Baby Bag

„ლარიფანის“ ინექციები კორონავირუსის წინააღმდეგ - რეკომენდაციები „ლარიფანის“ ავტორისგან, პროფესორ გუნა ფელდმანესგან

„ლარიფანის“ ინექციები კორონავირუსის წინააღმდეგ - რეკომენდაციები „ლარიფანის“ ავტორისგან, პროფესორ გუნა ფელდმანესგან

„გამომდინარე იქიდან, რომ აქამდე გამოყენებული გრიპის ვაქცინა არ არის განკუთვნილი კორონავირუსის საწინააღმდეგოდ და ახალი საყოველთაო საფრთხის - ჩინეთიდან წამოსული კორონავირუსის უახლესი სეროტიპისგან დაცვის დიდი არჩევანი არ გაგვაჩნია, წინამდებარე რეკომენდაციები და ცნობები „ლარიფანზე“ განსაკუთრებით საყურადღებოდ მიგვაჩნია.

Coronavirus 2019-nCoV ვირუსთან დაკავშირებით ჩინეთის სახალხო რესპუბლიკაში და მსოფლიოში განვითარებული ბოლოდროინდელი დრამატული მოვლენებიდან გამომდინარე, გვსურს რეკომენდაცია გავუწიოთ ანტივირუსულ პრერატ „ლარიფანს“, როგორც ეფექტურ საპროფილაქტიკო და სამკურნალო საშუალებას ვირუსული ინფექციების, მათ შორის კორონა ვირუსებით განპირობებული ინფექციების წინააღმდეგ.

სავარაუდოდ, „ლარიფანი“ ვერ გამოასწორებს ავადმყოფთა ჯანმრთელობის მდგომარეობას იმ რეგიონებში, სადაც უკვე პიკს აღწევს ინფიცირების მაჩვენებლი, მაგრამ გვაქვს საფუძველი ვიფიქროთ, რომ „ლარიფანის“ საშუალებით შევძლებთ შევამციროთ ვირუსით ინფიცირების რისკი სხვა რეგიონებში, გამომდინარე იქიდან, რომ „ლარიფანი“ არის ფართო სპექტრის ანტივირუსული პრეპარატი და მისი მაღალეფექტურობა კორონავირუსებთან მიმართებაში დადასტურდა არაერთი კლინიკური დაკვირვებით. რაც შეეხება ინფექციის ეპიცენტრებს, ანუ წითელ რეგიონებს - ამ რეგიონებში საჭიროა სპეციფიკური ვაქცინის გამოყენება, რომლის შექმნასაც დასჭირდება გარკვეული პერიოდი, რა დროშიც ინფექცია შესაძლებელია, გავრცელდეს სხვა - ჯერ კიდევ მწვანე რეგიონებში.

„ლარიფანის“ აქტიური ნივთიერება არის ორსპირალური რიბონუკლეინის მჟავა, რომლის წარმოებაც ხდება ლატვიაში, კომპანია „Larifans Ltd“-ს მიერ.

გვსურს, საზოგადოების ყურადღება შევაჩეროთ „ლარიფანის“ ინექციებზე, როგორც საპროფილაქტიკო საშუალებაზე - Coronavirus 2019-nCoV -ის პანდემიის საშიშროებით გამოწვეულ ექსტრემალურ პირობებში. „ლარიფანის“ ეს ფორმა ლატვიაში დარეგისტრირდა, როგორც იმუნომოდულატორი ანტივირუსული მოქმედებით 1990 წელს და მას შემდეგ ის გამოიყენება ამ მიმართულებით ლატვიაში, ლიტვაში, ესტონეთში და ევროპის სხვა ქვეყნებში.

