Baby Bag

,,ორსულობის დროს ყავის მიღება ნაყოფის ჯანმრთელობის მდგომარეობაზე უარყოფითად აისახება"

,,ორსულობის დროს ყავის მიღება ნაყოფის ჯანმრთელობის მდგომარეობაზე უარყოფითად აისახება"

,,ორსულობის დროს ყავის მიღება ნაყოფის ჯანმრთელობის მდგომარეობაზე უარყოფითად აისახება. ასეთია ბავშვთა ჯანმრთელობისა და ადამიანის განვითარების ეროვნული ინსტიტუტის  მეცნიერების უახლესი კვლევის შედეგი", - ამის შესახებ, ,,ტვ ერთსულოვნების" ეთერში, სოფო წულაიასა და ზურაბ დარჯანიას ​სიუჟეტშია ნათქვამი.

,,აღნიშნული ინფორმაცია სამედიცინო დაწესებულების ოფიციალურ ვებგვერდზეა განთავსებული. როგორც სტატიებში ვკითხულობთ, კვლევაში  2 000-მდე ფეხმძიმე ქალი მონაწილეობდა. მოხალისეები ორსულობის პირველ ტრიმესტრში იმყოფებოდნენ. მკვლევრებმა ისინი ორ ნაწილად დაჰყვეს. პირველ ჯგუფს შეეძლო დღეში ნახევარი ფინჯანი ყავის მიღება, მეორე ჯგუფის წევრები კი კოფეინის შემცველ ნივთიერებებს საერთოდ არ იღებდნენ. კვლევის შედეგების მიხედვით, იმ მშობლების ბავშვები, რომლებიც ყავას იღებდნენ, მცირეწონიანები იყვნენ. როგორც მედიკოსები განმარტავენ. წონის პრობლემის მქონე პატარებს მოზარდობისა და დიდობის პერიოდში ხშირად გულსისხლძარღვთა დაავადებები და შაქრიანი დიაბეტისადმი მიდრეკილება აქვთ. სამედიცინო სფეროს წარმომადგენლები ორსულ ქალებს ურჩევენ, ორსულობის პერიოდში ყავის მიღებაზე უარი თქვან ან მაქსიმალურად შეამცირონ დოზები", - აღნიშნულია სიუჟეტში.

შეიძლება დაინტერესდეთ

რომელმა ვირუსებმა შეიძლება მოახდინოს ორსულობის მიმდინარეობაზე უარყოფითი ზეგავლენა? - მეან-გინეკოლოგი მაკა ჩიქოვანი

რომელმა ვირუსებმა შეიძლება მოახდინოს ორსულობის მიმდინარეობაზე უარყოფითი ზეგავლენა? - მეან-გინეკოლოგი მაკა ჩიქოვანი

მეან-გინეკოლოგმა მაკა ჩიქოვანმა ის ვირუსები დაასახელა, რომელიც ორსულებისა და ნაყოფის ჯანმრთელობაზე ნეგატიურ ზეგავლენას ახდენს:

„რაც შეეხება ვირუსებს, რომლებმაც ორსულობის მიმდინარეობაზე შეიძლება ზეგავლენა მოახდინოს, მედიცინაში ვიყენებთ ტერმინს TORCH ინფექციები. ეს აბრევიატურა მოიცავს იმ ძირითად წამყვან ვირუსებსა და ბაქტერიებს, რომლებსაც შეიძლება ჰქონდეს ზეგავლენა ქალის ჯანმრთელობაზე და შემდგომ უკვე ნაყოფისა და ახალშობილის სიკვდილობასა და ავადობაზე. მასში გაერთიანებულია, მაგალითად, ტოქსოპლაზმა, რომელიც განსხვავებული ტიპის მიკრობს წარმოადგენს. მასში შედის წითურა, ზიკა ვირუსი (ორი-სამი წლის წინ პანდემია იყო და ბრაზილიაში რეკომენდაციას იძლეოდნენ, რომ ცოტა ხანს ორსულობისგან თავი შეეკავებინათ, იმდენად ცუდი და სავალალო შედეგები იყო).

წითურას ვირუსი, ყველას მოეხსენება, რომ მნიშვნელოვნად არასასურველია ორსულებისთვის.  TORCH ინფექციებში შედის ციტომეგალოვირუსი, რომელიც ყველაზე გავრცელებული ვირუსია დღეს. ასევე ჰერპეს ვირუსი, რომელიც ყველაზე გავრცელებულ სქესობრივი გზით გადამდებ ვირუსულ დაავადებას წარმოადგენს წყვილებს შორის,“ - მოცემულ საკითხზე მაკა ჩიქოვანმა საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო: ​„პირადი ექიმი - მარი მალაზონია“ 

წაიკითხეთ სრულად