირების ოქროს სტანდარტად აღიარებული მეთოდია. ის საშუალებას გვაძლევს გამოვავლინოთ განსხვავება ნორმალურ და პათოლოგიურ ქსოვილებს შორის, რაც შესაძლებელს ხდის ონკოლოგიური დაავადებები, განვითარების ნებისმიერ ეტაპზე გამოვლინდეს, მაშინაც კი, როდესაც წარმონაქმნი ძალიან მცირე ზომისაა.

კვლევის რამდენად უსაფრთხო მეთოდია მაგნიტურ - რეზონანსული ტომოგრაფია?

კვლევის სხვა მეთოდებისგან განსხვავებით, რომლებიც მაიონიზირებელ გამოსხივებას (რადიაციას) იყენებენ, მაგნიტურ-რეზონანსული ტომოგრაფია მაღალი ხარისხის გამოსახულებას ძლიერი მაგნიტური ველისა და რადიოტალღების საშუალებით ქმნის - მაგნიტურ რეზონანსულ ტომოგრაფს არ აქვს რადიაცია, რაც კვლევის ამ მეთოდს სრულიად უსაფრთხოს ხდის, მათ შორის ჩვილებისა და ორსულებისთვის.

R. 

„ნიუ ჰოსპიტალსში“ გულის თანდაყოლილი მანკის დიაგნოსტირება ნაყოფის დონეზეა შესაძლებელი - სას...
გულის თანდაყოლილი პათოლოგიები გულის სტრუქტურის დარღვევაა, რომლითაც ბავშვი იბადება. მისი ჩამოყალიბება ძირითადად ორსულობის პირველი 6-8 კვირის განმავლობაში ხდება. გულის თანდაყოლილი მანკით დაავადებულების...
მხედველობის ლაზერული კორექციის უახლესი ტექნოლოგია „ნიუ ჰოსპიტალსშია“
„ნიუ ჰოსპიტალსის“ ოფთალმოლოგიის ეროვნული ცენტრი კარლ ცაისის წარმოების, ყველაზე თანამედროვე ფემტო-ექსიმერული ლაზერით (Zeiss Visumax Femtosecond / Excimer Laser Mel-90) აღიჭურვა და პაციენტებს მხედველობი...

შეიძლება დაინტერესდეთ

„ნიუ ჰოსპიტალსში“ „მეიოს კლინიკის“ პედიატრიული მიმართულების ექიმები სემინარებს გამართავენ

„ნიუ ჰოსპიტალსში“ „მეიოს კლინიკის“ პედიატრიული მიმართულების ექიმები სემინარებს გამართავენ

19-20 სექტემბერს „ნიუ ჰოსპიტალსს“ ამერიკის საუკეთესო ჰოსპიტალის, „მეიოს კლინიკის“ დელეგაცია ეწვევა და ბავშვთა ჯანმრთელობის ცენტრის სამედიცინო პერსონალისთვის სემინარებს გამართავს.

ვიზიტის ფარგლებში მსოფლიოს წამყვანი კლინიკის ექიმები „ნიუ ჰოსპიტალსის“ სამედიცინო პერსონალს გაუზიარებენ ცოდნას და გამოცდილებას ბავშვთა დაავადებების რადიოლოგიურ ჭრილში დიაგნოსტირებისა და მართვის თანამედროვე მიდგომების შესახებ. სემინარებზე დასწრება ასევე შესაძლებელი იქნება პედიატრებისა და ბავშვთა მედიცინის დარგში ჩართული ყველა ექიმისთვის.

სემინარებს გაუძღვებიან „მეიოს კლინიკის“ მედიცინისა და მეცნიერების სკოლის პედიატრიის მიმართულების პროფესორი, ნეონატალური და პერინატალური მედიცინის პროგრამის დირექტორი, უილიამ ქერი და „მეიოს კლინიკის“ უნარჩვევების და პროცედურების მენეჯერი, ქენდი ჰობსი. ღონისძიებაზე წარმოდგენილი იქნება პედიატრიის აქტუალური საკითხები:

19 სექტემბერს, 11:00-დან 14:00 საათამდე

  • ღია არტერიული სადინარის დროს მართვა, უილიამ ქერი
  • ჰოსპიტალური და ვენტილატორ ასოცირებული პნევმონიები, ქენდი ჰობსი

19 სექტემბერს, 15:00-დან 18:00 საათამდე

  • ბრონქიოლიტი, უილიამ ქერი
  • წყლულოვან ნეკროზული ენტეროკოლიტი, ქენდი ჰობსი

20 სექტემბერს, 11:00-დან 14:00 საათამდე

  • პედიატრიულ-რადიოლოგიური ვიზუალიზაცია, უილიამ ქერი
  • პერიფერიული მიდგომით ცენტრალური კათეტერის რენტგენოლოგიური შეფასება, ქენდი ჰობსი

„ბავშვთა ჯანმრთელობის ცენტრი“ მრავალპროფილურ კლინიკა „ნიუ ჰოსპიტალსში“ 2019 წლიდან ფუნქციონირებს და პაციენტებს 24 საათის მანძილზე ემსახურება. სრული პედიატრიული მომსახურების მქონე ცენტრი დაკომპლექტებულია დარგის წამყვანი სპეციალისტებით, უპრეცედენტოა ინფრასტრუქტურით, სერვისების ხარისხით და წარმოადგენს ევროპული სტანდარტების პედიატრიულ კლინიკას საქართველოში.

R.

წაიკითხეთ სრულად