არაექსტრემალურ პირობებში, როდესაც არ არსებობს ვირუსული ინფექციის პანდემიის საშიშროება, ვირუსის პროფილაქტკისითვის, როგორც წესი, გამოიყენება „ლარიფანის“ სხვა ფორმები (მალამო, სპრეი, ლარინგო, ტუჩსაცხი და რიგ შემთხვევებში რექტალური სანთლები), მაგრამ დღეისთვის არსებული მდგომარეობა გვაიძულებს, მეტი ყურადღებით მოვეკიდოთ საინექციო ფორმას, რომელიც სპეციალურად შექმნილია მძიმედ მიმდინარე, განსაკუთრებით აგრესიული, ახალი და იშვიათი ვირუსების გასანეიტრალებლად. გამომდინარე იქიდან, რომ „ლარიფანი“ თრგუნავს ვირუსის უჯრედშიდა გამრავლებას ეტაპზე, რომელიც საერთოა პრაქტიკულად ყველა ვირუსისთვის - მას აქვს გამოხატული ფართო სპექტრის ანტივირუსული მოქმედება.

„ლარიფანის“ აქტიური ნივთიერება არის ბუნებრივი წარმოშობის ორსპირალური რიბონუკლინის მჟავა, რომელიც მიიღება არაპათოგენური ბაქტერიისგან შესაბამისი ფაგით მისი ბიოტექნოლოგიური გზით წინასწარი ინფიცირების შემდგომ.

გარდა ძლიერი ანტივირუსული მოქმედებისა, „ლარიფანს“ აქვს უნარი, მნიშვნელოვნად გააძლიეროს ორგანიზმის იმუნური სისტემა და ბუნებრივი დაცვითი ფუნქციები (ინტერფერონების ინდუქციის გზით) და მით უფრო ეფექტურია სხვადასხვა ინფექციისგან თავის დასაცავად.

ორსპირალური რიბონუკლინის მჟავა „ლარიფანის“ (ორნმ „ლარიფანი“) ანტივირუსული ეფექტი დადასტურებულია სხვადასხვა კლინიკური დაკვირვებით ლატვიისა და ევროპის სხვა ქვეყნების კლინიკებსა და კვლევით ცენტრებში ბოლო 30 წლის განმავლობაში.

განსაკუთრებით თემატურია ლატვიური გამოცდილება „ლარიფანის“ სპრეის გამოყენებისა ინჰალაციების სახით 1990 წლის გრიპის ეპიდემიის დროს. სპრეის გამოყენება ინჰალაციის სახით ხდებოდა დაინფიცირებულ პაციენტებსა და მათთან კონტაქტში მყოფ ადამიანებში. შედეგად, მიღებულ იქნა შემდეგი სურათი - 2500 პაციენტიდან, სადაც გამოიყენეს სპრეის ინჰალაცია, გამოჯანმრთელება დადგა 36-48 საათში პაციენტთა 100%-ში, ხოლო კონტაგიოზურ ადამიანთაგან არ დაავადებულა არც ერთი მიუხედავად იმისა, რომ ისინი აქტიურ კონტაქტში იყვნენ ოჯახის დაინფიცირებულ წევრებთან.

2009 წელს, მაშ შემდეგ რაც გამოქვეყნდა „ლარიფანის“ უსაფრთხოების კვლევის კეთილსაიმედო შედეგები, რომლებიც ადასტურებდნენ „ლარიფანის“ უსაფრთხოების უმაღლეს პროფილს, ჩატარდა კლინიკური დაკვირვება ბავშვებზე. კვლევაში მონაწილეობდნენ ბავშვები 1 თვის ასაკიდან 12 წლამდე. აღნიშნული კლინიკური დაკვირვების პირობებში მიმდინარეობდა „ლარიფანის“ სანთლებით მეორადი იმუნოდეფიციტის და გრიპის მკურნალობა ხშირად მოავადე ბავშვებში. კვლევის შედეგებმა დაადასტურა „ლარიფანის“ მაღალეფექტურობა.

