პედიატრი ეკა უბერი მშობლებს ამშვიდებს

ჯანმრთელობა

„ძალიან კარგი ამბავია... პანდემია უკვე აღარ იქნება! ყველაფერი დასრულდა ისე, როგორც ჩვენ გვინდოდა,“ - გიორგი ღოღობერიძე

2 წლის წინ

​ექიმმა გიორგი ღოღობერიძემ 7 აპრილს საქართველოში კოვიდით გარდაცვალების შემთხვევების არარსებობაზე ისაუბრა და საზოგადოებას კიდევ ერთხელ შეახსენა კორონავირუსის პანდემიის შესაძლო დასრულების შესახებ:

„თქვენ, ალბათ, უკვე ნახეთ ეს სიახლე, გილოცავთ! უკვე ეტაპობრივად დგება ის მომენტი, როდესაც შეიძლება ითქვას, რომ კორონავირუსი, რომელიც ჩვენთვის იყო სტრესის მიზეზი, ეტაპობრივად ბარდება წარსულს. 7 აპრილს არცერთი ადამიანი არ გარდაცვლილა ამ ვირუსისგან. რამდენი ხანია ჩვენ ამ კოვიდთან ერთად ვცხოვრობთ და ეს არის პირველი შემთხვევა, როდესაც არავინ გარდაცვლილა. როგორი კარგი ამბავია, ხომ? ამ დღეს ველოდით.

2021 წლის 25 დეკემბერს მე ომიკრონზე ვისაუბრე და ვთქვი, რომ ძალიან მაღალი ალბათობით ჩვენ კოვიდს იმ სახით, რა სახითაც მანამდე ვიცნობდით, აღარ შევხვდებით-მეთქი. ასეც მოხდა. თქვენც ხომ ხედავთ, რომ ომიკრონი სავარაუდოდ რეალობაში აბარებს კოვიდს წარსულს. პანდემია უკვე აღარ იქნება. კოვიდი იქნება ჩვეულებრივი ინფექცია ერთეული შემთხვევებით. ძალიან კარგი ამბავია. მადლობა ნდობისთვის და მონდომებისთვის. ხომ ხედავთ, არ ღირდა პანიკად. ყველაფერი დასრულდა სწორედ ისე, როგორც ჩვენ გვინდოდა, რომ ყოფილიყო. გილოცავთ!“- აღნიშნა გიორგი ღოღობერიძემ.

წყარო: ​Usmle მოსამზადებელი ცენტრი

წაიკითხეთ სრულად