ბავშვთა გინეკოლოგია მოიაზრებს გოგონებზე მეთვალყურეობას დაბადებიდან 18 წლამდე.
ახალშობილ გოგონას აქვს რეპროდუქციული ფუნქცია, რომელიც ფუნქციონირებს. ექიმის მიერ ბავშვის პირველი გასინჯვა ხდება სამშობიაროში. მისი მიზანია, დავადგინოთ, არის თუ არა რაიმე ანატომიური ცვლილება გოგონას გენიტალიებში (გარეთა სასქესო ორგანოებში).
რა ასაკში უნდა მივიყვანოთ გოგონა გინეკოლოგთან, ამაზე
ზოგიერთ შემთხვევაში გოგონები დაბადაბისთანავე
რა ჩივილებით შეიძლება მოგვართოს ახალშობილის დედამ?
ახალშობილ გოგონას შეიძლება ჰქონდეს ჰორმონული კრიზი, თანმხლები სისხლიანი გამონადენით საშოდან, ასევე შესაძლოა იყოს სარძევე ჯირკვლების შესიება.
ზოგიერთ ახალშობილ გოგონას შესაძლოა ჰქონდეს მცირე სასირცხვო ბაგეების შეხორცება ან სხვა თანდაყოლილი პათოლოგია - საშოს შესავლის არარსებობა. ასეთ შემთხვევაში დაუყოვნებლივ უნდა მიმართოთ ბავშვთა გინეკოლოგს.
ასევე ხშირად გვხვდება ჩვილ გოგონებში სასქესო გზების ინფექციური პროცესი - ვულვიტი, რომელიც გამოწვეულია სასქესო ორგანოების არეში მიკრობების შეღწევით, რაც შესაძლოა იყოს განპირობებული არასაკმარისი ჰიგიენით, პამპერსის არასწორი გამოყენებით ან იყოს ალერგიული წარმოშობის, მაგალითად, ალერგიული რეაქცია სარეცხ ფხვნილზე, საპონზე ან რაიმე საკვებზე.
რა ჩივილები შეიძლება ჰქონდეს სკოლამდელ, 6-7 წლის გოგონას?
ამ ასაკის გოგონებში მაღალია ვულვიტისა და ვულვოვაგინიტის განვითარების რისკი მათი სასქესო ორგანოების ანატომიური აგებულების გამო. კერძოდ კი:
- სასქესო ბაგეების არასრული დახურვა უკანა ნაწილში
- ესტროგენის დაბალი დონე ორგანიზმში
- საშოს ნეიტრალური ან ტუტე გარემო
- იმუნიტეტის დაქვეითება
ასევე შესაძლოა ჰქონდეს:
- საკვერცხის კისტა
- სასქესო ორგანოების განვითარების ანომალია
- ნაადრევი სქესობრივი მომწიფება - მეორადი სასქესო ნიშნების გამოვლენა, სარძევე ჯირკვლების ზრდა, თმის ზრდა იღლიებსა და ბოქვენზე, მენსტრუალური ციკლის დაწყება 8 წლამდე.
რა შემთხვევაში უნდა მიმართოთ აუცილებლად გინეკოლოგს?
აუცილებელია მიმართოთ გინეკოლოგს ყველა ჩამოთვლილი შემთხვევის დროს:
- გარეთა სასქესო ორგანოების კანისა და ლორწოვანი გარსების სიწითლე, ქავილი, წვა და გამონადენი
- წვა და ქავილი მოშარდვისას
- მწვავე და ყრუ ხასიათის ტკივილი მუცლის ქვედა არეში, მუცლის ზომაში მატება ან ფორმის ცვლილება
- მენსტრუალური ციკლის არარსებობა 15 წლამდე
- არარეგულარული მენსტრუალური ციკლი
- ჭარბი მენსტრუაცია
- 7 დღეზე მეტი ხანგრძლივობით მენსტრუაცია
- მტკივნეული მენსტრუაცია
- 2 თვეზე დიდხანს მენსტრუაციის გადაცდენა
- ჭარბთმიანობა სახეზე
- სტრიების არსებობა სხეულზე
- ასიმეტრიულად განვითარებული სარძევე ჯირკვლები
- ზრდაში ჩამორჩენა
როგორ უნდა მოვამზადოთ ბავშვი გინეკოლოგთან ვიზიტისთვის?
სპეციალური მომზადება არ არის საჭირო. გინეკოლოგიური გასინჯვა ბავშვთა ასაკში შემოიფარგლება გარეგანი ვიზუალური დათვალიერებით. საჭიროების შემთხვევაში შესაძლოა საჭირო გახდეს დამატებითი კვლევების ჩატარება.