დღეისათვის 2019-nCoVსწრაფად გავრცელებისა და მსოფლიო პანდემიის რისკიდან გამომდინარე, ჩვენ რეკომენდაციას ვუწევთ „ლარიფანის“ ინექციებს და/ან რექტალურ სუპოზიტორიებს ვირუსით ინფიცირების მაღალ დონეზე პროფილაქტიკისთვის ყოველგვარი გვერდითი მოვლენების გარეშე.“

Guna Feldmane. Larifan ltd. Riga. Latvia

R

შეიძლება დაინტერესდეთ

დაინფიცირებულთა რიცხვი ჩინეთში 90 000-მდე გაიზარდა - პოპულარული მითები კორონავირუსის შესახებ

დაინფიცირებულთა რიცხვი ჩინეთში 90 000-მდე გაიზარდა - პოპულარული მითები კორონავირუსის შესახებ

კორონავირუსით უკვე 100-ზე მეტი ადამიანია გარდაცვლილი. დაინფიცირებულთა რიცხვი კი 4500-მდე გაიზარდა, რის გამოც ჩინეთის დიდი აეროპორტებიდან ფრენები აიკრძალა. ჩინეთსა და მსოფლიოში ვირუსთან ერთად დეზინფორმაციაც სწრაფად გავრცელდა. ადამიანების ცრუ ინფორმაციისგან დაცვის მიზნით, BBC-ს მონიტორინგის სამსახურმა კორონავირუსის შესახებ გავრცელებულ ყველაზე პოპულარულ მითებს მოუყარა თავი, რომლებსაც ჩვენს სტატიაში გაგაცნობთ.


• ღამურას წვნიანის მომზადების ვიდეოები

კორონავირუსის პირველი შემთხვევების გამოვლენისთანავე ადამიანებმა დაიწყეს მსჯელობა მისი წარმოშობისა და გამომწვევი მიზეზების შესახებ. უხანში სიკვდილიანობის ზრდით გამოწვეული მღელვარება კიდევ უფრო გაამწვავა ინტერნეტში გავრცელებულმა ვიდეოებმა, რომლებშიც ადამიანები ღამურას წვნიანს ამზადებდნენ. ერთ-ერთ ვიდეოში ნაჩვენები იყო ჩინელი ქალი, რომელსაც მოხარშული ღამურა კამერასთან მოაქვს და ამტკიცებს, რომ ღამურა ქათამივით გემრიელია. საზოგადოება ნანახმა შოკში ჩააგდო. ადამიანები ვირუსის გამომწვევ მთავარ მიზეზად ჩინური კვების კულტურას და ჩვევებს ასახელებდნენ. როგორც აღმოჩნდა, აღნიშნული ვიდეო ჩინეთში არ არის გადაღებული. ღამურას წვნიანის მომზადების კადრები 2016 წელს ცნობილმა ბლოგერმა პალაუს არქიპელაგზე გადაიღო.

ინტერნეტში ვიდეოს მასობრივი გავრცელების შემდეგ, ბლოგერმა საზოგადოებას მოუბოდიშა და აღნიშნა, რომ მას მხოლოდ პალაუს არქიპელაგზე მცხოვრები ხალხის ყოველდღიური ყოფის გადაღება სურდა. ქალბატონი ვონგის თქმით, მან არ იცოდა, რომ ღამურები ვირუსის მატარებლები იყვნენ. ჩინეთში ვარაუდობენ, რომ კორონავირუსის გავრცელებას ზღვის პროდუქტების ბაზარზე არალეგალურად შეტანილმა პროდუქტებმა შეუწყო ხელი. ჩინეთში ჩატარებულმა უახლესმა კვლევებმა, ღამურა ვირუსის პოტენციურ მატარებლად მართლაც დაასახელა, თუმცა, როგორც წესი, ჩინელები ღამურებს საკვებად არ იყენებენ, რის გამოც ვირუსის გავრცელების მთავარი წყაროს ძიება ჯერ კიდევ აქტიურად მიმდინარეობს.

