3 წლის წინ

ექიმი ნანა სხილაძე მედიკამენტების მიღების შესახებ საკუთარ ბლოგზე წერს. გთავაზობთ მის ნათქვამს სიტყვა-სიტყვით:

„პარაცეტამოლი შეგიძლიათ, დალიოთ 38-38.5 გრადუსზე მეტი ტემპერატურის დროს, 500 მგ-იანი 1 ცალი ტაბლეტი ზრდასრულებმა. ნუროფენი უფრო ეფექტურია ბავშვებში. პარაცეტამოლი შეგიძლიათ დალიოთ 5-6 საათში ერთხელ მხოლოდ!

პარაცეტამოლი მოქმედებს როგორც სიცხის დამწევი მხოლოდ 38 გრადუსზე მეტ ტემპერატურაზე. უფრო ნაკლებ ტემპერატურაზე სიცხეს არ დაგიწევთ. მხოლოდ მსუბუქი ტკივილგამაყუჩებელი ეფექტი აქვს.

გაითვალისწინეთ, რომ პარაცეტამოლს ჭარბ დოზებში აქვს მძიმე ჰეპატოტოქსიური ეფექტები. მიღების დოზებს მოეკიდეთ ძალიან ფრთხილად და მოიხმარეთ საჭიროებისამებრ.

ნიმესილი - ეს პრეპარატი არ მიიღოთ! ამერიკაში და ევროპის ძალიან ბევრ ქვეყანაში ნიმესილი უბრალოდ აკრძალულია. იმიტომ, რომ გაცილებით მეტი ზიანი მოაქვს, ვიდრე სარგებელი. კი, მესმის, ტკივილს შეიძლება ყველაზე კარგად აყუჩებს, მაგრამ როგორც გითხარით, ძალიან, ძალიან მავნეა ორგანიზმისთვის.

ანტიბიოტიკები - არავითარ შემთხვევაში არ მიიღოთ თვითნებურად! ანტიბიოტიკი მოქმედებს ბაქტერიებზე. ჩვენს ორგანიზმში ძალიან ბევრი „მეგობარი“ ბაქტერიაა და ანტიბიოტიკი ასუსტებს მათ. შესაბამისად, ასუსტებს ორგანიზმსაც! გაითვალისწინეთ, რომ კორონა ვირუსია და არა ბაქტერია. ეს აბსოლიტურად სხვადასხვა ბიოტური ფორმაა!

ანტიბიოტიკი ინიშნება მხოლოდ კორონავისურით გამოწვეული პნევმონიის შემთხვევაში, მაგრამ ექიმის გასინჯვის გარეშე ვერ გაიგებთ, გაქვთ თუ არა პნევმონია.

მეორე მომენტი დოზის და მიღების პერიოდის სწორად შერჩევაა, რაც ექიმმა უნდა გააკეთოს. არასწორი მკურნალობა უფრო სახიფათოა, ვიდრე არმკურნალობა.

ნუ მიიღებთ „იმუნიტეტის გასაძლიერებელ“ პრეპარატებს. ვირუსის არსებობის შემთხვევაში ისინი უფრო მეტად შეუშლიან ხელს ორგანიზმს ბრძოლაში, ვიდრე დაეხმარებიან. ეს იგივეა, სკოლაში გაკვეთილს რომ კარგად ვყვებოდით და ოროსანი მერხის მეგობარი ცდილობდა, წიგნიდან ეკარნახა უმიზნო წინადადებები. ხელს გვიშლიდა, მეტი არაფერი..ასეა აქაც.

ასპირინი და კარდიომაგნილი არ მიიღოთ თვითნებურად. თქვენ ხომ არ იცით მომატებული გაქვთ თუ დე-დიმერი ან ფიბრინოგენი. და თუ არ გაქვთ და მაინც დალევთ, თქვენს ორგანიზმს აუცილებლად ავნებთ!

სითხეების დალევა აუცილებელი და ძალიან მნიშვნელოვანია! წყალი ცალკე 2 ლიტრი მინიმუმ დღეში + ჩაი და დამატებითი სითხეები.

მაქსიმალურად შეინარჩუნეთ სიმშვიდე, გადაიტანეთ ყურადღება რამეზე, დაისვენეთ და მიეცით თქვენს იმუნურ სისტემას საშუალება „კონცენტრირდეს“ ვირუსთან ბრძოლაზე! მას ეს შეუძლია! თქვენს ორგანიზმში 1 და 2 კი არა, ასი ათასობით უჯრედი იბრძვის თქვენი ჯანმრთელობისთვის!

იმოძრავეთ ოთახში ზომიერების ფარგლებში, იყავით ფიზიკურად აქტიურები,“ - წერს ექიმი ნანა სხილაძე.

არ დაგავიწყდეთ !!!
Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

ალერგოლოგ-იმუნოლოგმა მაია გოთუამ ვაქცინაციის შედეგად გამოწვეულ ალერგიულ რეაქციებზე ისაუბრა. მისი თქმით, ალერგიულ რეაქციებს შორის ყველაზე უფრო მძიმეა ანაფილაქსიური რეაქცია:

,,უნდა აღვნიშნოთ, რომ ალერგიულ რეაქციებს შორის ყველაზე უფრო მძიმეა ანაფილაქსიური რეაქცია, რომელიც არის სწრაფი, დაუყოვნებელი და უმეტეს შემთხვევაში პირველ 15-30 წთ-შია. თუ ვაქცინებზე ვისაუბრებთ, ამ შემთხვევაში ანაფილაქსიური რეაქციის გამოვლენის დრო ჩვენს ქვეყანაში 45 წთ-ს არ სცილდება, ნებისმიერი პაციენტისთვის, მას ალერგიული რეაქციები ისტორიაში ჰქონდა თუ არა. აუცილებლად გასათვალისწინებელია, როგორი რეაქტიულობა, პასუხი ჰქონდა ადამიანს წარსულში გაკეთებულ ვაქცინაზე.

სადღეისოდ, ვაქცინები, რომელებიც გამოიყენება პანდემიის სამკურნალოდ, არის განსაკუთრებული ხარისხის, რაშიც იგულისხმება ის, რომ იქ არ არის არც კვერცხი, არც ჟელატინი და არც ანტიბიოტიკი,'' - აღნიშნა მაია გოთუამ.

წყარო: ,,პირადი ექიმი-მარი მალაზონია"

წაიკითხეთ სრულად

შეიძლება დაინტერესდეთ