• წინასწარ დაგეგმილი ეპიდემია

ამერიკის შეერთებულ შტატებში კორონავირუსის პირველივე შემთხვევის გამოვლენისთანავე Facebook-სა და Twitter-ზე უამრავი ყალბი დოკუმენტაცია გავრცელდა, რომელთა მიხედვით ვირუსის შესახებ ინფორმაცია ექსპერტებს წლების განმავლობაში ჰქონდათ. ერთ-ერთი პირველი მომხმარებელი, რომელმაც აღნიშნული ცრუ ინფორმაციის გავრცელებას ხელი შეუწყო იუთუბერი ჯორდან საზერია. მის მიერ ინტერნეტში გავრცელებული ვიდეო ათასობით ადამიანმა გააზიარა. საზერი ამტკიცებდა, რომ 2015 წელს დიდ ბრიტანეთში სპეციალურად შეიქმნა ნაკლებად აგრესიული ფორმის კორონავირუსი, რომელსაც რესპირატორული ვირუსის საწინააღმდეგო ვაქცინებში იყენებდნენ. შეთქმულების თეორიის მხარდამჭერებმა და ვაქცინაციის მოწინააღმდეგეებმა აღნიშნული ვიდეორგოლის Facebook-ზე გავრცელება წარმატებით შეძლეს. საზერის თქმით, კორონავირუსის მსუბუქი ფორმის ვაქცინაციისთვის გამოყენება ბილ და მელინდა გეიტსების ფონდმა დააფინანსა. იუთუბერი თავის პოსტში აღნიშნავდა, რომ გეიტსებმა ვაქცინის შესაქმნელად უამრავი თანხა დახარჯეს, რაც მათ გამიზნულად გააკეთეს. საზერი ვარაუდს გამოთქვამდა, რომ ვირუსის გავრცელება წინასწარ იყო მოფიქრებული, მედია კი შიშის გაძლიერებას უწყობდა ხელს.

პირბრაითის ინსტიტუტი, რომელსაც ბილ და მელინდა გეიტსების ფონდი მართლაც აფინანსებს, რეალურად ახალი ტიპის კორონავირუსის პატენტს არ ფლობს. ინსტიტუტს მართლაც აქვს ფრინველის გრიპის ვაქცინა, რომელმაც ჩინეთში რამდენიმე წლის წინ იფეთქა. ინსტიტუტის წარმომადგენლების განცხადებით, უშუალოდ ფრინველის გრიპის ვირუსის ვაქცინაზე მუშაობა ბილ და მელინდა გეიტსების ფონდს არ დაუფინანსებია.

• ჭორები ბიოლოგიური იარაღის შესახებ

ერთ-ერთი უსაფუძვლო ბრალდება, რომელიც კორონავირუსის წარმოშობის შესახებ გავრცელდა, ჩინეთის საიდუმლო ბიოლოგიური იარაღის პროგრამის შესახებ გავრცელებული მითია. ინტერნეტში მომხმარებლები აქტიურად აზიარებდნენ პოსტებს, რომლებშიც საუბარი იყო უხანის ვირუსოლოგიის ინსტიტუტში ჩატარებული საიდუმლო კვლევების შესახებ, რამაც ადამიანების დაინფიცირება გამოიწვია.

ჭორების გავრცელებას ხელი შეუწყო ისრაელის სამხედრო დაზვერვის ყოფილი ოფიცრის განცხადებამ, რომელიც ამტკიცებდა, რომ უხანის ვირუსების კვლევის ინსტიტუტს ჩინეთის ბილოგიური იარაღის პროგრამასთან აქვს კავშირი. ოფიცრის განცხადება მტკიცებულებებით გამყარებული არ არის. მიუხედავად ამისა, ბიოლოგიური იარაღისა და უხანის საიდუმლო ვირუსოლოგიური კვლევების შესახებ გავრცელებულმა ჭორებმა ინტერნეტი დაიპყრო.

• საიდუმლო აგენტების გამოყენება ვირუსის გასავრცელებლად

ერთ-ერთი მითი, რომელიც კორონავირუსის შესახებ გავრცელდა, დაავადების გავრცელებაში კანადის ეროვნული მიკრობიოლოგიური ლაბორატორიიდან დათხოვნილ მკვლევარს ადანაშაულებს. ჩინელი ვირუსოლოგი თავის მეუღლესთან და ჩინელ სტუდენტებთან ერთად ლაბორატორიიდან მეთოდური დარღვევების ბრალდებით გაათავისუფლეს. ერთ-ერთ პოსტში აღნიშნული იყო, რომ კანადის ლაბორატორიიდან დათხოვნილი ვირუსოლოგი უხანის ბიოუსაფრთხოების ლაბორატორიას ერთი წლის განმავლობაში 2-ჯერ სტუმრობდა. ყოველგვარ მტკიცებულებაზე დაყრდნობის გარეშე ადამიანები ამტკიცებდნენ, რომ ჩინელმა ვირუსოლოგმა და მისმა გუნდმა უხანში პათოგენის გავრცელებას შეუწყვეს ხელი. ინტერნეტ მომხმარებელთა აზრით, ჩინელი ვირუსოლოგი და მისი თანაგუნდელები საიდუმლო აგენტები არიან, რომლებიც უხანში ვირუსის გავრცელების მიზნით ჩავიდნენ. კანადა გავრცელებულ ჭორებს უარყოფს და მათ უსაფუძვლოდ მიიჩნევს.

• უხანელი მედდის ვიდეო

უხანელი „მედდის“ ან „ექიმის“ ვიდეომ ინტერნეტის დაპყრობა მარტივად შეძლო. მსგავსი შინაარსის ვიდეორგოლები ინტერნეტში აქტიურად ვრცელდებოდა, თუმცა მათ შორის ყველაზე პოპულარული კორეელი მომხმარებლის მიერ Youtube-ზე ატვირთული ვიდეო აღმოჩნდა, რომელსაც კორეული და ინგლისური ტიტრები ჰქონდა დართული. პოპულარული ვიდეო გვაცნობს ქალბატონს, რომელიც უხანის კლინიკაში მედდად მუშაობს, თუმცა ის თავად არაფერს ამბობს თავისი საქმიანობის ან თანამდებობის შესახებ. ე.წ. მედდა გაურკვეველ ადგილას არის გადაღებული. ის ხალათსა და პირბადეს ატარებს, თუმცა, როგორც აღმოჩნდა, მისი ჩაცმულობა მნიშვნელოვნად განსხვავდება უხანის კლინიკის პერსონალის ჩაცმულობისგან. ქალბატონის მტკიცებით, დაინფიცირებულთა რიცხვი ჩინეთში 90 000-მდე გაიზარდა, თუმცა მთავრობა სიმართლის თქმისგან თავს იკავებს. მის მიერ კორონავირუსის შესახებ გამოთქმული მოსაზრებები საკმაოდ უსაფუძვლოა, რის გამოც, საეჭვოა, რომ ის მართლაც მედდად მუშაობდეს. გარდა ამისა, უხანიდან ვიდეოების ატვირთვა და მათი ვერიფიკაცია საკმაოდ გართულებულია, რაც გვაფიქრებინებს, რომ ვიდეოში მოსაუბრე ქალბატონი უხანელი მედდა არ არის.

ეპიდემიების გავრცელებას ჭორებისა და მითების სიმრავლე ყოველთვის თან ახლავს, რადგან ადამიანები ცდილობენ გამოიცნონ, საიდან და რატომ ჩნდება ესა თუ ის ვირუსული ინფექცია. კორონავირუსის გავრცელებამ ადამიანების დიდი ნაწილი პანიკაში ჩააგდო. მათი შიშები დეზინფორმაციის სიჭარბემ კიდევ უფრო გაამძაფრა. 

მომზადებულია ​​bbc.com​-ის მიხედვით

თარგმნა ია ნაროუშვილმა

წაიკითხეთ სრულად